پروكۋرور وليگارح قايرات ساتىبالدىنىڭ بۇرىنعى ايەلى گۇلميرا ساتىبالدىنى 8 جىل باس بوستاندىعىنان ايىرۋدى سۇرادى.

ول سوتتان گۇلميرا ساتىبالدىنى قىلمىستىق كودەكستىڭ 389-بابىنىڭ 4-بولىگى (وزبىرلىق), 28-بابىنىڭ 3-بولىگى (قىلمىستىق قۇقىق بۇزۋشىلىقتى ۇيىمداستىرۋ) جانە 125-بابىنىڭ 2-بولىگىنىڭ 1 جانە 8-تارماقتارى (ادام ۇرلاۋ) بويىنشا قىلمىستىق قۇقىق بۇزۋشىلىق جاساعانى ءۇشىن كىنالى دەپ تانۋىن سۇرادى.

«گ. ساتىبالدىعا قازاقستان رەسپۋبليكاسى قىلمىستىق كودەكسىنىڭ 389-بابىنىڭ 4-بولىگى بويىنشا مۇلكىن تاركىلەۋسىز 6 جىلعا باس بوستاندىعىنان ايىرۋ جازاسى، قر قك 28-بابىنىڭ 3-بولىگى بويىنشا 8 جىلعا باس بوستاندىعىنان ايىرۋ جازاسى تاعايىندالسىن»، – دەدى پروكۋرور ازامات سارسەمباەۆ.

گۇلميرا ساتىبالدى ادام ۇرلادى جانە وزبىرلىق جاسادى دەپ ايىپتالىپ وتىر. ەكى كاسىپكەر: تۇرسىن الاگوزوۆ جانە Maxi Bottlers جشس بۇرىنعى يەسى ايگۇل مەكەشەۆا بيزنەستەرىن رەيدەرلىك جولمەن باسىپ الىنعانىن ايتقان.

ايىپتالۋشىلار قاتارىندا گۇلميرا ساتىبالدىدان بولەك، ونىڭ جۇرگىزۋشىسى مەن كومەكشىسى بار.

ەسكەع سالا كەتەيىك، سوت تالقىلاۋى 14 ناۋرىزدا باستالعان.

Abai.kz