ۇنەمى ىزدەنىس ۇستىندە جۇرەتىن ەمدەۋ-ساۋىقتىرۋ كەشەنىنىڭ دارىگەرلەرى پاتسيەنتتى ەمدەپ، ساۋىقتىراتىن تاعى ءبىر ەرەكشە ءتاسىل ويلاپ تاپتى. ونىڭ ەرەكشەلىگى – ەكى ءتۇرلى ەم ءتۇرىن بىرىكتىرۋ. قۇرعاق كومىرقىشقىل گازىن سۇيىق كۇيىندە ۆاننادا قابىلداۋ جانە توق سوقتىرۋ ارقىلى ناتيجەگە جەتۋ. وسى ءتاسىلدىڭ كومەگىمەن قان اينالىمى ناشار، تىنىس جۇيەسى تارىلعان ادامنىڭ جاعدايى جاقسارا تۇسەدى.

ۆانناداعى پاتسيەنتتىڭ دەنەسىنە سو2 ىلعال كۇيىندە بەرىلەدى. ول تەرى ارقىلى بيوحيميالىق رەاكتسياعا ءتۇسىپ، قان تامىرلارىنا ەنىپ، قان تامىرى تالشىقتارىن وتتەگىمەن بايىتادى. اسىرەسە كورونارلىق ارتەرياعا، ياعني جۇرەكتىڭ كۇرە تامىرلارىنا ەرەكشە اسەر ەتەدى. تارىلىپ جىڭىشكەرگەن تامىر جۇيەلەرىن كەڭەيتىپ، ءتۇيىلىپ بىتەلگەن تۇستارىن اشادى. برونح قىزمەتى، ياعني تىنىس الۋ جاقسارادى. سونداي-اق ميداعى وتتەگىمەن بايىتىلعان قان ەركىن اينالىپ، ۇمىتشاقتىق جوعالادى.

ەلەكترمەن ەمدەۋ جانە ۋلترادىبىستىق تەراپيا - تۇيىلگەن قان تامىرلارى مەن بۇلشىقەتتىڭ، ءسىڭىردىڭ جۇمىسىن رەتتەيدى. ياعني قان تامىرلارى رەتكە كەلىپ، جۇرەك بىرقالىپتى سوعىپ، ميعا دا، بۇكىل دەنەگە دە وتتەگى قالىپتى جاعدايدا بارادى.

بىرەگەي ءتاسىل «Almaty Resort» ەمدەۋ-ساۋىقتىرۋ ورتالىعىنىڭ باعدارلاماسىنا وتكەن جىلى قوسىلدى.

بۇگىنگە دەيىن 30-عا تارتا پاتسيەنت ەمدەلىپ، اۋرۋلارىنان ابدەن ايىعىپ شىقتى. ستاتيتيكاعا سۇيەنسەك، ەم العانداردىڭ جاس ەرەكشەلىگى 30 بەن 60 جاستىڭ ارالىعىندا.

«Almaty Resort» دارىگەرلەرى بۇدان بولەك ەلەكتروماگنيت جانە بۇرقاق ۆاننامەن ەمدەۋ ءادىسىن جاڭا جىلدان بەرى قولدانا باستاپتى.

ۆانناداعى ارنايى سۋدىڭ قايناعانداي بۇرقىلداپ شىعۋى جانە ونىڭ دەنەگە ماسساجداي اسەر ەتۋىنىڭ ماڭىزى زور. بۇرقاق ۆاننا قان اينالىمىن جاقسارتىپ، تەرىدەگى ميكروتسيركۋلياتسيالىق ۇدەرىسكە وڭ اسەر بەرەدى. بۋىننىڭ بەلسەندىلىگىن جوعارىلاتىپ، اۋىرسىنعاندى باسادى ءارى كوكتامىر قانىنىڭ قايتۋىنا كومەكتەسەدى.

ال ەلەكتروماگنيت پەن تۇراقتى ماگنيتتەر ەنەرگياڭىزدى قالپىنا كەلتىرۋ جانە يممۋندىق جۇيەنى نىعايتۋ، اۋىرسىنۋدى باسۋ جاعىنان وتە ءتيىمدى. ماگنيتتتىك ءورىستىڭ اسەرىمەن اعزاداعى زات الماسۋ جاقسارادى. ەندوگەندىك جىلۋدىڭ قالىپتاسۋى، تەمپەراتۋرانىڭ كوتەرىلۋى، تەرىنىڭ تىتىركەنۋى سياقتى كەرى اسەرى بولمايتىنى دالەلدەنگەن. سوندىقتان دا جاسى كەلگەن ادامدار مەن ءالسىز ناۋقاستار دا بۇل ەم-دومدى جاقسى قابىلدايدى.

شيپاجايداعى دارىگەرلەر كوروناۆيرۋستان كەيىن اعزاسى السىرەگەن پاتسيەنتتەردى وڭالتۋدىڭ جولىن تاپقان. عىلىمي تىلمەن ايتقاندا، استەنيالىق سيمپتومدارى بار پوستكوۆيدتى سيندرومدى (long-covid) وڭالتۋدىڭ كەشەندى باعدارلاماسىندا فلويتينگ ۆانناسىن ەلەكتروفورەز NaBr-مەن قولدانادى.

بەلگىلى بولعانداي ىندەتتى جۇقتىرىپ كەيىن ودان جازىلعانىڭىزبەن، ۆيرۋس دەنەڭىزدەگى قالىپتى جۇمىستى بۇزادى. ادامدار كوبىنە ويلاۋ جۇيەسىنىڭ ناشارلاعانىن، ونىڭ ىشىندە ويىن جيناقتاي الماۋى، ويىنىڭ شاشىراڭقى بولۋى جانە جادتا ساقتاۋ قابىلەتىنىڭ ناشارلاعانىن، ياعني ۇمىتشاق بولىپ بارا جاتقانىن ايتادى. سونداي-اق كوڭىل-كۇيدىڭ بۇزىلعانىن، شىم-شىتىرىق ءتۇس كورە باستاعاندارىن ايتىپ شاعىمدانادى. مۇنىڭ ءبارى كوۆيدتەن كەيىنگى استەنيالىق جاعداي.

«Almaty Resort» ەمدەۋ-ساۋىقتىرۋ ورتالىعىنىڭ دارىگەرى ەمدەۋدى تاعايىنداعان سوڭ، ءبىر اپتا، ارى كەتسە ون كۇننىڭ ىشىندە استەنيالىق سيمپتوم توقتايدى. تارقاتىپ ايتساق، دارىلىك تەراپيانى، فيزيوتەراپيانى، رەفلەكسولوگيانى، پسيحوتەراپيانى قامتيتىن كەشەندى ءتاسىلدىڭ ارقاسىندا استەنيالىق جاعداي جاقسارادى. دارىگەرلەردىڭ جاڭا ءتاسىلى – NaBr قوسپالى ەلەكتروفورەزى بار فلويتينگ ۆانناسىنىڭ ارقاسىندا ساۋىقتىرۋ.

بۇگىندە الماتىداعى ەمدەۋ-ساۋىقتىرۋ ورتالىعىنا كەلىپ، كوروناۆيرۋس ىندەتىنەن كەيىن كومەك سۇراعان 50-گە تارتا ادامنىڭ ءبارى وسى ءتاسىلدىڭ ارقاسىندا تولىق وڭالدى.

Abai.kz