پرەزيدەنت قاسىم-جومارت توقاەۆ بۇۇ باس حاتشىسىنىڭ ساياسي ماسەلەلەر جونىندەگى كومەكشىسى ميروسلاۆ ەنچانى قابىلدادى، دەپ حابارلادى اقوردا. 

مەملەكەت باسشىسى جوعارى لاۋازىمدى ديپلوماتقا ءىلتيپات بىلدىرە وتىرىپ، بىرىككەن ۇلتتار ۇيىمىمەن كوپجاقتى ىنتىماقتاستىقتى دامىتۋ تۇرعىسىنان ونىڭ بۇل ساپارى ماڭىزدى ەكەنىن اتاپ ءوتتى.

كەزدەسۋ بارىسىندا قازاقستان مەن بۇۇ اراسىنداعى ناقتى ءىس-ارەكەتتەردىڭ ماڭىزدى باعىتتارى، سونىڭ ىشىندە ورتالىق ازيا بويىنشا پرەۆەنتيۆتى ديپلوماتيا جونىندەگى وڭىرلىك ورتالىق اياسىنداعى ماسەلەلەر تالقىلاندى.

الماتىدا ورتالىق ازيا مەن اۋعانستاننىڭ ورنىقتى دامۋ ماقساتتارى جونىندەگى بۇۇ-نىڭ وڭىرلىك ورتالىعىن اشۋ پەرسپەكتيۆالارىنا ەرەكشە نازار اۋدارىلدى.

ءوز كەزەگىندە ميروسلاۆ ەنچا قازاقستان مەن بۇۇ اراسىنداعى ىنتىماقتاستىق دەڭگەيىنە، سونداي-اق  ەلىمىزدە جۇرگىزىلىپ جاتقان ساياسي رەفورمالارعا جوعارى باعا بەردى.

بۇدان بولەك، ولار وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.

كەزدەسۋ سوڭىندا قاسىم-جومارت توقاەۆ بۇۇ باس حاتشىسى انتونيۋ گۋتەرريشكە سالەمىن جولدادى.

Abai.kz