رەسەيدە جۇمىس ىستەيتىن ورتالىق ازيادان شىققان ميگرانتتاردى ۋكرايناعا قارسى سوعىسقا تەك "ساحاروۆو" ورتالىعىندا عانا ەمەس، مەشىتتەردە، جاتاقحانادا جانە جۇمىس ورىندارىندا تارتىپ جاتىر. 

ميگرانتتاردىڭ ايتۋىنشا، جۇمىس ورىندارىندا ۇگىت-ناسيحات جۇرگىزىپ، ۋكرايناعا سوعىسقا بارعاندارعا جوعارى ايلىق، جەڭىلدىكتەر، بۇدان بولەك رەسەي ازاماتتىعىن بەرۋگە ۋادە ەتىپ جاتىر.

وزودي راديوسىنىڭ رەداكتسياسىنا پەنزا قالاسىندا اسكەري كيىمدەگى ەر ادامنىڭ جۇمىس ورنىندا سوعىسقا تارتىپ جاتقان ۆيدەو جىبەرىلگەن.

مۇنداي ۆيدەو وزبەك ميگرانتتارىنىڭ قۇقىعىن قورعاۋشى دجۋرابەك امونوۆقا دا جىبەرىلگەن ەكەن. ول "ۇگىت جۇرگىزىپ جاتقاندار كەلىسىم-شارتپەن ارمياعا قوسىلعاندارعا التى ايدىڭ ىشىندە رەسەي ازاماتتىعىن بەرۋگە ۋادە ەتكەن. سونىمەن بىرگە وتە كوپ اقشا ۇسىنعان. بىزدەگى مالىمەت بويىنشا، سوعىسقا بارعان تاجىك ازاماتتارىنىڭ 99 پايىزى ولگەن. ءبىز ميگرانتتارعا سوعىسقا بارساڭدار، قىلمىستىق جاۋاپكەرشىلىككە تارتىلاسىڭدار دەپ ەسكەرتىپ جاتىرمىز", - دەيدى قۇقىق قورعاۋشى.

Abai.kz