قىرعىزستان «مەملەكەتتىك ءتىل تۋرالى» زاڭ جوباسىن قابىلدادى. ول بويىنشا ەندى قىرعىز شەنەۋنىكتەرىنە مەملەكەتتىك ءتىلدى (قىرعىز ءتىلىن) ءبىلۋى مىندەت بولادى، دەپ حابارلايدى Mezgil.kz.

ناقتىراق ايتساق، «مەملەكەتتىك ءتىل تۋرالى» زاڭ جوباسىنا سايكەس، قىرعىزستان شەنەۋنىكتەرىنىڭ مەملەكەتتى ءتىلدى مەڭگەرۋ دەڭگەيى ورتادان كەم بولماۋى ءتيىس. بۇل تۋرالى جوعارعى كەڭەس (پارلامەنت) وتىرىسىندا مەملەكەتتىك ءتىل جونىندەگى ۇلتتىق كوميسسيانىڭ توراعاسى قانىبەك وسموناليەۆ ايتتى.

جك وتىرىسىندا دەپۋتات داستان بەكەشەۆ: «مەملەكەتتىك ءتىلدى بىلمەيتىن شەنەۋنىكتەر ەندى قايتەدى»، - دەپ سۇرادى.

وعان: «زاڭ جوباسىنىڭ 5 بابىنى سايكەس، مەملەكەتتىك جانە مۋنيتسيپالدى قىزمەتكەرلەر قىرعىز ءتىلىن ءبىلۋى مىندەت. بۇل دەگەنىڭىز، ورىس تىلدىلەردىڭ قۇقىق شەكتەۋ ەمەس. اتالعان زاڭ جوباسىنىڭ 10 بابىندا: «مەملەكەتتىك قۇجاتتاردى مەملەكەتتىك تىلدە جۇرگىزۋ كەرەك»، - دەپ جازىلعان. سونىمەن قاتار، قاجەت بولعان جاعدايدا وزگە تىلدەردە دە جۇرگىزۋگە بولاتىنى كورسەتىلگەن»، - دەپ جاۋاپ بەردى وسموناليەۆ.

ونىڭ ايتۋىنشا، 2017 جىلى قىرعىز ۇكىمەتى قىرعىزستاننىڭ مەملەكەتتىك قىزمەتكەرلەرىنە قىرعىز ءتىلىن مەڭگەرۋ كورسەتكىشى ۆ1 دەڭگەيىندە بولۋى كەرەك دەپ بەلگىلەگەن.

ەسكە سالا كەتسەك، وزبەكستان رەسپۋبليكاسىندا مەملەكەتتىك ءتىل تۋرالى زاڭ 1989 جىلى 21 قازاندا قابىلدانعان بولاتىن. 2021 جىلى 26 ماۋسىمدا بيلىك ول زاڭعا تۇزەتۋلەر ەنگىزىپ، قايتا قابىلدادى

Abai.kz