قازاقستان اتىنان جارىستارعى قاتىسۋشى  كەنيالىق جەڭىل اتلەت نورا دجەرۋتو مەن بوكستان ازيا چەمپيوناتىنىڭ قولا جۇلدەگەرى ءساماتالى تولتاەۆ دوپينگ قولداندى دەپ ايىپتالىپ، جارىستارعا قاتىسۋدان ۋاقىتشا شەتتەتىلدى.

بوكسشىنىڭ باس باپكەرى مىرزاعالي ايتجانوۆتىڭ ايتۋىنشا، ءساماتالى تولتاەۆ دارۋمەن ءىشىپ ءجۇرمىن دەپ ويلاعان.

«كومانداعا قوسىلعان سوڭ دارىگەرلەر مەن عىلىمي كەشەن توبىنىڭ مۇشەلەرىن جيناپ، جۇمىس باستادىق. ولار جىگىتتەرگە دوپينگ تۋرالى ۇنەمى ەسكەرتەدى. ءتىپتى كوشەدەن سۋ ىشپەسىن دەپ ايتامىز. ال ءساماتالى دوستارى مەن تۋىستارىنىڭ كەڭەسى بويىنشا دارۋمەن ىشەدى دەپ ويلاعان. بۇگىن ودان سىناما الىنادى. بارلىعىن حالىقارالىق كوميسسيا شەشەدى. قازىر ۇيىنە قايتاردىق، جاتتىعۋلارعا قاتىسپايدى. بوكسشىلار ماماندار مەن دارىگەرلەردىڭ باقىلاۋىندا»، – دەدى ول.

ال دجەرۋتوعا قاتىستى Athletics Integrity Unit ۇيىمى تەكسەرىس باستاعان. ەگەر سپورتشىلاردىڭ دوپينگ قولدانعانى راستالسا، بەلگىلى مەرزىمگە سپورتتان  شەتتەتىلەدى.

Abai.kz