استانا قالاسىنىڭ اۋداندىق سوتى بۇرىنعى ەنەرگەتيكا ۆيتسە-ءمينيسترى اناتولي شكارۋپانىڭ مورالدىق شىعىندى ءوندىرۋ تۋرالى ازاماتتىق تالاپ ارىزى بويىنشا شەشىم شىعاردى، دەپ حابارلايدى Ulysmedia.kz.

استانا سوتتارىنىڭ Facebook پاراقشاسىنداعى مالىمەتكە سۇيەنسەك، تالاپكەر سوت ۇكىمىمەن قىلمىس جاساۋعا قاتىسقانى دالەلدەنبەۋىنە بايلانىستى كىناسىز دەپ تانىلعان. سونىمەن قاتار اتالعان ۇكىمدە اقتالعان تالاپكەردىڭ قىلمىستىق ءىستى جۇرگىزگەن ورگاننىڭ زاڭسىز ءىس-ارەكەتىنەن كەلگەن زياندى ءوندىرىپ الۋ قۇقىعى كورسەتىلگەن.

ا.شكارۋپا 2018 جىلى باس پروكۋراتۋرانىڭ جەدەل تەرگەۋ توبىمەن ۇستالىپ، تەرگەۋ سوتىنىڭ سانكتسياسىمەن تەرگەۋ يزولياتورىنا قامالعان ەدى.

2021 جىلدىڭ 26 قاڭتارىندا قاراعاندى قالاسى قازىبەك بي اۋداندىق سوتى ا.شكارۋپانى قىلمىستىق كودەكستىڭ 189-بابى 4-تارماعى 2-تارماقشاسىندا كودەلگەن قىلمىستى جاساۋعا كىنالى ەمەس دەپ تانىپ، قىلمىستىق قۇقىق بۇزۋشىلىقتىڭ بولماۋىنا بايلانىستى اقتاعان.

سول جىلى اقپاندا قاراعاندى وبلىستىق قىلمىستىق ىستەر جونىندەگى سوت القاسى ءبىرىنشى ساتى ۇكىمىن وزگەرىسسىز قالدىردى.

«سوت تالاپتى جارتىلاي قاناعاتتاندىردى. قارجى مينيسترلىگىنەن 10 ملن تەڭگە مولشەرىندە مورالدىق زيان وتەماقىسى ءوندىرىپ الىنادى»، - دەلىنگەن تاراتىلعان اقپاراتتا.

سوت شەشىمى زاڭدى كۇشىنە ەنگەن جوق.

ەسكە سالا كەتسەك، 2018 جىلى باس پروكۋراتۋرا ەنەرگەتيكا ۆيتسە-ءمينيسترى بولعان اناتولي شكارۋپانىڭ ۇستىنەن قىلمىستىق ءىس قوزعادى. شەنەۋنىككە 215 ملن تەڭگەنى جىمقىردى دەگەن ايىپ تاعىلدى. ول كەزدە باس پروكۋرور قىزمەتىن قايرات قوجامجاروۆ اتقاردى.

2021 جىلدىڭ 26 اقپانىندا قاراعاندى قالاسىنىڭ قازىبەك بي اۋداندىق سوتى اناتولي شكارۋپانى اقتادى.

Abai.kz