ساياساتتانۋشى ەربول ەدىلوۆ قازاقستانداعى ەڭ ىقپالدى ادامداردى توپتاستىرىپتى. ءوزىنىڭ تەلەگرام ارناسىندا «2022 جىلدىڭ 3-4 توقسانىندا قازاقستانداعى ەڭ ىقپالدى ادامدار كىم بولدى؟» دەگەن سۇراققا جاۋاپ جازعان. ول وقىرمانداردان العان ساۋالناما ناتيجەسىندە وسىنداي ءتىزىم جاساپ شىققان.

ەدىلوۆتىڭ العاشقى وندىق كوشىن پرەزيدەنت قاسىم-جومارت توقاەۆ باستاعان. ەكىنشى ورىنعا پرەزيدەنت اكىمشىلىگىنىڭ جەتەكشىسى مۇرات نۇرتىلەۋ جايعاسسا، ءۇشىنشى ورىنعا پارلامەنت ءماجىلىسىنىڭ توراعاسى ەرلان قوشانوۆ ورنالاسقان. كەيىنگى كەزەكتى پارلامەنت سەناتىنىڭ توراعاسى ماۋلەن اشىمباەۆ يەلەنىپتى. وسىلايشا ءتىزىمدى مەملەكەتتىك كەڭەسشى ەرلان قارين، ۇقك-ءنىڭ توراعاسى ەرمەك ساعىمباەۆ، پرەمەر-مينيستر ءاليحان سمايىلوۆ، پرەزيدەنت اكىمشىلىگى باسشىسىنىڭ ورىنباسارى ەرجان قازىحان، پرەزيدەنت اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆ، باس پروكۋرور بەرىك اسىلوۆ جالعاستىرادى. كەلەسى وندىق ءتىزىم ۇقشۇ باس حاتشىسى يمانعالي تاسماعانبەتوۆپەن باستالادى. ونىڭ ءىزىن الا سىرتقى ىستەر ءمينيسترى مۇحتار تىلەۋبەردى ورنالاسقان. كەلەسى ورىنداردا جەمقورلىققا قارسى كۇرەس اگەنتتىگىنىڭ توراعاسى ولجاس بەكتەنوۆ، ىشكى ىستەر ءمينيسترى مارات احمەتجانوۆ، قارجى مونيتورينگى اگەنتتىگىنىڭ توراعاسى جانات ەليمانوۆ، الماتى قالاسىنىڭ اكىمى ەربولات دوساەۆ، پرەزيدەنتتىڭ ءىس باسقارۋشىسى ايبەك دادەباەۆ، «Kaspi.kz» اق ديرەكتورلار كەڭەسىنىڭ توراعاسى ۆياچەسلاۆ كيم، پرەزيدەنت كەڭسەسىنىڭ باسشىسى باقىتجان ساريەۆ، مەملەكەتتىك كۇزەت قىزمەتى باسشىسى ساكەن يسابەكوۆ تۇر.

ءۇشىنشى وندىقتا پرەمەر-ءمينيستردىڭ ورىنباسارى – ۇكىمەت اپپاراتىنىڭ جەتەكشىسى عالىمجان قويشىباەۆ، جوعارعى سوتتىڭ توراعاسى اسلانبەك مەرعاليەۆ، پرەزيدەنتتىڭ كومەكشىسى – قاۋىپسىز كەڭەسىنىڭ حاتشىسى عيزات نۇرداۋلەتوۆ، ۇلتتىق وليمپيادا كوميتەتىنىڭ پرەزيدەنتى تيمۋر قۇلىباەۆ، شىعىس قازاقستان وبلىسىنىڭ اكىمى دانيال احمەتوۆ، پرەمەر-ءمينيستردىڭ ءبىرىنشى ورىنباسارى رومان سكليار، پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ، پرەمەر-ءمينيستردىڭ ورىنباسارى التاي كۇلگىنوۆ، استانا قالاسىنىڭ اكىمى جەڭىس قاسىمبەك، جوعارى اۋديتورلىق پالاتانىڭ ءتورايىمى ناتاليا گودۋنوۆا ورنالاسقان.

Abai.kz