قازاقستان الەمدىك مۇناي بيزنەسىنە كەشىرەك ەنسە دە، از ۋاقىتتىڭ ىشىندە ءوزىن دۇنيە جۇزىنە مويىنداتا الدى. ەلىمىزدىڭ مۇنايعا قاتىستى تاريحىنىڭ تامىرى تىم تەرەڭدە جاتسا دا، ەڭ ايرىقشا تاريحي وقيعالار قازاقستان ەگەمەندىگىن الىپ، ءوز الدىنا دەربەس مەملەكەت بولعاننان كەيىن باستالدى. 2002 جىلدىڭ 20 اقپانىندا قازاقستان رەسپۋبليكاسى پرەزيدەنتىنىڭ ۇكىمىمەن، مۇناي-گاز ەكونوميكا سەكتورىندا قازاقستان رەسپۋبليكاسىنىڭ مۇددەسىن قولدايتىن، تيىمدىلىكتىڭ دەڭگەيىن كوتەرۋ جانە مۇناي-گاز كەشەنىن دامىتۋ ءۇشىن 100 پايىز مەملەكەتتىك ۇلەسپەن «قازمۇنايگاز» ۇلتتىق اكتسيونەرلىك قوعامى قۇرىلدى. بۇگىنگى كۇنى كومپانيا وتاندىق ەكونوميكادان ويىپ تۇرىپ ورىن الدى.

قازاقستان الەمدىك مۇناي بيزنەسىنە كەشىرەك ەنسە دە، از ۋاقىتتىڭ ىشىندە ءوزىن دۇنيە جۇزىنە مويىنداتا الدى. ەلىمىزدىڭ مۇنايعا قاتىستى تاريحىنىڭ تامىرى تىم تەرەڭدە جاتسا دا، ەڭ ايرىقشا تاريحي وقيعالار قازاقستان ەگەمەندىگىن الىپ، ءوز الدىنا دەربەس مەملەكەت بولعاننان كەيىن باستالدى. 2002 جىلدىڭ 20 اقپانىندا قازاقستان رەسپۋبليكاسى پرەزيدەنتىنىڭ ۇكىمىمەن، مۇناي-گاز ەكونوميكا سەكتورىندا قازاقستان رەسپۋبليكاسىنىڭ مۇددەسىن قولدايتىن، تيىمدىلىكتىڭ دەڭگەيىن كوتەرۋ جانە مۇناي-گاز كەشەنىن دامىتۋ ءۇشىن 100 پايىز مەملەكەتتىك ۇلەسپەن «قازمۇنايگاز» ۇلتتىق اكتسيونەرلىك قوعامى قۇرىلدى. بۇگىنگى كۇنى كومپانيا وتاندىق ەكونوميكادان ويىپ تۇرىپ ورىن الدى.

ەلىمىزدەگى الپاۋىت كومپانيالاردىڭ كوشباسشىسى سانالاتىن «قازمۇنايگاز» ۇلتتىق كومپانياسى قانداي دا ءبىر ماڭىزدى شارانىڭ جانىنان تابىلادى. اسىرەسە، مەملەكەتتىڭ بولاشاعىنان ءۇمىت كۇتتىرەتىن جوباعا كەلگەندە كومپانيا ەشتەڭەدەن ايانىپ قالعان ەمەس. ءتىپتى، مۇنايلى ولكەدەگى حالىقتىڭ مۇڭ-مۇقتاجىن دەر كەزىندە ەسكەرىپ، الەۋمەتتىك نىسانداردىڭ قۇرىلىسىن جەدەلدەتىپ بىتىرۋگە ءوز تاراپىنان كۇش سالىپ كەلەدى. ارينە، مەكتەپكە دەيىنگى مەكەمەلەر مەن ءبىلىم وشاقتارىنا دەگەن تاپشىلىقتى جويۋ ماسەلەسىمەن مەملەكەت تىكەلەي اينالىسۋدا. سوعان قاراماستان كەيبىر شالعايداعى ەلدى مەكەندەر مەن اۋىلداردا بۇل تۇيتكىل ءالى وزەكتى. كومپانيا اۋىل حالقىنىڭ الەۋمەتتىك الەۋەتىن كوتەرۋدى باستى نەگىزگە الىپ، سپورتتىق، دەنساۋلىق ساقتاۋ نىساندارىنا شاما-شارقىنشا قولىن سوزىپ كەلەدى. ولاردى جاڭا زاماناۋي قۇرالدارمەن، مەديتسينالىق تەحنولوگيامەن جابدىقتالۋىن دا قامتاماسىز ەتەدى. «قازمۇنايگاز» ۇلتتىق كومپانياسى اق كومپانيالار توبىنىڭ الەۋمەتتىك جاۋاپكەرشىلىكتى كوتەرىپ كەلە جاتقانىن بىرەۋ بىلسە، بىرەۋ بىلمەس. ەنشىلەس كومپانيالارىمەن بىرگە ءبىر جىلدا الەۋمەتتىك سالاعا 10 ملرد. تەڭگە قارجى جۇمسالادى، ونىڭ تەڭ جارتىسى «قازمۇنايگاز» ۇلتتىق كومپانيانىڭ ۇلەسىندە. الداعى ۋاقىتتا دا كومپانيا بۇل باعىتتان اينىماق ەمەس.
