«سەرىك كۇدەباەۆتىڭ قازاقستاننان قاشىپ كەتۋى، «ەسكى قازاقستاننىڭ» مەملەكەتكە قارسى زاگوۆورى!»، دەپ مالىمدەمە جاسادى ءماجىلىس دەپۋتاتى ەرلان سايىروۆ.

«مۇنداي «تۇتقيىل قاشۋدى» ءىىم، شەكارا قىزمەتى وكىلدەرىنسىز ۇيىمداستىرۋ مۇمكىن ەمەس.

بۇل ەكستسەسس ءجىتى تەكسەرىلىپ، كىنالىلەر جاۋاپقا تارتىلىپ، سەرىك كۇدەرباەۆ قازاقستانعا ەكستراديتسيا جاسالۋى ءتيىس. بۇل ماسەلە ءماجىلىس دەپۋتاتتارى باقىلاۋىندا بولادى»،-دەپ جازدى دەپۋتات ءوزىنىڭ Facebook پاراقشاسىندا.

ەسكە سالايىق، بۇگىن الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆقا حالىقارالىق ىزدەۋ جاريالاندى. ونىڭ 23 ناۋرىز كۇنى بىشكەك قالاسىنداعى ماناس حالىقارالىق اۋەجايىنان تۇركيانىڭ ىستامبۇل قالاسىنا قاشىپ كەتكەنى بەلگىلى بولدى. بۇعان دەيىن كۇدەباەۆتىڭ سوتى بىرنەشە رەت شەگەرىلىپ كەلگەن. وسىعان وراي سوت ونى ءماجبۇرلى تۇردە سوت زالىنا اكەلۋگە قاۋلى شىعارعان.

الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ قاڭتار وقيعاسى بويىنشا «اۋىر زارداپتارعا اكەپ سوققان قىزمەتتەگى ارەكەتسىزدىك» ءۇشىن ايىپتالعان.

سوت تالقىلاۋى بارىسىندا پروكۋرور سۋديادان سەرىك كۇدەباەۆقا 9 جىلعا باس بوستاندىعىنان ايىرۋ جازاسىن تاعايىنداۋدى سۇراعان بولاتىن.

Abai.kz