قازاقستاننىڭ ءبىر وراشولاق ءىسى - ءبىر مەرەكەگە ەكىنشى مەرەكەنى اكەلىپ  «مىنگەستىرىپ» جىبەرۋى عوي. 16 جەلتوقسان - «جەلتوقسان قۇرباندارىن» ەسكە الاتىن قاسىرەتتى كۇنگە اكەلىپ، 17 جەلتوقسان قاسيەتتى  «تاۋەلسىزدىك مەرەكەسىن» تىركەستىرىپ جىبەردى. اقىرى، قازاق ءۇشىن قاستەرلى  بۇل ەكى كۇن  دە 1 قاڭتار - «جاڭا جىل مەيرامىنىڭ» كولەڭكەسىندە قالىپ قويدى.

سوسىن 7 مامىر كۇنىن  «وتان قورعاۋشىلار كۇنى» (بەردىوڭعاروۆ دەيتىن جىگىتىمىز دەپۋتات كەزىندە وسى مەيرامدى ەلەمەي، رەسەيدىڭ 23 اقپان كۇنىمەن ارىپتەستەرىن قۇتتىقتايمىن دەپ ب.تىلەۋحان اعامىزدان ءسوز ەستىگەن بولاتىن) دەپ بەلگىلەنگەن ەدى، بۇل مەرەكە 9 مامىر - جەڭىس كۇنى مەركەسىنىڭ تاساسىندا قالىپ قويدى. 7 مامىر كۇنى قالالاردا، تەلەديداردا قانشاما ادەمى كونتسەرتتەر مەن شارالار ۇيىمداستىرىلادى. الايدا بۇل شارالاردىڭ بارلىعى جەڭىس كۇنىنە ارنالعانداي بولادى دا شىعادى.

شىندىعىندا 7 مامىر - «وتان قورعاۋشىلار كۇنىندە» ەرتەدەگى قارابۋرا اۋليە، ەر قاپتاعاي، قابانباي، بوگەنباي باتىرلاردان باستاپ، جانقوجا باتىر، حان كەنە، ءبىزدىڭ زامانىمىزدىڭ باتىرلارى: باۋىرجان مومىشۇلى مەن قاسىم قايسەنوۆ، ءاليا مەن مانشۇككە دەيىنگى، كۇنى كەشەگى اۋعان سوعىسىنا قاتىسقاندار ۇلىقتالىپ، قازىرگى قازاقستان قارۋلى كۇشتەرىنىڭ الەۋەتىن كورسەتىپ قازاق  ەلىنىڭ قاھارماندىق تاريحىن ماداق ەتۋگە بولار ەدى. سونىمەن قاتار، 8 ناۋرىزدا قىز-كەلىنشەكتەردى قۇتتىقتاساق، 7-مامىردا ەر-ازاماتتاردى قۇتتىقتايتىن دا ءداستۇر بار.

قازاقستاننىڭ ءبىر وراشولاق ءىسى - ءبىر مەرەكەگە ەكىنشى مەرەكەنى اكەلىپ  «مىنگەستىرىپ» جىبەرۋى عوي. 16 جەلتوقسان - «جەلتوقسان قۇرباندارىن» ەسكە الاتىن قاسىرەتتى كۇنگە اكەلىپ، 17 جەلتوقسان قاسيەتتى  «تاۋەلسىزدىك مەرەكەسىن» تىركەستىرىپ جىبەردى. اقىرى، قازاق ءۇشىن قاستەرلى  بۇل ەكى كۇن  دە 1 قاڭتار - «جاڭا جىل مەيرامىنىڭ» كولەڭكەسىندە قالىپ قويدى.

سوسىن 7 مامىر كۇنىن  «وتان قورعاۋشىلار كۇنى» (بەردىوڭعاروۆ دەيتىن جىگىتىمىز دەپۋتات كەزىندە وسى مەيرامدى ەلەمەي، رەسەيدىڭ 23 اقپان كۇنىمەن ارىپتەستەرىن قۇتتىقتايمىن دەپ ب.تىلەۋحان اعامىزدان ءسوز ەستىگەن بولاتىن) دەپ بەلگىلەنگەن ەدى، بۇل مەرەكە 9 مامىر - جەڭىس كۇنى مەركەسىنىڭ تاساسىندا قالىپ قويدى. 7 مامىر كۇنى قالالاردا، تەلەديداردا قانشاما ادەمى كونتسەرتتەر مەن شارالار ۇيىمداستىرىلادى. الايدا بۇل شارالاردىڭ بارلىعى جەڭىس كۇنىنە ارنالعانداي بولادى دا شىعادى.