وندىرىستىك جەتىستىكتەرمەن قاتار، ۇلتتىق مۇددە، ۇلتتىڭ بولاشاعى قاشان دا كومپانيانىڭ باستى نازارىندا. الەۋمەتتىك جاۋاپكەرشىلىك - كومپانيانىڭ ۇزاق مەرزىمدى ستراتەگياسىنىڭ اجىراماس ءبىر بولىگى. الەۋمەتتىك جوبالار، الەۋمەتتىك ينفراقۇرىلىمدى جاڭعىرتۋ - كومپانيا قىزمەتىنىڭ باسىم باعىتتارىنىڭ ءبىرى. سوندىقتان قوعامدا بولىپ جاتقان كەز كەلگەن جاعداي كومپانيانى الاڭداتپاي قويمايدى. ماسەلەن، ءبىلىم سالاسىنا، جاس مامانداردىڭ كاسىبي وسۋىنە، مۇگەدەكتەر مەن ارداگەرلەرگە قامقورلىق جاساۋعا، سالاۋاتتى ءومىر سالتىن قالىپتاستىرۋعا، سونداي-اق ونەركاسىپ شارالارىنا تىكەلەي قاتىسى جوق باسقا دا الەۋمەتتىك ماسەلەلەرگە قامقور بولىپ كەلگەن كومپانيا 2010 جىلى ءار ءتۇرلى الەۋمەتتىك باعدارلامالاردى ىسكە اسىرۋ ءۇشىن 130 ميلليوننان استام اقش دوللارىن جۇمساعان.
سالاۋاتتى ۇلت - باسەكەگە قابىلەتتى ۇلت، ەل يگىلىگىنىڭ نەگىزى. سالاۋاتتى ءومىر سالتىن ناسيحاتتاۋ ماقساتىندا «قازمۇنايگاز» كومپانياسى بىرىڭعاي امبەباپ سپورت الاڭدارىنىڭ باعدارلاماسىن ازىرلەپ، سول بويىنشا جۇمىس جاساۋدا. سپورت الاڭدارىن ءتيىمدى جانە ۇتىمدى پايدالانۋ ءۇشىن ولاردى جازدا فۋتبول، باسكەتبول، ۆولەيبول، تەننيس سياقتى سپورتتىڭ جازدىق تۇرلەرىنە ارناپ، قىستا سپورتتىڭ قىسقى تۇرلەرىمەن - حوككەي، مانەرلەپ سىرعاناق تەبۋگە ارناپ، كوپ ماقساتتى ەتىپ جاساۋ قاراستىرىلعان. مۇنداعى ماقسات - سپورتتى بارشا جۇرتشىلىققا، ولاردىڭ جاسىنا، تۇراتىن جەرىنە جانە الەۋمەتتىك جاعدايىنا قاراماستان، قولجەتىمدى ەتۋ. وسىلايشا حالىققا سپورتتىڭ بۇقارالىق تۇرلەرىمەن اينالىسۋعا مۇمكىندىك بەرىپ، ولاردىڭ ينتەللەكتۋالدى، رۋحاني دامۋى ءۇشىن جاعداي جاساۋدى ۇمىتقان ەمەس. ۇلتتىق كومپانيانىڭ دەمەۋشىلىگىمەن 2010 جىلدان بەرى الماتى قالاسىندا AIBA بۇكىلالەمدىك بوكس اكادەمياسىن قۇرۋ جونىندەگى جوبانى جۇزەگە اسىرۋ ارقىلى قازاقستاننىڭ دەنە شىنىقتىرۋ مەن سپورتتى دامىتۋداعى بەلسەندى قاتىسۋشى رەتىندەگى الەمدىك قاۋىمداستىق الدىنداعى بەدەلىن نىعايتا تۇسپەك. «قازمۇنايگازدىڭ» قاتىسۋىمەن كوپتەگەن ايماقتاردا سپورت نىساندارى مەن قۇرىلىستارى بوي كوتەرۋدە. قاراعاندى قالاسىنداعى «نۇرا» بوكستى دامىتۋ ورتالىعى، پاۆلودار قالاسىنداعى كوپفۋنكتسيالى سپورت كەشەنى، اتىراۋ وبلىسىنداعى دەنەشىنىقتىرۋ-ساۋىقتىرۋ كەشەنى، استاناداعى جەكپە-جەك ويىندارى سارايى، تاراز قالاسىنداعى سپورت سارايى، تاعى بىرقاتار سپورت نىساندارىمەن قوسا، 50 كوپفۋنكتسيالى امبەباپ سپورت الاڭدارى سونىڭ ايقىن دالەلى.
