Kazakhmys Energy كومپانياسى زاڭ بۇزعانى ءۇشىن 3 ميلليون تەڭگەگە جۋىق ايىپپۇل تولەدى.

تەحنيكالىق رەتتەۋ جانە مەترولوگيا كوميتەتىنىڭ ۇلىتاۋ وبلىسى بويىنشا دەپارتامەنتى پروكۋراتۋرامەن بىرلەسىپ، قۇرامىنا «جەزقازعان جەو» جانە «بالقاش جەو» كىرەتىن «Kazakhmys Energy» جشس-دا ولشەم بىرلىگىن قامتاماسىز ەتۋ سالاسىنداعى تالاپتاردىڭ ساقتالۋىنا تەكسەرۋ جۇرگىزدى.

«تەكسەرۋ بارىسىندا تەحنيكالىق مونومەترلەر، قىسىم داتچيكتەرى سياقتى تەكسەرۋ مەرزىمى وتكەن 40 ولشەم بىرلىگىن قولدانۋ انىقتالدى. تەكسەرىلمەگەن ولشەۋ قۇرالدارىن قولدانۋ «ولشەم بىرلىگىن قامتاماسىز ەتۋ تۋرالى» زاڭنىڭ 19-بابىنىڭ 1-تارماعىن بۇزۋ بولىپ تابىلادى. ۇلىتاۋ وبلىسى پروكۋراتۋراسىنىڭ ۇسىنىسى نەگىزىندە دەپارتامەنت قىزمەتكەرلەرى اكىمشىلىك قۇقىق بۇزۋشىلىق تۋرالى حاتتاما جاسادى. «Kazakhmys Energy» جشس قۇقىق بۇزۋشىلىق جاساۋ فاكتىسىن مويىنداۋىنا بايلانىستى اقبتك 811-بابىنا سايكەس قىسقارتىلعان ءىس جۇرگىزۋ تارتىبىمەن 800 اەك - 2 760 000 تەڭگە مولشەرىندە اكىمشىلىك ايىپپۇل سالىندى»، - دەپ جازدى ۆەدومستۆودان.

قازىرگى ۋاقىتتا اكىمشىلىك ايىپپۇل تولىق كولەمدە تولەندى. «Kazakhmys Energy» جشس قاتىستى زاڭنىڭ بۇزىلۋىنا ىقپال ەتەتىن سەبەپتەر مەن جاعدايلاردى جويۋ تۋرالى جەكە ۇسىنىس شىعارىلدى.

Abai.kz