قازاقستاننىڭ مەملەكەتتىك جاستار ساياساتىنىڭ نەگىگگى مىندەتتەرى: جاستاردىڭ قۇقىقتارى مەن زاڭدى مۇددەلەرىن قورعاۋ; جاستاردى ەلدىڭ الەۋمەتتىك-ەكونوميكالىق جانە قوعامدىق-ساياسي ومىرىنە تارتۋ; بەلسەندى ازاماتتىققا تاربيەلەۋ جانە قازاقستاندىق پاتريوتيزم سەزىمىن نىعايتۋ بولىپ تابىلادى.

ونى جۇزەگە اسىرۋ ءۇشىن مادەني، يماندىلىق جانە رۋحاني قۇندىلىقتارعا، ازاماتتىق جاۋاپكەرشىلىككە، ەڭبەكسۇيگىشتىككە; كونفەسسياارالىق كەلىسىم مەن ەتنوسارالىق تاتۋلىققا; ۇرپاقتار ساباقتاستىعى مەن وتباسىلىق تاربيەگە باسىمدىق بەرەدى.

ال مەملەكەتتىك جاستار ساياساتىنىڭ نەگىزگى باعىتتارى: قولجەتىمدى جانە ساپالى ءبىلىم بەرۋدى قامتاماسىز ەتۋ، عىلىمي-تەحنيكالىق الەۋەتتى دامىتۋ; دەنساۋلىقتى ساقتاۋ جانە نىعايتۋ، سالاماتتى ءومىر سالتىن قالىپتاستىرۋ; جۇمىسقا ورنالاسۋ مەن جۇمىسپەن قامتۋ ءۇشىن جاعدايلار جاساۋ; جاستار اراسىندا كاسىپكەرلىك قىزمەتتى دامىتۋ ءۇشىن جاعدايلار جاساۋ; جاس وتباسىلار جانە جۇمىس ىستەپ جۇرگەن جاستار ءۇشىن قولجەتىمدى تۇرعىن ءۇي جۇيەسىن دامىتۋ; جاستاردىڭ قۇقىقتىق مادەنيەت دەڭگەيىن ارتتىرۋ جىنە ەكولوگيالىق مادەنيەتتى قالىپتاستىرۋ; جاستاردا سىبايلاس جەمقورلىق كورىنىستەرىنە توزبەۋشىلىكتى قالىپتاستىرۋ; سونىمەن بىرگە دارىندى جاستاردى دامىتۋعا جاردەمدەسۋ; مادەني وقۋ-اعارتۋ مەن بوس ۋاقىت ءۇشىن جاعدايلاردى قامتاماسىز ەتۋ;جاستاردىڭ تسيفرلىق ساۋاتتىلىعىن ارتتىرۋ; جاستاردىڭ ۆولونتەرلىك قىزمەتىن دامىتۋ بولىپ تابىلادى. وسى باعىتتار ايقىن بولعان سوڭ سونى كەمەلدەندىرۋگە ەكونوميكالىق ءارى يدەيالىق جۇمىستار تابىستى جۇزەگە اسىپ كەلەدى.

بۇگىنگى كۇندە قازاقستان بويىنشا جاستار رەسۋرستىق ورتالىقتارى –227. ونىڭ ىشىندە وبلىستىق – 13, رەسپۋبليكالىق ماڭىزى بار قالالاردا – 3, قالالىق – 39, اۋداندىق-175. بارلىق دەڭگەيدەگى اكىمدىكتەر جانىنداعى جاستار ءىسى جونىندەگى كەڭەستەر – 218, جاستار ءىسى جونىندەگى كوميتەتتەر-897, جاستار ۇيىمدارى-547. بۇل ۇيىمداردىڭ جۇمىسىن قازاقستان رەسپۋبليكاسى پرەزيدەنتى جانىنداعى جاستار ساياساتى جونىندەگى كەڭەس رەتتەيدى
بيىل قاڭتاردا اقپارات جانە قوعامدىق دامۋ مينيسترلىگى قازاقستان رەسپۋبليكاسى مەملەكەتتىك جاستار ساياساتىنىڭ 2023 – 2027 جىلدارعا ارنالعان تۇجىرىمداماسىنىڭ جوباسىن ازىرلەدى.