«قازمۇنايگاز» ۇك» اق الەۋمەتتىك قولداۋ دەپارتامەنتىنىڭ ديرەكتورى ءالىباي قۇسايىنوۆ بۇل تۇرعىدا: «بۇعان دەيىن «قازمۇنايگاز»-دىڭ الەۋمەتتىك جاۋاپكەرشىلىگى اياسىنداعى قىزمەتىن بىرنەشە دەپارتامەنت جۇزەگە اسىرىپ كەلگەن. الايدا، بۇل تۇتاس الەۋمەتتىك ساياساتتى ءتيىمدى جۇرگىزۋگە مۇمكىندىك بەرمەگەن سوڭ، جاڭا دەپارتامەنت قۇرۋ تۋرالى شەشىم قابىلداندى. ەندى الەۋمەتتىك سيپاتتاعى بارلىق ماسەلە ءبىر دەپارتامەنتكە - الەۋمەتتىك قولداۋ دەپارتامەنتىنە بەرىلدى. جاڭادان قۇرىلعان قۇرىلىم رەتىندە ءبىز الدىمەن قمگ كومپانيالار توبى ءۇشىن الەۋمەتتىك ساياسات ماسەلەسىن رەتتەيتىن تيپتىك قۇجات جاساۋدان باستادىق، - دەيدى. بۇل قۇجاتتا ەنشىلەس ۇيىمداردىڭ ۇجىمدىق شارت جانە ىشكى قۇجاتتاردى جاساۋدا ەسكەرىلۋى ءتيىس الەۋمەتتىك پاكەتتىڭ 17 پۋنكتتەن تۇراتىن تىزبەسىن بەكىتكەن. ءبىر ايتا كەتەرلىگى، كومپانيا تىزىمدە زەينەتكەرلىككە شىعۋعا، بالا تۋعا بايلانىستى كورسەتىلەتىن ماتەريالدىق كومەكتى ءوز موينىنا الادى. سونداي-اق جۇمىسشىلاردىڭ بالالارىن ساۋىقتىرۋ ورىندارىنا جولدامامەن جىبەرۋ، كاسىپورىن قىزمەتكەرلەرىنىڭ دارىندى بالالارىنىڭ جوعارعى وقۋ ورىندارىندا ءبىلىم الۋىنا جاعداي جاساۋ جاعى دا قاراستىرىلعان. ياعني، كومپانيا قىزمەتكەرىنىڭ بالاسى ۇزدىك وقىپ، بەلدى دەگەن وقۋ ورنىنا تۇسۋگە قاراجات جاعى قول بايلاسا، بۇل كەزدە كومپانيا كومەككە كەلەدى. وقۋ قارجىسىن تولەيدى. ەسەسىنە، ستۋدەنت ماماندىعىن العان سوڭ، «قازمۇنايگاز» ۇلتتىق كومپانيانىڭ كەز كەلگەن ەنشىلەس كاسىپورنىنا جۇمىسقا تۇرا الادى. كومپانيا جاس مامانداردىڭ كومپانيانىڭ قوعامدىق-ساياسي ومىرىنە بەلسەنە ارالاسۋعا تارتۋ ماقساتىندا جاستار ءىسى جانە ۇزاق مەرزىمدى جاستار ساياساتىن جاساۋ جونىندەگى كەڭەستى قۇرۋ جۇمىسىن باستادى.
