بۇگىن ءبىز بۇۇ ۆولونتەرلەرى جانە ولار نە ىستەيدى جانە كىم سول قاتاردا بولا الاتىنى تۋرالى ءجيى قويىلاتىن سۇراقتاردى جينادىق.

وسى جانە باسقا دا سۇراقتارعا بۇۇ ەرىكتىلەر باعدارلاماسىنىڭ قازاقستانداعى ۇيلەستىرۋشىسى نيكيتا شاباەۆ جاۋاپ بەردى.

بۇۇ ەرىكتىلەرى كىمدەر؟

– ولاردىڭ بارلىعى بۇۇ-نىڭ ءبىر بولىگى بولعىسى كەلەتىن، كەم دەگەندە 18 جاستاعى جانە بۇۇ ەرىكتىلەر پلاتفورماسىندا ءوز پروفيلىنە يە بولۋ ءۇشىن جەتكىلىكتى تۇردە باستاماشىل، بەيبىتشىلىك پەن تۇراقتىلىق قۇندىلىقتارىمەن بولىسەتىن، سونداي-اق قازاقستانداعى نەمەسە بۇكىل الەمدەگى بۇۇ اگەنتتىكتەرىنە، قورلارى مەن باعدارلامالارىنا، ءتىپتى ونلاين رەجيمىندە كومەك كورسەتۋگە ۇمتىلاتىن ازاماتتار.

- ولار نەمەن اينالىسادى؟

بىرىككەن ۇلتتار ۇيىمىنىڭ ۆولونتەرلەرى لاۋازىمدارىنان وتكەن بۇۇ بولىمشەلەرىنە كومەكتەسەدى، ال ولار ءوز كەزەگىندە تۇراقتى بەيبىتشىلىك پەن دامۋعا قول جەتكىزۋگە، تۇراقتى دامۋ ماقساتتارىنا قول جەتكىزۋگە باعىتتالعان مەملەكەت پەن بارلىق باستامالارعا قولداۋ كورسەتەدى.

قالاي بۇۇ ۆولونتەرى اتانۋعا بولادى؟

- ول ءۇشىن بىرىڭعاي ەرىكتىلەر پلاتفورماسىنا (Unified Volunteering Platform) كىرۋگە، تىركەلۋگە جانە ءوز نوۋتبۋگىڭىزدان نەمەسە سمارتفونىڭىزدان كەز كەلگەن بوس جۇمىس ورىندارىنا ءوتىنىش بەرۋگە جارتى ساعات جەتكىلىكتى. ءاربىر بوس جۇمىس ورنىنىڭ ورىندالۋ مەرزىمى (1 كۇننەن 4 جىلعا دەيىن), كانديداتقا قويىلاتىن تالاپتار (جاسى، تاجىريبەسى، تىلدەردى ءبىلۋى جانە ت. ب.) بويىنشا تولىق سيپاتتاماسى بولادى.

- بۇۇ ەرىكتىسى بولىپ جۇرگەن قازاقستان ازاماتتارىنان كىمدى ەرەكشە اتاپ وتۋگە بولادى؟

- بىرەۋدى ءبولىپ كورسەتۋ مۇمكىن ەمەس، ويتكەنى بۇۇ-نىڭ قازاقستانداعى نەمەسە قازاقستاندىق بارلىق ەرىكتىلەر كەرەمەت بالالار! ولار، بارلىق ەرىكتىلەر سياقتى، ءوز وتانىنىڭ پاتريوتتارى، قاي جاعداي بولسىن بەي-جاي قارامايدى، سونىمەن قاتار ءوز قىزمەتىندە وڭ وزگەرىستەرگە قول جەتكىزەدى. سونداي-اق، قازاقستاننىڭ باستاماسى بويىنشا 2020 جانە 2021 جىلدارى الەمنىڭ يوردانيا، كەنيا، تايلاند كورولدىگى جانە تۇركيا سياقتى 4 ەلىندە بۇۇ-نىڭ ءارتۇرلى اگەنتتىكتەرى مەن باعدارلامالارىنا جولداما العان ءبىزدىڭ ازاماتتارىمىزدى، قازاقستاننان كەلگەن بۇۇ ەرىكتىلەرىن اتاپ وتكەن ءجون. ولار ءبىر جىلدان ەكى جىلعا دەيىن سوندا بولىپ، بۇكىل الەمگە قازاقستاندىقتاردىڭ بۇل الەمدى قالاي جاقسى جاققا وزگەرتەتىنىن كورسەتتى.

ەگەر بالا ءالى 18 جاسقا تولماسا بولماسا، بۇۇ ەرىكتىلەرىندە اقىلى پراكتيكانت، تاعىلىمدامادان ءوتۋشى بولا الا ما؟

- ەگەر ءسىز ءالى 18 جاستا بولماساڭىز ەشتەڭە ەتپەيدى. بۇۇ ەرىكتىسى بولا الماعانمەن، مەن جەكە ءوزىم باسقا پلاتفورماعا كىرۋگە كەڭەس بەرەمىن. qazvolunteer.kz پلاتفورماسىندا وزىڭىزگە ۇنايتىن ەرىكتىلىكتى تابۋ، ءسىزدىڭ ەلدىمەكەنىڭىزدەگى ەرىكتىلەر توبىنا قوسىلۋ نەمەسە ەرىكتى رەتىندە ءىس - شاراعا قاتىسۋ – بۇل ۇلكەن تاجىريبە! بارلىق سەرتيفيكاتتاردى، العىس حاتتاردى جانە ءتىپتى انىقتامالاردى سكانەرلەۋدى ۇمىتپاڭىز-مۇنىڭ ءبارى بولاشاقتا سىزگە پايدالى بولادى. بىراق ەڭ باستىسى 18 جاسقا تولعاننان كەيىن بۇۇ ەرىكتىسى لاۋازىمىنا وڭاي وتۋگە مۇمكىندىك بەرەدى!

بۇۇ ەرىكتى بولعىسى كەلەتىندەرگە قانداي كەڭەس بەرەسىز؟

- مەن شەت تىلدەرىن ۇيرەنۋگە كەڭەس بەرەمىن. كەم دەگەندە اعىلشىن ءتىلىن جاقسى بىلسە، ودان بولەك بۇۇ-نىڭ تاعى ءبىر نەمەسە ەكى ءتىلىن بىلسە قۇبا-قۇپ. قانداي ءتىل ەكەنىنە Google كومەكتەسەدى! ال كەلەسى كەڭەسىم تاعدىردان توسىنسىي كۇتپەڭىز، ول وزىمەن كوپ جۇمىس ىستەيتىندەرگە، باستاماشىل جانە بەلسەندى ادامدارعا ءوزى كومەكتەسەدى. مەنىڭ بارلىق كەڭەسىمدى وقىعاننان كەيىن app.UNV.org پلاتفورماسىمەن تانىسىپ، youtube-تان حالىقارالىق ۇيىمدار مەن بۇۇ-داعى قۇزىرەتتىلىك بويىنشا سۇحباتتىڭ قالاي وتكىزىلەتىنىن كورسەڭىزدەر بولادى. ەڭ باستىسى، قىزىعۋشىلىقتارىڭىز ارتا بەرسىن، ەرىكتىلىك ارقىلى جاقسىلىققا ۇمتىلىڭىزدار دەگىم كەلەدى. بارشاڭىزعا ساتتىلىك!

Abai.kz