رەسەي ۇكىمەتى قىرعىزستانمەن اۋەدەن قورعانۋ بويىنشا بىرلەسكەن جۇيە قۇرۋ جونىندە كەلىسىمدى ماقۇلدادى. قۇجاتقا ەكى ەلدىڭ قورعانىس مينيسترلەرى بىلتىر قول قويعان. 

تاراپتار بۇل كوپتەن بەرى جوسپارلانىپ كەلە جاتقان جوبا ەكەنىن ايتادى. دەگەنمەن بۇل جاعداي ۋكرايناداعى سوعىس تۇسىندا وزگەشە بوپ تۇر.

رەسەي ۇكىمەتىنىڭ كەلىسىمدى ماقۇلداۋ جونىندەگى جارلىعى شىققاننان كەيىن، 10 ساۋىردە قىرعىزستان پرەزيدەنتى سادىر جاپاروۆ پەن رەسەي باسشىسى ۆلاديمير ءپۋتيننىڭ تەلەفون ارقىلى سويلەسكەنى بەلگىلى بولدى.

ەكى ەل اراسىندا اۋەدەن قورعانىس بويىنشا بىرىڭعاي جۇيەنى قۇرۋ جونىندەگى بۇيرىققا بىلتىر جاز كەزىندە ۆلاديمير ءپۋتينىڭ ءوزى قول قويعان.

"ينتەرفاكس" اگەنتتىگىنىڭ مالىمەتىنە قاراعاندا، رەسەي مەن قىرعىزستاننىڭ اۋەدەن قورعانۋدىڭ بىرلەسكەن جۇيەسى ارنايى قۇرىلىم سياقتى بولادى. ونىڭ قۇرامىنا كىرەتىن اسكەرلەر ەكى تاراپتىڭ قۇقىق قورعاۋ ورگاندارى تاراپىنان تاڭدالادى. ورىس اسكەرىن قىرعىزستانعا ورنالاستىرۋ ءۇشىن بەس گەكتار جەردى اقىسىز بەرۋى كەرەك بولادى.

Abai.kz