قازاقتىڭ باسىنداعى كۇرمەۋى قيىن ماسەلە - باسپانا ماسەلەسى. كەز كەلگەن ۇجىمنىڭ قىزمەتكەرلەرى ءۇي كەزەگىنە تۇرسا دا، جىلدار بويى قول جەتكىزبەي وتەدى. ال قاراپايىم جۇمىسشىنىڭ تىرنەكتەپ تاپقان ەڭبەكاقىسى ازىق-تۇلىكتەن اسپايتىنى بەلگىلى. مىنە، قوعامنىڭ الەۋمەتتىك توبىنىڭ جاعدايىن ويلاعان كومپانيا تۇرعىن ءۇي ساياساتىن جۇزەگە اسىرۋدى جاڭا ادىسكە كوشىردى. قمگ كومپانيالار توبىنىڭ قىزمەتكەرلەرى مەن جۇمىسشىلارى ءۇشىن قارجى ينستيتۋتتارىنا ۇيىم قارجىسىن دەپوزيت رەتىندە ورنالاستىرۋ جولىمەن تۇرعىن ءۇي يپوتەكالىق نەسيەلەۋ باعدارلاماسى جاسالدى. ول ءۇشىن نەسيەلەۋ سوماسى 80 ايلىق جالاقى كولەمىن قۇراۋى كەرەك جانە پاتەر قۇنى 200 مىڭ اقش دوللارىنان اسپاۋى ءتيىس. نەسيەلەۋدىڭ پايىزدىق مولشەرلەمەسى - 5 پايىز عانا. ءبىر ارتىقشىلىعى، باعدارلاما بويىنشا جۇمىسشى پاتەردى ءوزى تاڭدايدى. «قازمۇنايگاز» ۇك» اق الەۋمەتتىك قولداۋ دەپارتامەنتىنىڭ ديرەكتورى ءالىباي قۇسايىنوۆتىڭ ايتۋىنشا، تاپتىرماس مۇمكىندىكتى اۋەلى كومپانياعا اۋا­داي قاجەتتى ماماندار پايدالانادى، سودان كەيىنگى كەزەكتە باسپاناعا مۇقتاج جاندار بار. بۇدان باسقا كومپانيا حالىققا - اۋىزسۋ مەن گازدى، ىشكى نارىققا - مۇناي مەن مۇناي ونىمدەرىن ارزانداتىلعان باعا بويىنشا جەتكىزۋ ماسەلەلەرى بويىنشا ەل ەكونوميكاسىن بەلگىلى ءبىر دارەجەدە دوتاتسيالاۋدى جۇزەگە اسىرادى. 2009 جىلدىڭ قورىتىندىسى بويىنشا، مۇنداي ماقساتتارعا 36 ملرد. تەڭگەدەن استام قارجى ءبولىندى. تاۋارلار، جۇمىستار مەن قىزمەتتەردى ساتىپ الۋدا قازاقستاندىق ۇلەستى ارتتىرۋ بويىنشا شارالار كەشەنىن ىسكە اسىرۋ ماقساتىندا 2010-2012 جىلدارعا ارنالعان قمگ كومپانيالار توبىنىڭ قازاقستان رەسپۋبليكاسىنداعى مۇناي-گاز ماشينالارىن جاساۋدى دامىتۋعا ۇلەس قوسۋى جونىندە ارنايى باعدارلاما دايىندالعان بولاتىن. بۇل باعدارلامانى جۇزەگە اسىرۋ اياسىندا ماشينا جاساۋ زاۋىتتارىمەن، سونىڭ ىشىندە ناسوستى شتانگالاردى جەتكىزۋگە «اقتوبە مۇناي جابدىقتارى زاۋىتى» اق-مەن، تەرەڭ شتانگالىق ناسوس­تاردى جەتكىزۋگە «مۇنايماش» اق-مەن، ارنايى تەحنيكانى جەتكىزۋگە «پەتروپاۆل اۋىر ماشينا جاساۋ زاۋىتى» اق-مەن، قۇبىر ونىمدەرىن جەتكىزۋگە «KSP Steel» جشس-مەن، سىيىمدىلىقتاردى جەتكىزۋگە «بەلكاميت» اق-مەن جانە رەسپۋبليكانىڭ باسقا دا كاسىپورىندارمەن كەلىسىمدەر جاسالعان.
