قازمۇنايگاز: «بارلىعىنا بىردەي جۇمىس جوق»
«بەرالى ماڭعىستاۋ سompany» مەكەمەسىنىڭ بۇرىنعى قىزمەتكەرلەرىمەن كەلىسسوز جالعاسىا جاتىر، دەپ حابارلادى قازمۇنايگاز كومپانياسى.
بيىل 11 ساۋىردەن باستاپ استانادا ارنايى كوميسسيا جۇمىسىن باستادى، ونىڭ قۇرامىنا ەنەرگەتيكا مينيسترلىگى، ەڭبەك جانە حالىقتى الەۋمەتتىك قورعاۋ مينيسترلىگى، «سامۇرىق-قازىنا» ۇاق اق، «قازمۇنايگاز» ۇك اق وكىلدەرى، سونداي-اق 10 ادامنان قۇرالعان بەرالى كومپانياسىنىڭ بەلسەندى توبى كىردى.
بۇگىنگە دەيىن جۇمىس كوميسسياسى 3 وتىرىس وتكىزدى.
- بەرالى كومپانياسىنىڭ بۇرىنعى قىزمەتكەرلەرىنىڭ باستى تالابى – «وزەنمۇنايگاز» اق شتاتىنا جۇمىسقا ورنالاسۋ. باستاماشىل توپقا بۇل شارتتىڭ مۇمكىن ەمەستىگى ايتىلدى. ۇيىمعا جۇمىسقا كەزەكتە 9 مىڭ ادام تۇرعانى اتاپ ءوتىلدى. ولار قابىلدانعان الگوريتمدەرگە سايكەس باستاپقىدا كوممۋنالدى كومپانيالاردا جۇمىس ىستەيدى، ءارى قاراي بوس جۇمىس ورنى پايدا بولعاندا كەزەك بويىنشا «وزەنمۇنايگاز» اق-قا جۇمىسقا تۇرادى. كەلىسسوز جۇرگىزۋشىلەردىڭ بۇل تالابى قالا تۇرعىندارىنىڭ مۇددەلەرى مەن قۇقىقتارىنا قايشى كەلەدى.
- ساتىپ الۋ قىزمەتىن ۇزاق مەرزىمگە بەلگىلەۋ ماسەلەسى بويىنشا قمگ وكىلدەرى «3+2» سحەماسى بويىنشا كەلىسىمشارت جاساسۋعا دايىن ەكەنىن ءبىلدىردى. ول بويىنشا كەلىسىمشارتتار قوسىمشا 2 جىلعا ۇزارتۋ قۇقىعىمەن 3 جىلعا جاسالاتىن بولادى.
- جەكەلەگەن ماسەلەلەر بويىنشا بەرالىنىڭ بۇرىنعى قىزمەتكەرلەرىنىڭ تالاپتارى وزگەردى: اتاپ ايتقاندا، جەراستى جوندەۋ جۇمىستارىنىڭ قوسىمشا كولەمىن «بۇرعىلاۋ» جانە «مۇنايفيلدسەرۆيس» جەكە كومپانيالارىنا بەرىپ، بەرالىنىڭ بۇرىنعى قىزمەتكەرلەرىن وسى كومپانيالارعا جۇمىسقا ورنالاستىرۋ مۇمكىندىگى ايتىلدى. الايدا، الدىن الا كەلىسسوزدەردەن كەيىن اتالعان كومپانيالاردىڭ باسشىلىعى ءوز بريگادالارىنىڭ تولىق جۇكتەلمەۋىنە بايلانىستى مۇنداي قىزمەت ءتۇرىن كورسەتۋگە قىزىعۋشىلىعى جوقتىعىن مالىمدەدى.
- ەڭبەكتى قورعاۋ جانە ۇيىمداستىرۋ جاعدايلارى، بىرىڭعاي تاريفتىك-بىلىكتىلىك انىقتاماسىن (بتبا) قولدانۋ جانە تەندەر راسىمدەرىنە قاتىستى ماسەلەلەر بويىنشا تاۋەلسىز كوميسسيا قۇرۋدى مەملەكەتتىك ورگان وكىلدەرى قاراستىرۋعا جانە كوميسسيانىڭ كۇن ءتارتىبى مەن قۇرامىن مۇددەلى ورگاندارمەن كەلىسكەننەن كەيىن جاۋابىن بەرۋگە دايىن ەكەندىكتەرىن مالىمدەدى.
- بۇدان بولەك، قمگ وكىلدەرى بەرالى كومپانياسىنىڭ بۇرىنعى قىزمەتكەرلەرىنىڭ بارلىعىن وسىعان دەيىنگى جالاقىسى مەن الەۋمەتتىك پاكەتىن ساقتاي وتىرىپ، كونكۋرس ناتيجەسىندە جەڭىمپاز بولعان كومپانياعا جۇمىسقا ورنالاستىرۋعا دايىن ەكەندىگىن راستادى.
قازىرگى ۋاقىتتا جوعارىدا اتالعان ماسەلەلەردى تالقىلاۋ جالعاسىپ جاتىر جانە تاراپتار قولدانىستاعى زاڭناماعا ساي كەلىسىمگە قول جەتكىزۋگە مۇددەلى.
ەسكە سالا كەتەيىك، 10 ساۋىردە ەنەرگەتيكا مينيسترلىگى عيماراتىنىڭ الدىنا 70-كە جۋىق جاڭاوزەندىك جينالدى.
ەنەرگەتيكا ءمينيسترى الماسادام ساتقاليەۆ ۇكىمەت وتىرىسىنان كەيىن باق وكىلدەرىنە بەرگەن سۇحباتىندا ۆەدومستۆو عيماراتىنىڭ ماڭايىندا تۇنەپ شىققان جاڭاوزەندىك جۇمىسشىلاردىڭ تالابى بويىنشا رەسمي شەشىم ازىرلەنىپ جاتقانىن ايتتى.
بۇل ماسەلەگە پىكىر بىلدىرگەن ۆيتسە-پرەمەر التاي كولگىنوۆ زاڭ اياسىندا ارەكەت ەتۋ قاجەتتىگىن، «تەندەردەن ۇتىلعان كومپانيانىڭ قايتادان ۇتىپ شىققانىن تالاپ ەتۋ» دۇرىس ەمەستىگىن ايتتى.
11 ءساۋىر كۇنى كەشكە ەنەرگەتيكا مينيسترلىگى الدىنا جينالعان ءبىر توپ جاڭاوزەندىك مۇنايشىلاردى پوليتسيا ۇستاپ اكەتتى.
12 ءساۋىر كۇنى تاڭەرتەڭ مۇنايشىلار ماڭعىستاۋ وڭىرىنە قايتاتىندارىن ايتىپ، ۆيدەو جاريالادى.
Abai.kz
