پروكۋرور جانبولات مامايدى 6 جارىم جىلعا شارتتى تۇردە باس بوستاندىعان ايىرۋدى سۇرادى. سونىمەن قاتار ونىڭ جۋرناليستىك جانە پۋبليتسيستيكالىق قىزمەتپەن اينالىسۋىنا، الەۋمەتتىك جەلىلەردە جاريالانىم جاساۋىنا تىيىم سالۋدى سۇرادى. بۇل تۋرالى وrda.kz جازدى.

بۇگىن الماتىنىڭ № 2 بوستاندىق سوتىندا تىركەلمەگەن دەموكراتيالىق پارتيانىڭ كوشباسشىسى جانبولات مامايدىڭ ءىسى بويىنشا سوت پروتسەسى وتۋدە.

ول قر قك-ءنىڭ ءۇش بابى بويىنشا: «پوليتسيانى قورلاۋ»، «كورىنەۋ جالعان اقپارات تاراتۋ» جانە «جاپپاي تارتىپسىزدىكتەر ۇيىمداستىرۋ» باپتارى بويىنشا ايىپتالۋدا. بىراق ماماي ەشقانداي ايىپپەن كەلىسپەيدى.

ايىپتاۋشى تاراپ جانبولات مامايدان التى جىل التى اي باس بوستاندىعىنان ايىرۋدى سۇراپ، قر قك 63-بابىن قولدانۋدى تالاپ ەتىپ وتىر.

وتكەن جىلدىڭ 2 قاراشاسىندا ماماي تەرگەۋ يزولياتورىنان بوساتىلدى، سوت بۇلتارتپاۋ شاراسىن ءۇي قاماعىنا وزگەرتكەن ەدى. الايدا، 2023 جىلدىڭ قاڭتارىندا ول قايتادان «تارتىپسىزدىكتەر ۇيىمداستىردى» دەگەن ايىپقا ىلىكتى.

كەلەسى سوت تىڭدالىمى 6 ساۋىردە وتكىزىلمەك.

Abai.kz