جىلدىڭ العاشقى ءۇش ايىندا ۇلتتىق قوردان 984 ملرد تەڭگەدەن استام قارجى الىنعان، دەپ حابارلايدى Ulysmedia.kz.

قارجى مينيسترلىگىنىڭ ۇلتتىق قوردىڭ تۇسىمدەرى مەن شىعىستارى تۋرالى 1 ساۋىردەگى ەسەبىنە سۇيەنسەك،  2023 جىلدىڭ 1 قاڭتارىندا ۇلتتىق قوردا 29,1 ترلن تەڭگەدەن استام (29 176 508 444 000) قاراجات بولعان.

ال 1 ساۋىردەگى جاعدايى بويىنشا 29,3 ترلن تەڭگەگە (29 391 788 468 000) جەتكەن.

ءۇش ايدىڭ ىشىندە ۇلتتىق قورعا 1,1 ترلن تەڭگەدەن استام (1 199 306 040 000) كىرىس تۇسكەن.

ونىڭ ىشىندە مۇناي سەكتورىنداعى ۇيىمداردان تىكەلەي ۇلتتىق قورعا اۋدارىلاتىن سالىقتان 1 197 058 132 000 تەڭگە تۇسكەن.

ال مۇناي سەكتورىنداعى ۇيىمدارعا سالىناتىن ايىپپۇلدار مەن ءوسىمپۇلداردان، مۇناي وندىرىسىنەن تابيعاتقا كەلەتىن زيان ءۇشىن تولەنەتىن الىمداردان جالپى جيىنى 800 ملن تەڭگەدەن استام (800 068 000) اقشا تۇسكەن.

سونداي-اق;

- رەسپۋبليكالىق مەنشىكتى جەكەشەلەندىرۋدەن 219 895 000 تەڭگە;

- اۋىل شارۋاشىلىعى ماقساتىنداعى جەر ۋچاسكەلەرىن ساتۋدان 7 945 000 تەڭگە;

- قازاقستان زاڭناماسىمەن تىيىم سالىنباعان وزگە دە تۇسىمدەر مەن كىرىستەردەن 1 220 000 000 تەڭگە تۇسكەن.

جىلدىڭ العاشقى ءۇش ايىندا ۇلتتىق قوردىڭ 984 ملرد تەڭگەدەن ءسال اساتىن (984 026 016 000) قاراجاتى پايدالانىلعان.

بۇل قاراجاتتىڭ 621 ملرد تەڭگەسى - كەپىلدىك بەرىلگەن ترانسفەرتتەرگە، 360 ملرد 620 ملن تەڭگەسى - ماقساتتى ترانسفەرتتەرگە، 2,4 ملرد تەڭگەدەن استام (2 406 016 000) قاراجاتى - ۇلتتىق قوردى باسقارۋعا جانە جىل سايىنعى سىرتقى ءاۋديتتى جۇرگىزۋگە بايلانىستى شىعىستاردى جابۋعا جۇمسالعان.

Abai.kz