الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ «تاۋدى كەسىپ، ەلدەن قاشقان» دەگەن بولجام ايتتى قك شەكارا قىزمەتىنىڭ ديرەكتورى ەرلان الداجۇمانوۆ.

«جورامال بار، ول تاۋمەن كەتكەن بولۋى مۇمكىن. جۇمىس جالعاسىپ جاتىر. تۇسىنەسىزدەر عوي، ول جەردە تاۋ جوتاسى 672 شاقىرىم عانا. ونىڭ ءوزى شىققان جەردە، تاۋدا، ەلدى مەكەندە شارۋاشىلىعى بار. نەگىزىندە، وتكىزۋگە كومەكتەسكەندەر دە بولۋى مۇمكىن. ءبىز تاۋلار ارقىلى شىعۋ نۇسقاسىن قاراستىرىپ جاتىرمىز»، - دەپ ءتۇسىندىردى الداجۇمانوۆ.

ول باس پروكۋراتۋرانىڭ قاشقىن شەنەۋنىكتىڭ ۇستىنەن قىلمىستىق ءىس اشقانىن ەسكە سالدى.

«قانداي اقپارات بولسا دا، مەن ەندى قىلمىستىق ءىس جۇرگىزۋ كودەكسىنىڭ 201-بابىنا سايكەس سىزدەرگە بەرە المايمىن. مەنىڭ توبىم جۇمىس ىستەپ جاتىر، تەرگەۋ ءجۇرىپ جاتىر، تەرگەۋ بولەك، ىشكى تەرگەۋىمىز بولەك. قىرعىزستاندىق ارىپتەستەرىمىزدەن كۇتەمىز – ولار وسى دەرەك بويىنشا قىلمىستىق ءىس قوزعادى. قىرعىز رەسپۋبليكاسىنىڭ باس پروكۋراتۋراسى جاۋاپتى، ولار بىزگە ازىرگە اقپارات بەرە المايدى»، - دەدى ەرلان الداجۇمانوۆ.

ۇقك شەكارا قىزمەتىنىڭ باسشىسى سەنات كۋلۋارىندا كۇدەباەۆقا كومەكتەسكەندەر بولۋى مۇمكىن ەكەنىن ايتتى.

Abai.kz