ەنەرگەتيكا مينيسترلىگى «قازمۇنايگاز» ۇك» اق، «Petrosun» اق، اجقس ءىرى جەلىلەرى («Helios»، «گازپرومنەفت-قازاقستان»، «PetroRetail» جانە «Sinooil») وكىلدەرىنىڭ قاتىسۋىمەن الماتى وبلىسىن جانار-جاعارماي ماتەريالدارىمەن ىركىلىسسىز قامتاماسىز ەتۋ ماسەلەلەرى بويىنشا كەڭەس وتكىزدى.

7 ساۋىردەگى جاعداي بويىنشا الماتى وبلىسى بويىنشا ديزەل وتىنىنىڭ قورى 11 مىڭ توننادان اسادى. اجقس جەلىلەرىنىڭ وكىلدەرى اتاپ وتكەندەي، ولاردا بار ديزەل وتىنىنىڭ قورى حالىقتى ىركىلىسسىز قامتاماسىز ەتۋ ءۇشىن جەتكىلىكتى.

سونىمەن قاتار اجقس جەلىلەرىنىڭ اقپاراتى بويىنشا ديزەل وتىنىنا سۇرانىستىڭ ارتۋى بايقالادى (30%-دان استام), سونىڭ سالدارىنان كەيبىر جانارماي قۇيۋ بەكەتتەرىندە وتىننىڭ تاۋلىكتىك كولەمى تەز تاۋسىلۋدا. شىمكەنت ءموز جوندەۋگە توقتاۋىنا بايلانىستى وڭىرگە مۇناي ونىمدەرىن جەتكىزۋ بويىنشا شەكتەۋلەر بولدى.
سوندىقتان جەلىلەر باسشىلىعى وتىندى كوپ تۇتىناتىن اۋداندارعا تيەپ-جونەلتۋدى ارتتىرۋ تۋرالى شەشىم قابىلدادى.

سونىمەن قاتار اتىراۋ ءموز جانە پاۆلودار مگحز-دان 5000 توننا وتىن جولدا بارا جاتىر. قتج ججم-دى ۋاقتىلى تاسىمالداۋدى قامتاماسىز ەتەدى.

7 ساۋىردە مۇناي ونىمدەرىن ءوندىرۋ باستالعان شىمكەنت ءموز-دە جوندەۋ جۇمىستارى مەرزىمىنەن بۇرىن اياقتالدى. ءونىمنىڭ ءبىرىنشى پارتياسى دەمالىس كۇندەرى جونەلتىلەدى دەپ جوسپارلانۋدا. بۇل رەتتە الماتى وبلىسىن قوسا العاندا، وڭتۇستىك وڭىرلەرگە ءبىرىنشى كەزەكتە جونەلتۋ قامتاماسىز ەتىلەدى.

سونداي-اق الماتى وبلىسىنىڭ اۋىل شارۋاشىلىعى تاۋارىن وندىرۋشىلەرىنە قوسىمشا 3 مىڭ توننا ديزەل وتىنى بولىنەتىن بولادى.

Abai.kz