قازاقستاندىق پروفەسسور الەمدەگى ەڭ بەدەلدى عالىمداردىڭ قاتارىنا قوسىلدى، دەپ حابارلادى اۋىل شارۋاشىلىعى مينيسترلىگى.

جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ پروفەسسورى، تەحنيكا عىلىمدارىنىڭ دوكتورى سارسەنبەك مونتاەۆ «الەمدەگى ەڭ بەدەلدى عالىمداردىڭ 2%-ى» (World’s Top 2% Scientists) رەيتينگىنە ەنگەن.

Elsevier عىلىمي باسپاسىنىڭ سوڭعى مالىمەتتەرىنە سايكەس، الەمنىڭ ەڭ ۇزدىك عالىمدارىن ستەنفورد ۋنيۆەرسيتەتىنىڭ ساراپشىلارى قۇراستىردى. رەيتينگ نەگىزىنە بۇكىل بيبليومەتريالىق مالىمەتتەرى: عالىمداردىڭ مانسابىنداعى بارلىق جانە وتكەن جىلداعى دايەكسوزدەرى الىنادى.

سارسەنبەك مونتاەۆ قازىر ۋنيۆەرسيتەتتىڭ يندۋستريالدى-تەحنولوگيالىق ينستيتۋتىن باسقارادى. قۇرىلىس ماتەريالدارىن وندىرۋدە جاڭا تەحنولوگيالاردى ازىرلەۋشى، سونداي-اق اۋىل شارۋاشىلىعى ماقساتىنداعى جەرلەردىڭ توپىراعىنىڭ قۇرىلىمدىق-مەحانيكالىق قاسيەتتەرىن جاقسارتۋ جونىندەگى جوبانىڭ باسشىسى.

پروفەسسور «بولاشاق» باعدارلاماسى اياسىندا جاپونيادا نانوتەحنولوگيا ماماندىعى بويىنشا عىلىمي تاعىلىمدامادان وتكەن.

Abai.kz