پرەزيدەنتتىك جاستار كادرلىق رەزەرۆىنە كەزەكتى ىرىكتەۋ وتكىزەدى. بۇعان دەيىن مقىا باسشىسى دارحان جازىقباەۆ الەۋمەتتىك ماڭىزدى سالالاردا – دەنساۋلىق ساقتاۋ، ەنەرگەتيكا، ءبىلىم بەرۋ سالالارىندا رەزەرۆتەگىلەردىڭ سانى ماردىمسىز ەكەنىن اتاپ وتكەن بولاتىن. 

سوندىقتان اگەنتتىك رەزەرۆتىڭ سالالىق توپتارىن قايتا قاراۋدى جوسپارلاپ وتىر.

سونىمەن قاتار، 2022 جىلدىڭ جەلتوقسان ايىندا رەزەرۆتەن شىعارۋ ءتارتىبىن بەكىتۋ تۋرالى قاۋلى قابىلداندى.  ەندى باسقا ەلدىڭ ازاماتتىعىن العان، قازاقستان ازاماتتىعىنان ايىرىلعان جانە كەلەڭسىز سەبەپتەرمەن جۇمىستان بوساتىلعان رەزەرۆشىلەر وقۋدان شىعارىلۋى مۇمكىن.

دارحان جازىقباەۆ سونداي-اق اگەنتتىك بۇكىل رەسپۋبليكا بويىنشا وڭىرلىك جاستار كادرلىق رەزەرۆتەرىن قۇرۋدى جوسپارلاپ وتىرعانىن، بۇل ءوڭىر جاستارى ءۇشىن الەۋمەتتىك ساتىعا اينالاتىنىن اتاپ ءوتتى.

ءوز كەزەگىندە اگەنتتىك بىزگە وسى الەۋمەتتىك ساتىعا قالاي وتۋگە بولاتىنىن ايتىپ بەردى.

كادر رەزەرۆىنە ىرىكتەۋ قالاي جۇرگىزىلەدى؟

پرەزيدەنتتىك جاستار كادرلىق رەزەرۆىنە ىرىكتەۋ 2019 جانە 2021 جىلدارى جۇرگىزىلدى. مقىا ىرىكتەۋدىڭ اشىقتىعى مەن ادىلدىگى ءۇشىن كەزەڭدەردىڭ باسىم بولىگى ونلاين فورماتتا ارنايى قۇرىلعان ەلەكتروندىق پلاتفورمادا وتەتىنىن اتاپ ءوتتى.

ماسەلەن، 2019 جىلعى ىرىكتەۋ مىنانداي كەزەڭدەر ارقىلى جۇزەگە استى:

- قۇجاتتاردى قابىلداۋ;

- قابىلەتتەردى سىناۋ;

- تەستىلەۋدى تەكسەرۋ;

- ەسسە جازۋ;

- جوبالاردى تانىستىرۋ.

ال ساراپتامالىق كوميسسيادا قۇزىرەتتەردى باعالاۋ جانە اڭگىمەلەسۋ ۇمىتكەرلەردىڭ تىكەلەي قاتىسۋىمەن جۇرگىزىلدى، - دەپ حابارلادى مقىا.

2021 جىلى ىرىكتەۋ كەزەڭدەرىنە سيتۋاتسيالىق ەسەپتەردى شەشۋ (ەسسە جازۋدىڭ جانە جوبانى تانىستىرۋدىڭ ورنىنا) جانە قۇرىلىمدىق مىنەز-قۇلىق سۇحباتى (قۇزىرەتتىلىكتى باعالاۋ جۇمىسىنىڭ بولىگى رەتىندە) سياقتى جاڭا باعالاۋ قۇرالدارى ەنگىزىلدى. سونداي-اق ۇمىتكەرلەر مەملەكەتتىك ءتىلدى ورتا دەڭگەيدەن تومەن ەمەس بىلەتىندىگىن راستاۋعا ءتيىس بولدى. بىراق بۇل جولى دا تاڭداۋ مۇمكىندىگىنشە ونلاين فورماتقا باعىتتاۋعا تىرىسقان.

قۇجاتتاردى قابىلداۋ، قابىلەتتىلىك تەستىنەن ءوتۋ، سيتۋاتسيالىق ەسەپتەردى شەشۋ ەلەكتروندى پلاتفورمادا جۇرگىزىلدى.  قۇزىرەتتىلىكتى باعالاۋ جانە ساراپتاۋ كوميسسياسىندا اڭگىمەلەسۋ وفلاين فورماتتا ءوتتى، - دەپ حابارلادى ۆەدومستۆو.

ۇمىتكەرلەردى ىرىكتەۋگە تەك مقىا، مەملەكەتتىك باسقارۋ اكادەمياسى عانا ەمەس، باسقا دا مەملەكەتتىك ورگاندار قاتىستى.  قاجەت بولعان جاعدايدا قوعام قايراتكەرلەرى، اكادەميالىق ورتا مەن بيزنەس-قاۋىمداستىق وكىلدەرى تارتىلدى.  بىراق سوڭعى شەشىمدى ۇلتتىق كوميسسيا قابىلدايدى.

