مەملەكەت باسشىسىنىڭ جارلىعىمەن بىرقاتار ەلدەردەگى قازاقستان ەلشىلەرى تاعايىندالدى، دەپ حابارلايدى اقوردانىڭ ءباسپاسوز قىزمەتى.

مەملەكەت باسشىسىنىڭ جارلىقتارىمەن:
قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى ماعجان جانبوتاۇلى ءىلياسوۆ قازاقستان رەسپۋبليكاسىنىڭ يسلاندياداعى، يرلاندياداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى;

قازاقستان رەسپۋبليكاسىنىڭ شۆەيتساريا كونفەدەراتسياسىنداعى توتەنشە جانە وكىلەتتى ەلشىسى قايرات اسانيازۇلى سارجانوۆ قازاقستان رەسپۋبليكاسىنىڭ ليحتەنشتەين كنيازدىگىندەگى، ۆاتيكان مەملەكەتىندەگى جانە يەرۋساليم، رودوس جانە مالتا قاسيەتتى يواننىنىڭ ەگەمەندى اسكەري گوسپيتالەرلەر وردەنىنىڭ جانىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.

مەملەكەت باسشىسىنىڭ جارلىعىمەن ءالىم داۋرەنۇلى بايەل قازاقستان رەسپۋبليكاسىنىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى، دەپ حابارلايدى اقوردانىڭ ءباسپاسوز قىزمەتى.

Abai.kz