ازاماتتاردى بانكروت دەپ تانۋ – قارىزدى كەشىرۋ اكتسياسى ەمەس. سەبەبى، مۇنىڭ زاڭمەن رەتتەلەتىن سالدارى بار. بۇل تۋرالى ەلوردا تۇرعىندارىمەن كەزدەسكەن قارجى ۆيتسە-ءمينيسترى ەرجان ءبىرجانوۆ ايتتى.

«بانكروتتىق ءار ازاماتتىڭ ەركىمەن جۇزەگە اسىرىلادى. مىسالى، ءۇشىنشى جاقتاعى تۇلعالار وزگە ادام ءۇشىن بانكروتتىقتى قوزعاي المايدى.

بانكروتتىق دەگەن قارىزدى كەشىرۋ اكتسياسى ەمەس. ونى ازاماتتار ءتۇسىنۋى كەرەك. ونىڭ زاڭمەن رەتتەلەتىن سالدارى بار. بانكروت دەپ تانىلعان ادامدار 5 جىل نەسيە الا المايدى. سونىمەن بىرگە 7 جىلدىڭ ىشىندە ءوزىن قايتادان بانكروت دەپ جاريالاي المايدى»، - دەپ اتاپ ءوتتى ەرجان ءبىرجانوۆ.

بۇعان دەيىن قازاقستاندىقتاردىڭ 3 ناۋرىزدان باستاپ بانكروتتىققا ءوتىنىش بەرە الاتىنى ايتىلعان.

بانكروتتىق تۋرالى زاڭ ءراسىمنىڭ ءۇش ءتۇرىن كوزدەيدى. ولار – سوتتان تىس بانكروتتىق، سوت ارقىلى بانكروتتىق جانە تولەم قابىلەتتىلىگىن قالپىنا كەلتىرۋ.

Abai.kz