قازاقستاننان پياز شىعارۋعا سالىنعان تىيىم الىنىپ تاستالدى. بۇل تۋرالى اۋىل شارۋاشىلىعى مينيسترلىگى حابارلادى.

«كۆوتانىڭ بۇكىل قولدانىلۋ مەرزىمى كەزىندە تاۋارلاردى اكەتۋگە ءبىر ءوتىنىش بەرۋشى ءۇشىن رۇقسات ەتىلگەن ليميت بەلگىلەنەدى، ول جيىنتىعىندا 500 توننادان اسپايدى»، - دەلىنگەن حابارلامادا.

8 ساۋىردەن 28 ساۋىرگە دەيىن رەسپۋبليكا اۋماعىنان ەۋرازيالىق ەكونوميكالىق وداقتىڭ مەملەكەتتەرى مەن ءۇشىنشى ەلدەرگە پياز اكەتۋگە 20 000 توننا مولشەرىندە ساندىق شەكتەۋلەر (كۆوتالار) ەنگىزىلدى.

ەسكە سالا كەتسەك، قازاقستان 28 قاڭتاردان باستاپ پياز ەكسپورتتاۋعا ءۇش ايعا تىيىم سالعان ەدى. ال ناۋرىز ايىنىڭ باسىندا قازاقستاندىق شارۋالار قويمالارداعى پياز ءشىرىپ جاتقانىنا شاعىمدانىپ، تىيىمدى الىپ تاستاۋدى سۇرادى.

Abai.kz