وندا جاستاردىڭ ساناتىنا جاتاتىنداردىڭ جاس شاماسى ۇلعايتىلىپ – قازاقستان رەسپۋبليكاسىنىڭ ون ءتورت جاستان وتىز بەس جاسقا دەيiنگi ازاماتتارىن قامتيتىنى، جاس مامان – وتىز بەس جاسقا تولماعان، تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ءبىلىم بەرەتىن وقۋ باعدارلامالارىن مەڭگەرگەن جانە ءبىلىم تۋرالى قۇجاتتا كورسەتىلگەن ماماندىق بويىنشا ءۇش جىلدان اسپايتىن ۋاقىت جۇمىس ىستەپ جۇرگەن قازاقستان رەسپۋبليكاسىنىڭ ازاماتى ەكەندىگى; جاس وتباسى – ەرلi-زايىپتىلاردىڭ ەكەۋi دە وتىز بەس جاسقا تولماعان وتباسى نە بالانى (بالالاردى) وتىز بەس جاسقا تولماعان اتا-انانىڭ بiرەۋi تاربيەلەيتىن تولىق ەمەس وتباسى ايقىن كورسەتىلگەن. جاستارعا ارنالعان الەۋمەتتىك ينفراقۇرىلىم – مەملەكەتتىك جاستار ساياساتىن ىسكە اسىرۋ ءۇشىن قاجەتتى وبەكتىلەر (ۇيلەر، قۇرىلىستار، عيماراتتار), سونداي-اق جاس ازاماتتاردىڭ دەنساۋلىعىن ساقتاۋ، ولارعا ءبىلىم بەرۋ، ولاردى تاربيەلەۋ، الەۋمەتتىك قىزمەت كورسەتۋ، دەنە ءبىتىمىن، رۋحاني جانە يماندىلىق تۇرعىسىنان دامىتۋ، ولاردىڭ جۇمىسپەن قامتىلۋىن قامتاماسىز ەتۋ جانە ولاردىڭ قوعامدىق قاجەتتىلىكتەرىن قاناعاتتاندىرۋ جونىندەگى قىزمەتتى جۇزەگە اسىراتىن ۇيىمدار جۇيەسى ەكەنى دە اتاپ كورسەتىلگەن.

بۇل تۇجىرىمداما 2027 جىلعا قاراي كاسىپكەرلىكتى دامىتۋ جونىندەگى جوبالارعا قاتىسقان جاستاردىڭ ۇلەسىن 10% - عا دەيىن ۇلعايتۋدى،جاستاردىڭ مەملەكەتتىك قولداۋ شارالارى تۋرالى حاباردار بولۋ دەڭگەيىن 90%-عا دەيىن ارتتىرۋدى. NEET ساناتىنداعى جاستاردى 5,8%-عا دەيىن تومەندەتۋدى، ەلىمىزدەگى جاستار ساياساتىن ىسكە اسىرۋعا تولىق قاناعاتتانعان جاستاردىڭ ۇلەسىن 30%-عا دەيىن ۇلعايتۋدى كوزدەيدى، جۇزەگەن اسىرۋعا جۇمىستانادى.
2022 جىلدىڭ قورىتىندىسى بويىنشا جۇمىسسىز جاستار سانى 68547ادامدى قۇرادى(2021 جىلى -77648ادام), جۇمىسسىز جاستار سانىنىڭ تومەندەۋى بايقالادى. 2022 جىلدىڭ قورىتىندىسى بويىنشا جاستار جۇمىسسىزدىعىنىڭ دەڭگەيى 3,9% (2021 جىلى – 3,8%) قۇرادى. وڭىرلىك بولىنىستە ەڭ جوعارى كورسەتكىشتەر الماتى قالاسىندا – 5,6%، قاراعاندى وبلىسىندا – 4,8%، نۇر-سۇلتان قالاسىندا – 4,6% بايقالادى. ەڭ تومەنگى كورسەتكىشتەر اتىراۋ وبلىسىندا - 2,4%، اقتوبە جانە پاۆلودار وبلىستارىندا - 2,8%، قوستاناي، جامبىل جانە اقمولا وبلىستارىندا - 3,1%.
2022 جىلدىڭ قورىتىندىسى بويىنشاNEETساناتىنداعى جاستاردىڭ ۇلەسى6,5%-دى قۇرادى (2021 جىلدىڭ قورىتىندىسى بويىنشا - 6,9%), 0,4%-عا تومەندەگەنى بايقالادى

جوعارىداعى فاكتىلەردەن ەلىمىزدىڭ جاستار ساياساتىنىڭ زاڭدىق تۇرعىدان كەمەلدەنىپ، قامتۋ اياسىنىڭ كەڭەيىپ، جەرگىلىكتى وڭىرلەرمەن ورتالىق قالالاردى تولىق قامتىپ، بازاسىنىڭ نىعايىپ، ۋاقىت وتكەن سايىن كەمەلدەنىپ كەلە جاتقانىن كورۋگە بولادى.

Abai.kz