ءبىلىم مەن قوسا ونەردى دە قاتار الىپ جۇرەتىن قازۇۋ ءبىلىمدى، ونەرلى جاستار مەكەنىنە اينالعان. وعان كوكتەممەن بىرگە كەلەتىن، كوكتەمنىڭ جارشىسىنداي بولعان «ستۋدەنتتىك كوكتەم» اتتى ءداستۇرلى ستۋدەنتتىك  بايقاۋىن ايتۋعا بولادى. بايقاۋ تەك ونەردى كورسەتىپ قويمايدى. سول ونەر ارقىلى جاستاردىڭ بويىنداعى اينالاعا دەگەن نۇرلى كوزقاراسىن كورسەتەدى. بايقاۋ ونەر ارقىلى ادامداردى سىيلاۋ، ۇلكەنگە قۇرمەت كورسەتۋ سەكىلدى ادامگەرشىلىك اسىل قاسيەتتەرىن بويلارىنا سىڭىرەتىن جاستاردان تۇرادى. ونى بايقاۋعا كەلگەن ءاربىر كورەرمەن تۇسىنەرى انىق. بۇل ءبىر جاعىنان ۋنيۆەرسيتەت رەكتورى ع.مۇتانوۆتىڭ باستاماسىمەن جۇزەگە اسىپ كەلە جاتقان «اينالاڭدى نۇرلاڭدىر» جوباسىنىڭ تاعى ءبىر ساۋلەلى تۇسى بولسا كەرەك.

ءبىلىم مەن قوسا ونەردى دە قاتار الىپ جۇرەتىن قازۇۋ ءبىلىمدى، ونەرلى جاستار مەكەنىنە اينالعان. وعان كوكتەممەن بىرگە كەلەتىن، كوكتەمنىڭ جارشىسىنداي بولعان «ستۋدەنتتىك كوكتەم» اتتى ءداستۇرلى ستۋدەنتتىك  بايقاۋىن ايتۋعا بولادى. بايقاۋ تەك ونەردى كورسەتىپ قويمايدى. سول ونەر ارقىلى جاستاردىڭ بويىنداعى اينالاعا دەگەن نۇرلى كوزقاراسىن كورسەتەدى. بايقاۋ ونەر ارقىلى ادامداردى سىيلاۋ، ۇلكەنگە قۇرمەت كورسەتۋ سەكىلدى ادامگەرشىلىك اسىل قاسيەتتەرىن بويلارىنا سىڭىرەتىن جاستاردان تۇرادى. ونى بايقاۋعا كەلگەن ءاربىر كورەرمەن تۇسىنەرى انىق. بۇل ءبىر جاعىنان ۋنيۆەرسيتەت رەكتورى ع.مۇتانوۆتىڭ باستاماسىمەن جۇزەگە اسىپ كەلە جاتقان «اينالاڭدى نۇرلاڭدىر» جوباسىنىڭ تاعى ءبىر ساۋلەلى تۇسى بولسا كەرەك.