حوش ءيىستى كومىرسۋتەك وندىرىسىمەن ەكونوميكالىق الەۋەتى قۋاتتى ەلدەر اينالىساتىنى بارشاعا ايان. ونىڭ ۇستىنە «حوش يىستەر» وندىرۋشىلەردىڭ ەليتاسىنا كىرۋ وڭاي ەمەس، ويتكەنى تەحنولوگيالار قىمبات، ءارى بارلىعىنا قول جەتىمدى ەمەس. قازىر مۇناي وڭدەۋدەگى الەمدىك ترەند - جاپپاي جاڭعىرتۋ، ول ءبىر عانا ءونىم شىعاراتىن كوپتەگەن ۇساق جانە ءتيىمسىز زاۋىتتاردى جاۋىپ، ولاردى اسسورتيمەنتى ۇلكەن ءىرى مۇناي وڭدەيتىن كەشەندەرمەن الماستىرۋدى كوزدەيدى.
كومپانيا مۇنايدى قايتا وڭدەيتىن زاۋىتتاردى قايتا قۇرۋ جانە جاڭعىرتۋ بويىنشا ءۇش جوبانى ىسكە اسىرادى. ءبىرىنشى كەزەكتە - اتىراۋ مۇناي وڭدەۋ زاۋىتى، سوندان سوڭ شىمكەنت جانە پاۆلودار زاۋىتتارى. مۇنايدى قايتا وڭدەيتىن زاۋىتتاردى دامىتۋدىڭ كەشەندىك جوسپارىنىڭ ورىندالۋى رەسپۋبليكانىڭ مۇنايدى قايتا وڭدەۋ سالاسىنداعى جاعدايىن تۇبەگەيلى وزگەرتۋگە ءتيىس. قازاقستاندىق ءۇش مۇناي وڭدەۋ زاۋىتىندا 2010 جىلعى ءبىرىنشى جارتىجىلدىقتا مۇناي وڭدەۋدىڭ شوعىرلاندىرىلعان كولەمى 5,8 ملن. توننانى قۇرادى. ال 2014 جىلى وتاندىق مۇنايدى وڭدەۋ زاۋىتتارى 17 ملن. توننا قۋاتتىلىققا قول جەتكىزەدى جانە ەلدىڭ جوعارى ساپالى مۇناي ونىمدەرىنە دەگەن ىشكى سۇرانىسىن تولىق قامتيتىن بولادى.
مۇناي وڭدەيتىن زاۋىتتارىن جاڭعىرتا وتىرىپ، مۇناي-حيميا سەكتورىن دامىتۋعا جول اشىلدى. بۇل باعىت بويىنشا قازىر اتىراۋ مۇناي وڭدەۋ زاۋىتىندا حوش ءيىستى كومىرسۋتەكتەردى وندىرەتىن كەشەن سالۋ جوباسى ىسكە اسىرىلۋدا. ءوندىرىس سىزباسى وتە يكەمدى جانە بارىنشا جوعارى وكتاندى بەنزين الۋعا مۇمكىندىك بەرەدى. سونداي-اق قمگ-نىڭ 2010-2014 جىلدارعا ارنالعان دامىتۋ جوسپارىنا مۇناي-گاز-كولىك ينفراقۇرىلىمىن ءارتاراپتاندىرۋ جوبالارى كىردى. ستراتەگيالىق جوبالاردىڭ قاتارىنا بەينەۋ-بوزوي-اقبۇلاق ماگيسترالدى گاز قۇبىرىنىڭ قۇرىلىسى، مۇناي تاسىمالداۋدىڭ قازاقستاندىق كاس­پي جۇيەسىن قۇرۋ، كقك-نى كەڭەيتۋ كىرەدى. كاسپي تەڭىزىنىڭ قازاقستاندىق سەكتورىندا مۇناي وپەراتسيالارىن قولداۋ ءۇشىن سەرۆيستىك ينفراقۇرىلىمدى دامىتۋ قاتار جۇزەگە اسىرىلادى.
