مادەنيەت جانە سپورت مينيسترلىگى بيىل سارايشىق قالاشىعى مەن ش.ءۋاليحانوۆ اتىنداعى مەموريالدىق مۇراجاي-ساياباعىندا عىلىمي-رەستاۆراتسيالىق جۇمىس جۇرگىزۋدى جوسپارلاپ وتىر.

2022 جىلى پرەزيدەنت قاسىم-جومارت توقاەۆ اتىراۋ وبلىسىنا جۇمىس ساپارىنىڭ قورىتىندىسى بويىنشا سارايشىق قالاشىعىن دامىتۋ تۇجىرىمداماسىن ازىرلەۋ تۋرالى تاپسىرما بەرگەن بولاتىن.

بۇگىنگى تاڭدا ەجەلگى قالاشىق پەن ونىڭ اۋماعىنداعى تاريحي نىسانداردى قالپىنا كەلتىرۋ جانە ساقتاۋ بويىنشا عىلىمي نەگىزدە تۇجىرىمداما ازىرلەندى.

بۇدان بولەك، رەسپۋبليكالىق ماڭىزى بار تاريحي جانە مادەني ەسكەرتكىش بولىپ تابىلاتىن ش.ءۋاليحانوۆتىڭ مەموريالدىق مۇراجاي-ساياباعىندا دا عىلىمي-رەستاۆراتسيالىق جۇمىستار جوسپارلانىپ وتىر.

جوبا اياسىندا تاريحشى، ەتنوگراف-عالىمنىڭ زيراتى مەن ەسكەرتكىشتەرىن، سونداي-اق «التىن ەمەل» مۇراجايىن قالپىنا كەلتىرۋ جانە ساقتالۋىن قامتاماسىز ەتۋ بويىنشا جۇمىس جۇرەدى.

سونىمەن قاتار زاماناۋي مۋزەي تەحنولوگيالارىن قولدانا وتىرىپ، ەكسپوزيتسيالىق ستەندتەردى دا جاڭارتۋ كوزدەلگەن.

«عىلىمي-رەستاۆراتسيالىق جۇمىستار اعىمداعى جىل ىشىندە جۇزەگە اسىرىلاتىن بولادى. جالپى، مادەنيەت جانە سپورت مينيسترلىگى 2023 جىلى 5 باعىتتا عىلىمي-رەستاۆراتسيالىق جۇمىستاردى جۇزەگە اسىراتىن بولادى»،- دەدى قر مسم مادەنيەت كوميتەتىنىڭ تاريحي-مادەني مۇرا باسقارماسىنىڭ باسشىسى جانات سەيداليەۆا.

Abai.kz