قازاقستاندا باستالعان «مەديتسينالىق پويىز» جوباسى اياسىندا ەلىمىزدىڭ شالعاي اۋداندارىنىڭ تۇرعىندارىنا تەگىن مەديتسينالىق كومەك كورسەتىلەدى. بيىل دارىگەرلەر قاتارىنا مەدياتور مەن زاڭگەر ماماندارى قوسىلدى. وسىلايشا 75 مىڭعا جۋىق اۋىل تۇرعىنى ەمدىك-كەڭەس بەرۋ قىزمەتىن الادى دەپ كۇتىلۋدە.

بۇگىن الماتى-2 ستانتسياسىنان سالتاناتتى تۇردە جولعا شىققان «سالاماتتى قازاقستان» پويىزى، اعىمداعى جىلدىڭ 6 جەلتوقسانىنا دەيىن بۇكىل قازاقستان بويىنشا 120-دان استام ستانتسيانى قامتيتىن بولادى.  شاراعا دارىگەرلەر مەن تەمىرجولشىلار، ارداگەرلەر، ونەر قايراتكەرلەرى، باق جانە باسقا دا تاراپتار قاتىستى.

جوبانى «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى، قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ جانە دەنساۋلىق ساقتاۋ مينيسترلىگىنىڭ قاتىسۋىمەن، «قازاقستان تەمىر جولى» ۇك» اق جانىنداعى «الەۋمەتتىك جوبالار قورى» كورپوراتيۆتىك قورىمەن جانە اقپاراتتىق سەرىكتەس - Jibek Joly تەلەارناسىمەن ىنتىماقتاستىقتا ىسكە اسىرادى.

«سامۇرىق-قازىنا» اق قولداۋىنىڭ ارقاسىندا دەنساۋلىق پويىزدارىنىڭ شالعاي ستانتسيالاردىڭ تۇرعىندارىنا جوعارى بىلىكتى مەديتسينالىق كومەك كورسەتۋى يگى داستۇرگە اينالدى. تەك 2022 جىلدىڭ قورىتىندىسى بويىنشا 150-گە جۋىق ستانتسيانىڭ 80 649 تۇرعىنى ەمدىك-كەڭەس بەرۋ قىزمەتىن الىپ، ونىڭ ىشىندە 21 867-ءسى بالا بولدى. بۇل رەتتە 5 097 ادامعا شاعىن وتا جاسالىپ، 26 587 ادامعا ستوماتولوگيالىق كومەك كورسەتىلدى. بارلىعى ناۋقاستاردىڭ دارىگەرلەرگە قارالۋ سانى 389 388-ءدى قۇرادى.

مەديتسينالىق بريگادالار دياگنوستيكالىق پروتسەدۋرالار عانا ەمەس، سونداي-اق شاعىن امبۋلاتوريالىق وتالار جاسايتىن 35 ماماننان تۇرادى، ونىڭ ىشىندە تەراپەۆت، حيرۋرگ، جالپى تاجىريبە دارىگەرى، نەۆروپاتولوگ، ۋلترادىبىستىق دياگنوستيكا دارىگەرى، اكۋشەر، زەرتحاناشى، مەيىربيكە، رەنتگەنولوگ، ساۋلەلىك دياگنوستيكا دارىگەرى، ءتىس دارىگەرى، وتولارينگولوگ، پسيحولوگ، وكۋليست، گينەكولوگ جانە ۋرولوگ بار. مەدپويىز قوزعالىسىنىڭ كەستەسى شالعاي ستانتسيالاردا مەديتسينالىق پۋنكتتەردىڭ جوقتىعىن ەسكەرە وتىرىپ جانە ازاماتتار مەن مەملەكەتتىك ورگانداردىڭ ءوتىنىشى نەگىزىندە ازىرلەندى.

- بۇگىن مەديتسينالىق كومەككە ءزارۋ كوپتەگەن ادامدار ءۇشىن وتە ماڭىزدى كۇن. كوبىنەسە شالعاي اۋىلداردا اۋرۋحانالار بولمايدى جانە تۇرعىنداردىڭ بارلىعى ءار ۋاقىتتا اۋدان ورتالىعىنا بارا المايدى. ال مەديتسينالىق پويىز جاعدايىندا بالالاردى قاراتىپ، ەرەسەكتەردىڭ وزدەرىنىڭ دە بارلىق ماماننان بىردەن كەڭەس الۋدىڭ جاقسى مۇمكىندىگى تۋىندايدى. پويىزعا ەڭ زاماناۋي مەديتسينالىق جابدىقتار قويىلىپ، ءتىپتى دامدارعا شاعىن وتالار جاساۋ قاراستىرىلعان، - دەپ اتاپ ءوتتى «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى الفيا اديەۆا سالتاناتتى شىعارىپ سالۋ راسىمىندە.

مەديتسينالىق پويىز ستانتسيالاردا 1-2 كۇن بولادى. دارىگەرلەر تۇرعىنداردى جۇمىس ۋاقىتىندا قابىلدايدى.

ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ باستاماسى بويىنشا العاش رەت، پويىز جۇمىسىنا، ازاماتتارعا ءتيىمدى پسيحولوگيالىق، قۇقىقتىق ءارى مەدياتيۆتىك (تاتۋلاستىرۋ) كومەك كورسەتەتىن كاسىبي جانە تاجىريبەلى مەدياتورلار مەن زاڭگەرلەر تارتىلۋدا. بۇدان باسقا، ازاماتتاردىڭ مەملەكەتتىك الەۋمەتتىك قولداۋ الۋ قۇقىعىن قورعاۋ، زەينەتاقى-جاردەماقى، الەۋمەتتىك تولەم جانە اتاۋلى الەۋمەتتىك كومەك الۋ ماسەلەلەرى بويىنشا تەگىن كەڭەس بەرىلەتىن بولادى.

- قىزمەتىمىزدىڭ باستى ماقساتى – «سامۇرىق-قازىنا» كومپانيالار توبى كاسىپورىندارى بار وڭىرلەرگە ەرەكشە نازار اۋدارا وتىرىپ، حالىقتىڭ الەۋمەتتىك-ەكونوميكالىق ءومىرىن جاقسارتۋ. وسى جىلداعى 7 جوبانىڭ ىشىندە دەنساۋلىق ساقتاۋ باعىتىندا 590 ميلليون تەڭگە بيۋدجەتپەن «مەديتسينالىق پويىز» جوباسى ءبىرىنشى بولىپ باسىمدىق يەلەندى، - دەپ جەتكىزدى الفيا اديەۆا.

«Samruk-Kazyna Trust» قورىنىڭ قايىرىمدىلىق بيۋدجەتى 2022 جىلى 10 ملرد تەڭگەنى قۇرادى. بۇل سوماعا قامقورشىلار كەڭەسى 43 الەۋمەتتىك جوبانى ماقۇلدادى. ناتيجەسىندە 500 مىڭ قازاقستاندىققا، ونىڭ ىشىندە 55 مىڭ بالاعا جانە اۋىلدىق جەردە تۇراتىن 95 مىڭ قازاقستاندىققا قولداۋ كورسەتىلدى.

Abai.kz