تاعى ءبىر جاعىمدى جاڭالىق، «قازمۇنايگاز»-دىڭ قمگ كومپانيالار توبى مەن ەنشىلەس ۇيىمدارى ەڭبەكاقى تولەۋدىڭ بىرىڭعاي جۇيەسىنە كوشەدى. ياعني، بۇعان دەيىن وتاندىق جانە شەتەلدىك جۇمىسشىلاردىڭ جالاقىسىندا ەداۋىر ايىرماشىلىق بولسا، بۇدان بىلاي ءبارى بىردەي جالاقى الادى. بۇل جونىندە دەپارتامەنت جەتەكشىسى: «مۇناي-گاز سەكتورىنداعى كوپتەگەن كاسىپورىن جەكە سەكتوردىڭ قولىندا بولىپ كەلدى، سوندىقتان دا ولاردىڭ جالاقى تولەۋ ساياساتى ءارتۇرلى بولدى. ال سوڭعى جىلدارى قمگ كوپتەگەن كاسىپورىننىڭ اكتيۆتەرىن ءوز قولىنا الىپ جاتىر. جالاقى تولەۋ ساياساتى بىرىزدەندىرىلەدى، - دەدى.
«قازمۇنايگاز» ۇك» اق 2006 جىلدان بەرى بىرىككەن ۇلتتار ۇيىمىنىڭ جاھاندىق كەلىسىمىنىڭ مۇشەسى. بۇل رەتتە كومپانيا كورپوراتيۆتى الەۋمەتتىك جاۋاپكەرشىلىك كودەكسىن جاڭا مازمۇندا بەكىتىپ، ادام قۇقى، الەۋمەتتىك ەڭبەك قاتىناستارىن ساقتاۋ، قورشاعان ورتانى قورعاۋ، ەڭبەكتى ىنتالاندىرۋ، ونەركاسىپتىك قاۋىپسىزدىك، ەڭبەك قورعاۋ، بازالىق ەڭبەك جاعدايىن قۇرۋ، كادرلاردى وقىتۋ، باسپانا ساياساتى، ساقتاندىرۋ، ساۋىقتىرۋ، سپورت جانە جۇمىس ىستەمەيتىن زەينەتكەرلەر مەن مۇگەدەكتەردى الەۋمەتتىك قولداۋ ماسەلەلەرى قاراستىرىلعان. سونىڭ ىشىندە ەڭ ماڭىزدىسى، الەۋمەتتىك ەڭبەك قاتىناستارىن ساقتاۋ. ايتا كەتۋ كەرەك، جاڭاوزەن قالاسىنداعى وندىرىستىك ۇجىممەن جانە جەرگىلىكتى حالىقپەن بايلانىستى جولعا قويۋ ءۇشىن ماڭعىستاۋ وبلىسى اكىمدىگى مەن «قازمۇنايگاز» ۇك» اق اراسىندا جاسالعان ماڭعىستاۋ وبلىسىنىڭ الەۋمەتتىك جاۋاپكەرشىلىگى جانە تۇراقتى دامۋىنىڭ 2012 جىلدىڭ قازان-جەلتوقسان ايلارىنا ارنالعان شارالار جوسپارىن ايتۋعا بولادى. اتالعان جوسپار شەڭبەرىندە اقتاۋ، جاڭاوزەن، اتىراۋ قالالارىندا بوكس پەن فۋتبولدان حالىقارالىق جانە رەسپۋبليكالىق، بۇقارالىق مادەني شارالار مەن اقتوبە-جاڭاوزەن-شەتپە كەنتى-جەتىباي ستانساسى باعىتىندا «جاردەم» مەديتسينالىق پويىزى ۇيىمداستىرىلدى. ناتيجەسىندە شالعايداعى ەلدى مەكەندەگى 3,5 ادام دارىگەرلىك تەكسەرۋدەن ءوتتى.
جىل سايىن «قازمۇنايگاز» كومپانيا­نىڭ ءبىرىنشى باسشىلارى وندىرىستەگى ۇجىممەن كەزدەسىپ، اقپاراتتىق-ءتۇسىندىرۋ جۇمىستارىن جۇرگىزۋدى داستۇرگە اينالدىرعان. «بۇل جۇمىس مەملەكەت باسشىسىنىڭ وتكەن جىلدىڭ 28 قاراشاسىندا بارلىق دەڭگەيدەگى اكىمدەرمەن وتكىزگەن جيىنىنداعى تاپسىرماسىنان كەيىن كۇشەيتىلە ءتۇستى. ماسەلەن، وندىرىستىك قىزمەتتىڭ اعىمداعى جاعدايىمەن تانىسۋ، سونداي-اق الەۋمەتتىك-ەڭبەك ماسەلەلەرىن زەرتتەۋ ءۇشىن ايماقتا ورنالاسقان ەنشىلەس ۇيىمدارعا قمگ باسشىلارىنىڭ بارۋ كەستەسى بەكىتىلگەن. كومپانيامىزدىڭ 2013-2022 جىلدارعا ارنالعان دامۋ ستراتەگياسىن جۇزەگە اسىرۋ جوسپارىندا دا جىل سايىن الەۋمەتتىك-ەڭبەك داۋلارى مەن قاقتىعىستاردى 5-تەن 25 پايىزعا دەيىن ازايتۋ تۋرالى تاپسىرما بار، - دەيدى دەپارتامەنت جەتەكشىسى.
