پەتروپاۆلدا ارناسىنان شىققان ەسىل وزەنىنىڭ سۋى 30-عا جۋىق ساياجايدى باسىپ كەتتى.

پەتروپاۆل قالالىق توتەنشە جاعدايلار باسقارماسىنىڭ باستىعى نازىمبەك ەلەمەسوۆتىڭ ايتۋىنشا، ەسىل وزەنى 16 ساۋىردەن 17 ساۋىرگە قاراعان ءتۇنى ارناسىنان شىعا باستادى. قازىر «چەليابى-ءنوۆوسىبىر» حالىقارالىق ماڭىزى بار اۆتوموبيل جولى جابىلعان. ول جەرگە بەكەت قويىلدى، تەحنيكا جەتكىزىلىپ، پوليتسيا مەن قۇتقارۋ قىزمەتى كەزەكشىلىك اتقارىپ جاتىر.

«جولدىڭ بويىنا ارنايى ەسكەرتۋ بەلگىلەرى قويىلدى. قازىرگى ۋاقىتتا تراسسانى باسقان سۋدىڭ ەنى 120 مەتر، تەرەڭدىگى 30-35 سم شاماسىندا. جاعدايدى باقىلاۋدا ۇستاپ وتىرمىز.

پەتروپاۆلدا 5 مىڭعا جۋىق ساياجاي ۋچاسكەسى بار. قازىر مونيتورينگ جۇرگىزەمىز. ازىرگە قالا بويىنشا 20-30 ساياجاي ۋچاسكەسىن سۋ باستى. «رەچپورت»، «ۋچيتەل» ساياجاي قوعامداستىعى، ميچۋرينو ەلدى مەكەنىندە «پەرۆەنەتس» ساياجاي قوعامداستىعى ءبىزدىڭ باقىلاۋىمىزدا»، - دەيدى نازىمبەك ەلەمەسوۆ.

باسقارما باستىعىنىڭ ايتۋىنشا، تۇرعىن ۇيلەرگە كەلەر قاۋىپ جوق. ال ساياجاي ۋچاسكەلەرىنىڭ كەيبىرى سۋ استىندا قالادى.

«بۇل جىلداعى جاعداي دەۋگە بولادى. قازىرگى ۋاقىتتا ادامدار جىل بويى تۇراتىن ساياجاي ۋچاسكەلەرىنە سۋ كىرگەن جوق.

جالپى پەتروپاۆلدا ەسىل وزەنى تاسۋىنىڭ شارىقتاۋ شەگى 19-20 ساۋىردە بولادى دەپ بولجانعان»، - دەيدى نازىمبەك ەلەمەسوۆ.

«قازگيدرومەت» رمك سولتۇستىك قازاقستان وبلىستىق فيليالىنىڭ مالىمەتىنشە، ەسىل وزەنى سۋىنىڭ دەڭگەيى پەتروپاۆل ماڭىندا ءبىر تاۋلىكتە 16 سم كوتەرىلدى. وسىلايشا 994 سم جەتتى. دولماتوۆو ەلدى مەكەنى ماڭىندا ماماندار ءبىر تاۋلىكتە 27 سم وزگەرگەنىن انىقتادى.

وڭىردەگى قالعان گيدرولوگيالىق بەكەتتەردە سۋ دەڭگەيى ءتۇسىپ كەلەدى.

Abai.kz