ىرىكتەۋ كەزىندە قانداي كريتەريلەر ەسكەرىلەدى؟

بۇل جوبا ءبىرىنشى كەزەكتە جاس جانە تالانتتى قازاقستاندىقتار ءۇشىن الەۋمەتتىك ساتى رەتىندە قۇرىلعانىن ەسكەرە وتىرىپ، مقىا كريتەريلەر ءتىزىمىن قايتا جۇكتەمەۋگە شەشىم قابىلدادى. وسىلايشا، تالاپتاردىڭ ەڭ تومەنگى تىزبەسى قالىپتاستىرىلدى. اتاپ ايتقاندا كانديدات قازاقستان رەسپۋبليكاسىنىڭ 35 جاستان اسپاعان ازاماتى بولۋى، جوعارى ءبىلىمى جانە بەس جىلدىق جۇمىس ءوتىلى بولۋعا ءتيىس.

تاڭداۋ قانشالىقتى قيىن؟

جاستار كادرلىق رەزەرۆىنە باسەكەلەستىك وتە قاتال. 2019 جىلى ىرىكتەۋگە 13 مىڭنان استام ادام قاتىستى. بىراق رەزەرۆكە تەك 300 ادام كىردى – بۇل 2,2 پايىزدى قۇرايدى.

2021 جىلعى ىرىكتەۋ قورىتىندىسى بويىنشا وتىنىمدەر سانى سەگىز مىڭنان استى، ونىڭ 50-ءى عانا ءوز ماقساتىنا جەتتى، بۇل 0,6 پايىز.

مەملەكەتتىك ورگانداردا قانشا رەزەرۆشى لاۋازىمعا يە بولدى؟

الدىڭعى ەكى ىرىكتەۋدىڭ قورىتىندىسى بويىنشا رەزەرۆكە 350 ادام قابىلداندى. 258-دەن استام رەزەرۆشى لاۋازىمدارعا يە بولدى.

ورتالىق مەملەكەتتىك ورگانداردا 129 رەزەرۆشى، وڭىرلەردە – 39, ۇلتتىق كومپانيالاردا – 49, جەكە جانە وزگە دە ۇيىمداردا – 41 رەزەرۆشى جۇمىس ىستەيدى. وسىلايشا، مەملەكەتتىك ورگانداردا 168 رەزەرۆشى جۇمىس ىستەيدى. رەزەرۆ مۇشەلەرى كاسىپتەر اراسىندا وكىلدىكتىڭ كەڭ سپەكترىن الادى. مىسالى، زاڭگەرلەر، ەكونوميستەر، IT, مۇناي جانە گاز جانە ت.ب.، – دەپ اتاپ ءوتتى مقىا.

قانداي جاعدايدا رەزەرۆشىلەر تىزىمنەن شىعادى؟

لاۋازىمدى الۋ رەزەرۆتەن شىعارۋ ءۇشىن نەگىز بولىپ سانالمايدى. رەزەرۆشىلەر تىزىمدە قالىپ، باسقا لاۋازىمدارعا تاعايىندالۋعا جانە قايتا تاعايىندالۋعا قۇقىلى. جالپى، 2019 جىلعى رەزەرۆشىلەر ءۇشىن بولۋ مەرزىمى بەس جىل، ال 2021 جىلعى رەزەرۆشىلەر ءۇشىن ءۇش جىل.

وسىلايشا، 2024 جىلعا دەيىن رەزەرۆشىلەر رەزەرۆ شەڭبەرىندە لاۋازىمدارعا تاعايىندالۋعا قۇقىلى. بۇل رەتتە رەزەرۆكە قابىلداۋ لاۋازىمعا مىندەتتى تاعايىنداۋدىڭ شارتى بولىپ تابىلمايدى. بارلىق تاعايىنداۋلار مەملەكەتتىك ورگانداردىڭ قولدانىستاعى قاجەتتىلىكتەرى شەڭبەرىندە جۇرگىزىلەدى، - دەپ اتاپ ءوتتى اگەنتتىك.

بىراق رەزەرۆتەن شىعارۋعا اكەلەتىن ەلەمەنتتەردىڭ مىنانداي ءتىزىمى بار:

- ءوز ەركىمەن;

- قازاقستان رەسپۋبليكاسىنىڭ ازاماتتىعىنان ايىرىلۋ، شەت مەملەكەت ازاماتتىعىنىڭ بولۋى;

- مەملەكەتتىك قىزمەتكە كىر كەلتىرەتىن تارتىپتىك تەرىس قىلىق;

- ونىڭ قىزمەتىنىڭ تيىمدىلىگىن باعالاۋ نەگىزىندە لاۋازىمىن تومەندەتۋ نەمەسە جۇمىستان شىعارۋ;

- قوعامدىق ءتارتىپ پەن ادامگەرشىلىككە قول سۇعاتىن قۇقىق بۇزۋشىلىقتار ءۇشىن اكىمشىلىك جاۋاپتىلىققا تارتۋ;

- اكىمشىلىك سىبايلاس جەمقورلىق قۇقىق بۇزۋشىلىق جاساۋ;

- قىلمىس نەمەسە قىلمىستىق تەرىس قىلىق جاساۋ;

- سىبايلاس جەمقورلىققا قارسى شەكتەۋلەردى قابىلداۋدان باس تارتۋ;

- سوتتىڭ ارەكەتكە قابىلەتسىز نەمەسە ارەكەت قابىلەتى شەكتەۋلى دەپ تانۋى،

- قر زاڭدارىنا سايكەس تەرىس سەبەپتەرمەن جۇمىستان شىعارۋ.

Abai.kz