ايتا كەتۋ كەرەك، كومپانيادا الەۋمەتتىك جوبالار، دەمەۋشىلىك جانە قايىرىمدىلىق كورسەتۋ جونىندە ۇيلەستىرۋ كەڭەسى قۇرىلدى. كەڭەس قۇرمەتتى دەمالىسقا شىققان زەينەتكەرلەر مەن جۇمىسشىلاردى الەۋمەتتىك قولداۋ اياسىندا الەۋمەتتىك جوبالاردى ىسكە اسىرۋدى قولعا الۋدا. كومپانيا «ينتەللەكتۋالدى وليمپيادا» تەلەجوباسىنىڭ بىرنەشە جىلدان بەرى تۇراقتى دەمەۋشىسى. سونداي-اق «ەڭلىكگۇل» تەاتر سىيلىعى دا كومپانيا دەمەۋشىلىگىمەن تابىس ەتىلىپ كەلەدى. كومپانيا مەملەكەتتىڭ بەدەلىن كوتەرەتىن شارالاردان، اتاپ ايتقاندا ەۋرازيالىق مەديا فورۋم، KAZENERGY فورۋمى، رەسپۋبليكالىق جانە حالىقارالىق مۇناي گاز كونفەرەنتسيالارى، ەۋرازيا ايەلدەرىنىڭ ءسامميتى، بۇكىلالەمدىك رۋحاني ماديەنيەت فورۋمى اياسىنداعى كونفەرەنتسيالاردان قارجىلاي قولداۋىن اياعان ەمەس. قازىرگى كەزدە اياعىن ءتاي-ءتاي باسقان «بالبۇلاق» بالالاردىڭ ەلەكتروندى جۋرنالى دا «قازمۇنايگاز» ۇلتتىق كومپانياسىنىڭ دەمەۋشىلىگىمەن دۇنيەگە كەلگەن. مادەنيەت جانە اقپارات مينيسترلىگىنىڭ مالىمەتى بويىنشا، اقپارات كەڭىستىگىندە 43 قازاقتىلدى سايت جۇمىس ىستەيدى ەكەن. سونىڭ ىشىندەگى بىلتىرعى جىلى ولاردىڭ قاتارىنا قوسىلعان تاعى 2 سايت «قازمۇنايگاز» ۇلتتىق كومپانياسىنىڭ دەمەۋشىلىگىمەن اشىلىپتى. قازاقتىلدى قازاق جاس­تارىن ەكونوميكالىق اعارتۋ، ولارمەن ينتەراكتيۆتىك بايلانىس ورناتۋ ءۇشىن www.ءeconomىka-qun.kz اتتى ەكونوميكالىق سايت، ەلىمىزدىڭ بۇقارالىق اقپارات قۇرالدارىنداعى ەكونوميكا جانە ونەركاسىپ، ونىڭ ىشىندە مۇناي سالاسىنىڭ تاقىرىبىن دامىتۋعا ۇلەس قوسۋ ءۇشىن www.kazmunaۋ.kz اتتى تانىمدىق، عىلىمي-كوپشىلىك، قوعامدىق سايت ىسكە قوسىلىپتى.

قاشان دا الەۋمەتتىك توپتىڭ جوعىن جوقتاپ جۇرەتىن كومپانيانىڭ نەگىزگى ۇرانى - قولدان كەلگەنشە كومەك بەرۋ. سوندىقتان دا «قازمۇنايگاز» العاشقى كۇننەن باستاپ وسى داستۇردەن اينىعان ەمەس.

دينارا مىڭجاسارقىزى

"تۇركىستان" گازەتى