شىندىعىندا 7 مامىر - «وتان قورعاۋشىلار كۇنىندە» ەرتەدەگى قارابۋرا اۋليە، ەر قاپتاعاي، قابانباي، بوگەنباي باتىرلاردان باستاپ، جانقوجا باتىر، حان كەنە، ءبىزدىڭ زامانىمىزدىڭ باتىرلارى: باۋىرجان مومىشۇلى مەن قاسىم قايسەنوۆ، ءاليا مەن مانشۇككە دەيىنگى، كۇنى كەشەگى اۋعان سوعىسىنا قاتىسقاندار ۇلىقتالىپ، قازىرگى قازاقستان قارۋلى كۇشتەرىنىڭ الەۋەتىن كورسەتىپ قازاق  ەلىنىڭ قاھارماندىق تاريحىن ماداق ەتۋگە بولار ەدى. سونىمەن قاتار، 8 ناۋرىزدا قىز-كەلىنشەكتەردى قۇتتىقتاساق، 7-مامىردا ەر-ازاماتتاردى قۇتتىقتايتىن دا ءداستۇر بار.

مەرەكەنىڭ اتىنا كەلەر بولساق، 9 مامىر  «جەڭىس كۇنى» بولىپ قالا بەرەدى. تەك ونىڭ اتالۋىن بىلاي وزگەرتۋ كەرەك: 9 مامىر -  «جەڭىس جانە فاشيزم قۇرباندارىن ەسكە الۋ كۇنى» . قازىر قاراساق، رەسەي  «ءفاشيزمدى جەڭدىك» دەپ كۇپسىنەدى، ال فاشيزم وڭايلىقپەن جەڭىلە سالاتىن نارسە ەمەس. ول - سۇر ىندەت. قازىر رەسەيدىڭ الگى وزگە ۇلتتاردى (تاجىكتەردى، وزبەكتەردى، قىرعىزداردى، قازاقتاردى، كاۆكازدىقتاردى) ولتىرۋگە، قىرۋعا شاقىراتىن تاقىرباس جاستارى - سكينحەدتەر سول فاشيزم (نەوفاشيزم) يدەيالارىمەن قارۋلانعان. ءبىر كەزدە ءفاشيزمدى جەڭگەن ەلدىڭ بۇگىنگى جاستارى ناعىز فاشيستكە اينالدى. اتالارى فاشيزمگە قارسى كۇرەسەمىن دەپ قان توكتى، ال نەمەرەلەرى فاشيستەرگە اينالدى. بۇل كۇن ونداي سۇمدىق ەندى ەشقاشان بولماسىن دەپ،  «فاشيزمگە قارسى كۇرەس كۇنىنە»  اينالۋى ءتيىس. ادامزات قوعامى ەندى ەشقاشان  «فاشيزم»  جانە  «راسيزم» اتتى دەرتتەرگە شالدىقپاۋى ءتيىس.

مامىراجاي باستالاتىن مامىر ايىنىڭ اياعى بىزدە  «رەپرەسسيا قۇرباندارىن ەسكە الۋ كۇنىمەن» اياقتالادى.    ال بىزدە 20-30 جىلدارداعى 4 ملن قازاقتىڭ ءومىرىن جالماپ كەتكەن اشتىق قۇرباندارىن ەسكە الاتىن قارالى كۇن جوق. سوندىقتان،  31 مامىر - «قۋعان-سۇرگىن جانە اشتىق قۇرباندارىن ەسكە الۋ كۇنى». اتالىپ، بۇل كۇن قارالى كۇن جانە ەسكە الۋ كۇنى رەتىندە اتالىپ ءوتىلۋى ءتيىس. بۇل كۇن شىن مازمۇنىندا  «توتاليتاريزم مەن ديكتاتۋراعا، اۆتوكراتياعا قارسىلىق» («امىرشىلدىك پەن وكتەمشىلدىككە، امىرشىلدىككە قارسىلىق كۇنى») كۇنى رەتىندە دە اتالىپ ءوتىلۋى كەرەك.

سەرىكجان، Abai.kz سايتىنىڭ تۇراقتى وقىرمانى-ۋاجگەرى