جىل باسىنان بەرى بايلانىس جانە ونىڭ ساپاسىنا قاتىستى 5 مىڭعا جۋىق ارىز-شاعىم تۇسكەن. بۇل تۋرالى ۇكىمەت باسشىسى ءاليحان سمايىلوۆ ءمالىم ەتتى.

«قولجەتىمدى ينتەرنەت» ۇلتتىق جوباسى مەملەكەت باسشىسىنىڭ تاپسىرماسى بويىنشا ازىرلەندى. ول ەلدى مەكەندەردەگى ينتەرنەت ساپاسى مەن ونىڭ قولجەتىمدى بولۋىن قامتاماسىز ەتۋگە باعىتتالعان. وكىنىشكە قاراي، بۇل سالادا جۇيەلى جۇمىستى كورە الماي وتىرمىز. بيىل جىل باسىنان بەرى ۇكىمەتكە بايلانىس جانە اقپاراتتاندىرۋ ماسەلەسى بويىنشا ازاماتتاردان 5 مىڭعا جۋىق ءوتىنىش پەن شاعىم كەلىپ ءتۇستى»، - دەدى ءاليحان سمايىلوۆ ۇكىمەت وتىرىسىندا.

پرەمەر-ءمينيستردىڭ ايتۋىنشا، ارىز-شاعىمنىڭ دەنى ينتەرنەت جىلدامدىعى مەن ساپاسىنا قاتىستى.

«سونىمەن قاتار، ەلدى مەكەندەردە، ءتىپتى ءىرى قالالاردىڭ وزىندە ءموبيلدى ينتەرنەت جوق نەمەسە ساپاسى ناشار. مۇنداي شاعىمدار، اسىرەسە الماتى مەن استانادا كوپ. تالشىقتى-وپتيكالىق بايلانىس جەلىلەرىمەن 3 مىڭعا جۋىق اۋىل قامتىلۋى ءتيىس. 2027 جىلعا قاراي رەسپۋبليكالىق ماڭىزى بار قالالاردىڭ 75% جانە وبلىس ورتالىقتارىنىڭ 60% 5G تەحنولوگياسىمەن قامتاماسىز ەتىلەدى. بۇل رەتتە، قالا ىشىندە ۇيالى بايلانىس جابدىقتارىن ورنالاستىرۋ قاجەتتىگى تۋرالى حالىققا اقپاراتتىق-ءتۇسىندىرۋ جۇمىستارىن جۇرگىزۋ ماڭىزدى. ول ەڭ الدىمەن، بايلانىس ساپاسىن جاقسارتۋ جانە تۇرعىندار اراسىندا راديوفوبيانى ازايتۋ ءۇشىن كەرەك. سونداي-اق، دەرەكتەردى بەرۋ دەڭگەيى سەكۋندىنا 4-6 تەرابيتكە دەيىن بولاتىن جەلىلەردىڭ ترانزيتتىك مۇمكىندىكتەرىن ۇلعايتۋعا باسىمدىق بەرۋ قاجەت»، - دەيدى ول.

سونداي-اق، ءاليحان سمايىلوۆ مەملەكەت باسشىسىنىڭ تاپسىرماسى بويىنشا ەلىمىزدە تسيفرلىق حاب بولۋى ءتيىس.

بۇل ماقساتتا ۇلتتىق جوبانىڭ وسى ماقساتتارىنا بيۋدجەتتەن 5 جىل ىشىندە شامامەن 560 ملرد تەڭگە ءبولۋ جوسپارلانعان.

Abai.kz