Cاۋدا جانە ينتەگراتسيا ءمينيسترى سەرىك جۇمانعارين جانار-جاعارمايدىڭ قىمباتتاۋى ازىق-تۇلىكتىڭ باعاسىنا ايتارلىقتاي اسەر ەتپەيتىنىن ايتتى.

ونىڭ ايتۋىنشا، جەڭىل تاۋارلاردىڭ قۇنى وسپەيدى، ال ءىرى ونىمدەردىڭ باعاسى تيىسىنشە قىمباتتاۋى مۇمكىن.

جانار-جاعارماي باعاسى وسكەن جاعدايدا، مىسالى قانتقا اسەرى – 5 پايىز، ال كۇنباعىس مايى 2,4 پايىز وسەدى دەگەن بولجام بار. شامامەن 15-17 تەڭگەگە قىمباتتاۋى مۇمكىن. «قازىر تاۋار ءوندىرۋشى ءىرى كاسىپورىندار بەنزين، ديزەلمەن جۇمىس ىستەمەيدى. ولار گازعا كوشكەن، ال گازدىڭ باعاسى ءازىر وسپەيدى»، - دەدى سەرىك جۇمانعارين.

مينيستر بيىل كۇزگى ەگىس جۇمىستارىنا 413 مىڭ توننا ديزەل وتىنى بولىنگەنىن ايتتى.

«ول ارزانداتىلعان باعامەن ءليترى 204 تەڭگە بولادى. بۇل باعا وزگەرمەيدى. سوندىقتان جانار-جاعارماي باعاسىنىڭ ءوسۋى ازىق-تۇلىكتىڭ قىمباتتاۋىنا اسا اسەر ەتپەيدى. قازىر قازاقستاندا باعا تۇراقتى. وسىعان بايلانىستى باعانىڭ بىردەن وسۋىنە نەگىز كورمەي تۇرمىن. ونىڭ ۇستىنە بىزدە ازىق-تۇلىك قورى بار»، - دەدى سەرىك جۇمانعارين.

Abai.kz