اينالاسىن نۇرلاندىرۋعا جانى جاقىن قازۇۋ جاستارى بيىلعى «ستۋدەنتتىك كوكتەم» بايقاۋىن وتە شىعارماشىل، جاندى، جاقسى دەڭگەيدە وتكىزدى. بايقاۋ 1 اقپاننان 29 ناۋرىز ارالىعىندا جۇرگىزىلگەن بولاتىن. بايقاۋعا تەك ءال-فارابي اتىنداعى قازاق ۇلتتىق ۋنيۆەرسيەتىنىڭ ستۋدەنتتەرى مەن كوللەدجىنىڭ ستۋدەنتتەرى قاتىستى. ءبىرىنشى كەزەڭ ىرىكتەۋ كەزەڭى دەپ اتالعان بولاتىن. مۇندا ۋنيۆەرسيتەتىمىزدەن 2000-عا جۋىق ستۋدەنتتەر ونەرلەرىن كورسەتتى. اسىرەسە، بيىلعى جىلدىڭ ءبىر ەرەكشەلىگى ءاربىر نوميناتسياعا ءبىر كۇننەن بەرىلدى. ال، ەكىنشى كەزەڭ 15 ناۋرىزدا ءوتتى. وعان ىرىكتەلگەن 1000-عا جۋىق ستۋدەنت قاتىستى. ءۇشىنشى كەزەڭ كۇنى كەشە عانا ءوتتى. «ستۋدەنتتىك كوكتەم-2013» بايقاۋىنىڭ گالو-كونتسەرەتىنە 12 نوميناتسيا بويىنشا 300-گە جۋىق ونەرلىلەر ماراپاتتالدى. 3-ءشى جانە 2 -ءشى جۇلدەلى ورىنداردى ۋنيۆەرسيەتىمىزدىڭ الەۋمەتتىك دامۋ جونىندەگى پرورەكتور شولپان جامانبالاەۆا تابىستاسا، ءبىرىنشى ورىن يەلەرىن ۋنيۆەرسيتەت رەكتورى ع.مۇتانوۆ ەرەكشە قۇرمەتپەن، جىلى نيەتپەن جەتكىزدى. ۋنيۆەرسيتەت رەكتورى ع.مۇتانوۆ ماراپاتتاۋ سالتاناتىندا: «ءبىز جۇزدەن جۇيرىك، مىڭننان تۇلپار شىققان ۋنيۆەرسيتەتىمىزدىڭ ونەرلى جاستارىن كورىپ وتىرمىز. بايقاۋعا قاتىسىپ، جارىسقان بارلىق جاستارعا نۇرلى ءومىر، جارقىن بولاشاق تىلەيمىن. ومىردە كوكتەمنەن كوركەم مەزگىل جوق. سىزدەر قازىر ءوز جاستارىڭىزدىڭ كوكتەمىندە جۇرسىزدەر. بۇل ءداستۇرلى ستۋدەنتتىك بايقاۋىمىزدىڭ كوكتەمدە ءوتۋى جانە بايقاۋدىڭ تاقىرىبىنىڭ كوكتەممەن بايلانىستى بولۋىنىڭ وزىندە تەرەڭ ماعىنا بار. سول كوكتەمنىڭ شۋاعى ارقاشان كوڭىلدەن كەتپەسىن»،-دەپ شىن جۇرەكتەن شىققان جىلى سوزىمەن ءبولىستى.

«ستۋدەنتتىك كوكتەم-2013» بايقاۋىنا قاتىسقان بارلىق جاستاردىڭ جالىنى ساحناعا شىققان جۇزدەرى مەن ونەرلەرىنەن ايقىن بايقالىپ تۇردى. ولاردىڭ ونەرىمەن قوسا مىڭ قۇلپىرعان ساحنا ءتىپتى اسەرلى. بىرەسە ۇلتتىق ناقىشقا، ەندى بىردە تەرەڭ سىرعا جەتەلەيتىن كوركەم قۇبىلىستاعى تۇستەر مەن اسەم تابيعات بەدەرلەرىنەن قۇرالعان ەكران ءسات-سايىن اۋەن ىرعاعى مەن ستۋدەنت قيمىلى مەن مازمۇندى ونەرىنە قاراي قۇبىلىپ تۇردى. كوركەم دەكاراتسيا كەلۋشىلەرگە ەرەكشە اسەر سىيلادى. ال، ونەرلى جاستاردىڭ ونەرى كورەرمەنىڭ باسقا ءبىر الەمدە جۇرگەندەي اسەردە قالدىرعانى ءسوزسىز. ونەرلەرىمەن ءتانتى ەتىپ، بايقاۋدا ەرەكشە كوزگە تۇسكەن ستۋدەنتتەر وزدەرىمەن قوسا فاكۋلتتەرىنە دە جەڭىس اكەلدى. ولار ءۇشىنشى ورىندا حالىقارالىق قاتىناستار جانە حيميا جانە حيميالىق تەحنولوگيا فاكۋلتەتى، ەكىنشى ورىن جۋرناليستيكا جانە ەكونوميكا جانە بيزنەس جوعارى مەكتەبى، ءبىرىنشى ورىن جوعارى وقۋ ورنىنا دەيىنگى ءبىلىم بەرۋ فاكۋلتەتى يەلەنسە، گران-ءپريدى فيلولوگيا،ادەبيەتتانۋ جانە الەم تىلدەرى فاكۋلتەتى يەلەندى. ولارعا ۇيىمداستىرۋشىلار تاراپىنان ديپلومدار مەن قارجىلاي اقشا تابىستالدى. بايقاۋعا قاتىسقان بارلىق جەڭىمپاز ستۋدەنتتەرگە دەمەۋشىلەر تاراپىنان ديپلومدار، ءتۇرلى سىي-سىياپاتتار مەن باعالى سىيلىقتار بەرىلدى.

الماگۇل قۇرمانباەۆا،

ءال-فارابي اتىنداعى قازاق ۇلتتىق ۋنيۆەرسيتەتى،

جۋرناليستيكا فاكۋلتەتى

دەكانىنىڭ ورىنباسارى،

فيلولوگيا عىلىمدارىنىڭ كانديداتى