24 شىلدەدە Abai.kz اقپاراتتىق پورتالى العاشقىلاردىڭ ءبىرى بولىپ ماسكەۋ قازاقتارىنىڭ www.kazakh-tili.ru سايتىنا سىلتەمە جاساي وتىرىپ، زاۋىتبەك تۇرىسبەكوۆتىڭ ەندىگى قىزمەتى ەلىمىزدىڭ رەسەيدەگى ەلشىسى بولماق دەگەن جورامال جاساعان-دى. كەشە، ياعني 14 تامىزدا ەلباسى ن.نازارباەۆ جارلىعىمەن وسى بولجامىمىز راستالدى، زاۋىتبەك ەلشى بولدى. ءارى وسى جارلىقپەن قازاقستاننىڭ وزبەكستانداعى توتەنشە جانە وكىلەتتى ەلشىسى دەگەن قىزمەتىنەن بوسادى. ءيا، كەدەندىك وداق قۇرۋ، دسۇ-عا مۇشە بولۋ سياقتى كۇرمەۋى قيىن ماسەلەلەردە كرەمل بوگەلەك تيگەن بۇقاشا ۇستانىمىن وزگەرتۋمەن كەلەدى. مۇندايدا مەملەكەت مۇددەسىنەن مىق شەگەشە اينىمايتىن ەلشى ءرولىنىڭ ماڭىزى ارتا تۇسپەك. ال اقوردا دالىزىنە اياق ءىزىن قالدىرعان ازاماتتار اراسىنان تۇرىسبەكوۆكە تاڭداۋ ءتۇسۋىن بىلاي توپشىلاۋعا بولار. بىرىنشىدەن، زاۋىتبەك قاۋسبەكۇلى - «يۋجان» دەگەن بەيرەسمي اتاعى بىلاي تۇرسىن، ورىس، رەسەي مۇددەسى دەپ جاسىرىن بولسىن، جان اۋىرتپاعان ساياساتكەردىڭ بىرەۋى. ودان گورى، ونىڭ اتى «وردالى جىلان» كىتابىندا ءجيى اتالاتىنى جاسىرىن ەمەس. قىزىق بولعاندا، تۇرىسبەكوۆتىڭ كرەمل تورىنە بارۋىن ەلىمىزدەگى ورىس ۇلتشىلدارى دا قۋانا قولداپ وتىر. ايتالىق، www.russians.kz سايتى جاريالاعان ەدۋارد كوۆەلدىڭ ماقالاسىندا «تۇرىسبەكوۆتىڭ ەلشى بولۋىمەن باياعى مانسۇروۆ پەن كوشەرباەۆتىڭ باقىتتى ۋاعى قايتا ورالادى» دەي كەلە، وعان تاۋداي سەنىم ارتادى.

24 شىلدەدە Abai.kz اقپاراتتىق پورتالى العاشقىلاردىڭ ءبىرى بولىپ ماسكەۋ قازاقتارىنىڭ www.kazakh-tili.ru سايتىنا سىلتەمە جاساي وتىرىپ، زاۋىتبەك تۇرىسبەكوۆتىڭ ەندىگى قىزمەتى ەلىمىزدىڭ رەسەيدەگى ەلشىسى بولماق دەگەن جورامال جاساعان-دى. كەشە، ياعني 14 تامىزدا ەلباسى ن.نازارباەۆ جارلىعىمەن وسى بولجامىمىز راستالدى، زاۋىتبەك ەلشى بولدى. ءارى وسى جارلىقپەن قازاقستاننىڭ وزبەكستانداعى توتەنشە جانە وكىلەتتى ەلشىسى دەگەن قىزمەتىنەن بوسادى. ءيا، كەدەندىك وداق قۇرۋ، دسۇ-عا مۇشە بولۋ سياقتى كۇرمەۋى قيىن ماسەلەلەردە كرەمل بوگەلەك تيگەن بۇقاشا ۇستانىمىن وزگەرتۋمەن كەلەدى. مۇندايدا مەملەكەت مۇددەسىنەن مىق شەگەشە اينىمايتىن ەلشى ءرولىنىڭ ماڭىزى ارتا تۇسپەك. ال اقوردا دالىزىنە اياق ءىزىن قالدىرعان ازاماتتار اراسىنان تۇرىسبەكوۆكە تاڭداۋ ءتۇسۋىن بىلاي توپشىلاۋعا بولار. بىرىنشىدەن، زاۋىتبەك قاۋسبەكۇلى - «يۋجان» دەگەن بەيرەسمي اتاعى بىلاي تۇرسىن، ورىس، رەسەي مۇددەسى دەپ جاسىرىن بولسىن، جان اۋىرتپاعان ساياساتكەردىڭ بىرەۋى. ودان گورى، ونىڭ اتى «وردالى جىلان» كىتابىندا ءجيى اتالاتىنى جاسىرىن ەمەس. قىزىق بولعاندا، تۇرىسبەكوۆتىڭ كرەمل تورىنە بارۋىن ەلىمىزدەگى ورىس ۇلتشىلدارى دا قۋانا قولداپ وتىر. ايتالىق، www.russians.kz سايتى جاريالاعان ەدۋارد كوۆەلدىڭ ماقالاسىندا «تۇرىسبەكوۆتىڭ ەلشى بولۋىمەن باياعى مانسۇروۆ پەن كوشەرباەۆتىڭ باقىتتى ۋاعى قايتا ورالادى» دەي كەلە، وعان تاۋداي سەنىم ارتادى. سەنىم ارتىپ قويماي، ونىڭ ومىرزاق شوكەەۆپەن ىمى-جىمى بىرلىگىن جانە وسىنىڭ توڭىرەگىندەگى ۋ-شۋدىڭ بارلىعى ارنايى اقپاراتتىق سوعىستىڭ سالدارى دەپ، تۇرىسبەكوۆكە تاس لاقتىرۋشىلارعا توبەسىن توسادى. ەكىنشىدەن، زاۋىتبەكتىڭ ىسكەرلىك قابىلەتى قازىر اركىمگە ايان. اكىمدىك، مينيسترلىك سىناقتىڭ وت-جالىنىنا ابدەن ىستالدى. مىسالى، ەلىمىزدىڭ باس پوليتسەيى بولىپ تۇرعانىندا كادرلىق «نوۋ-حاۋلارىمەن» ەستە قالدى، ءمينيستردىڭ 6 ورىنباسارىن تورتەۋگە قىسقارتتى، ءىىم دەپارتامەنتتىنىڭ سانىن التاۋعا ازايتتى. پوليتسەيلەردى قايتا اتتەستاتسيالاۋ، قارجىنى ۇنەمدەۋ، كيىم-كەشەگىن جاڭارتۋ.... تۇرىسبەكوۆتىڭ تۇسىندا جۇزەگە اسىرىلدى. ەندىگى جەردە ەلشىلىك قىزمەتىندە دە قازاق مۇددەسىن العا قويعاي....

ءو،دارحان، «اباي-ينفورم»