جالپى ازيا قۇرلىعىندا عانا ەمەس، دامىعان ەل سانالاتىن ەۋروپادا ۇرىس وشاقتارى بارعان سايىن ارتا تۇسۋدە.

ەكسترەميستىك ۇيىمداردىڭ بۇرىن-سوڭدى بولماعان بەلسەندىلىگى مەن قاتار رەسەي مەن ۋكراينا اراسىنداعى سوعىس ءورتتى. قازاق اسكەريلەرىنە دە وي سالا باستادى كورشىمىز قاتىسىپ جاتقان سوعىس ەلىمىزدىڭ قارۋلى كۇشتەرىنە قورعانىس ماسەلەسىندە قوسىمشا مىندەتتەر جۇكتەۋدە دەسەك استە قاتەلەسپەيمىز. وسىعان قاتىستى الەمدىك جانە وتاندىق اسكەري ساراپشىلار بولجالدى قاقتىعىستارداعى ەلىمىزدىڭ قاۋقارى قانداي بولاتىنىندىعى جايلى ءسوز ەتە باستادى.

بۇل ورايدا ەلىمىزدىڭ قورعانىسىنا قاراپ ساراپتاۋ جاساعانداردىڭ سوزدەرىنە ەلپ ەتىپ ەرە كەتۋدىڭ ءجونى جوق. ويتكەنى. مەملەكەتتىك اسكەري ۇيىمداردىڭ قۇرامى مەن ساپاسى تۋرالى ءدال ماعلۇماتتار قۇپيا بولعاندىقتان، الەمدە جانە ەلدە قازاقستان قارۋلى كۇشتەرىنىڭ الەۋەتىنە ادەتتە تەك اشىق مالىمەتتەر بويىنشا باعا بەرىلەتىندىگىن ءسوز ەتكەنىمىز ورىندى. ەگەر سونداي مالىمەتتەردى قازاقستان قارۋلى كۇشتەرىنىڭ تاريحىمەن بايلانىستىرا قاراساق، ءبىز كەلەسىدەي احۋالدى بايقايمىز.

ەلىمىز ءوز ەگەمەندىگىن العان ساتتەن باستاپ، بەيبىت ۇستانىمدا بولعاندىقتان، ۇلتتىق قورعانىسىن — قۋاتتى اسكەردى ديپلوماتيالىق تاسىلدەرمەن بىرگە ورايلاستىرا وتىرىپ شەشۋ جولىن بەرىك ۇستاندى. سول سەبەپتى باس قولباسشىنىڭ شەشىمىمەن، قر وسى ۋاقىت اياسىندا ءتۇرلى اسكەري وداقتارعا مۇشە بولىپ، حالىقارالىق قۇقىق نەگىزىندە بىرنەشە ايماقتىق ۇيىمداردىڭ قۇرامىنا ەندى.

بۇل رەتتە ءسوزىمىزدى تارقاتا ايتار بولساق، ديپلوماتيالىق «مايدانداعى» ءىرى اسكەري ستراتەگيالىق تابىستارىمىزعا ءبىرشاما توقتالا كەتەر بولساق، ءبىزدى اۋعانستان، شىعىس ازيا ايماقتارىنداعى قاۋىپتەردەن قورعاۋدى كوزدەگەن ۇجىمدىق قاۋىپسىزدىك كەلىسىم ۇيىمىنا مۇشەلىگىمىز جانە جۇرتتىڭ كەيبىر بولىگى قۇپتاي بەرمەيتىن رەسەيمەن اسكەري وداق قۇرۋىن اۋىز تولتىرىپ ايتۋعا بولادى. ۇجىمدىق قاۋىپسىزدىك كەلىسىمى ۇيىمىندا مۇشەلىك قازاقستان ءۇشىن سونىمەن بىرگە — وفيتسەرلەر مەن اسكەري مامانداردى رەسەيلىك بەدەلدى اسكەري وقۋ ورىندارىندا دايىنداۋعا مۇمكىندىك بەردى. بۇعان قوسا، قازاقستان اسپانى تمد اۋە قورعانىسىنىڭ بىرىكتىرىلگەن جۇيەسىنىڭ قورعاۋىندا.

Abai.kz