2022 جىلى قازاقستان 84,2 ملن توننا مۇناي ءوندىردى، بۇل جوسپارلانعان كولەمنەن 1,6% - عا جوعارى.   گاز ءوندىرۋ كولەمى 53,3 ملرد تەكشە مەتردى قۇراپ،  جوسپارلانعاننان 3,1% - عا ارتىق بولدى، دەپ حابارلادى ۇكىمەت وتىرىسى بارىسىندا ەنەرگەتيكا ءمينيسترى بولات اقشولاقوۆ.

"2022 جىلدىڭ قورىتىندىسى بويىنشا مۇناي جانە كوندەنسات ءوندىرۋ كولەمى 84,2 ملن. تونناعا جەتتى، ياعني 2022 جىلعى جوسپاردى 101,6% -عا ورىندادى. تەڭىز كەن ورنىندا 29,2 ملن.توننا مۇناي ءوندىرىلدى، جىلدىڭ جوسپارى 100%-عا ورىندالدى. قاراشىعاناق كەن ورنىندا مۇناي ءوندىرۋ 11,3 ملن. توننانى، 103,8% - دى قۇرادى. قاشاعاندا مۇناي ءوندىرۋ كولەمى 12,7 ملن.توننانى، 109,5%-دى قۇرادى", - دەدى اقشولاقوۆ.

ونىڭ ايتۋىنشا، 2022 جىلعى مۇناي ەكسپورتى 64,3 ملن. تونناعا جەتتى.

سونىمەن قاتار، 2022 جىلى گاز ءوندىرۋ كولەمى 53,3 ملرد.تەكشە مەتر گازدى، 103,1% - دى قۇرادى، ال تاۋارلىق گاز ءوندىرىسى 27,8 ملرد. تەكشە مەتردى قۇراپ، جوسپاردىڭ  94% - ىن ورىندادى. مۇنى ەنەرگەتيكا مينيسترلىگىنىڭ باسشىسى ورىنبور گاز وڭدەۋ زاۋىتىندا قاراشىعاناق گازىن قابىلداۋدى شەكتەۋگە، سونداي-اق تەڭىز جانە قاشاعان كەن ورىندارىندا جوسپاردان تىس جوندەۋ جۇمىستارىنا بايلانىستى دەپ ءتۇسىندىردى.

Abai.kz