ەلوردادا «ءبىلىمدى ۇرپاق – ءبىلىمدى ەل» كونفەرەنتسياسى ءوتىپ جاتىر. جيىندا قر پرەمەر-ءمينيسترىنىڭ ورىنباسارى التاي كولگىنوۆ ءبىلىم سالاسىنداعى وزەكتى ماسەلەلەردى قوزعادى، دەپ حابارلايدى قازاقپارات ءتىلشىسى.

«مەملەكەت باسشىسى قاسىم-جومارت كەمەلۇلى پەداگوگتەردى قولداۋعا ەرەكشە كوڭىل بولۋدە. كوپتەگەن ماڭىزدى شەشىمدەر قابىلداندى، اتاپ ايتقاندا پەداگوگ مارتەبەسى تۋرالى زاڭ كۇشىنە ەندى، پەداگوگتەر جالاقىسى ءۇش جىلدا ەكى ەسەگە ارتتى، قاعازباستىلىق ەكى ەسەگە دەيىن ازايدى. ءبىلىم بەرۋ جۇيەسىندە بىرلەسكەن جەدەل شەشىمدى تالاپ ەتەتىن الدە دە بىرقاتار ماڭىزدى ماسەلەلەر الدىمىزدا تۇر»، - دەدى التاي كولگىنوۆ كونگرەسس ورتالىقتا «ءبىلىمدى ۇرپاق – ءبىلىمدى ەل» كونفەرەنتسياسىندا.

سپيكەردىڭ ايتۋىنشا، قازىرگى ەڭ وزەكتى ماسەلەلەردىڭ ءبىرى – مەكتەپكە دەيىنگى جانە ورتا ءبىلىم بەرۋدەگى ورىن تاپشىلىعى.

«وعان قوسا وڭىرلىك بولىنىستە ءبىلىم بەرۋ ساپاسىنىڭ الشاقتىعى بايقالادى، ياعني ءارتۇرلى وڭىردە ءبىلىم بەرۋ ساپاسى ءارتۇرلى بولىپ وتىر. سونداي-اق وڭىرلەردە پەداگوگتاردىڭ جانە باسقارۋ كادرلارىندا تاپشىلىعى بايقالادى. شالعايدا ورنالاسقان 3000 مەكتەپ جىلدام ينتەرنەتكە قول جەتكىزە الماۋدا. جوو ستۋدەنتتەرىنىڭ جاتاقحاناعا قاجەتتىلىكتى سەزىلەدى، قازىرگى ۋاقىتتا جاتاقحانالاردا 70 مىڭ ورىن تاپشىلىعى بار. حالىقارالىق زەرتتەۋ ناتيجەسى بويىنشا قالا مەن اۋىل اراسىنداعى ءبىلىم ساپاسىنىڭ الشاقتىعى 38 بالدى قۇرايدى. ۇكىمەت پەن بارلىق ورتالىق جانە جەرگىلىكتى ورگانداردىڭ الدىندا حالىقارالىق ستاندارتتارعا بارىنشا جەتۋ مىندەتى تۇر، بۇل ءۇشىن كوپ جۇمىس ىستەۋ كەرەك.ۇكىمەت ءبىلىم بەرۋدىڭ بارلىق دەڭگەيلەرىندە ينفراقۇرىلىمدى دامىتۋ، وقۋ ساپاسىن ارتتىرۋ، تاربيە جۇمىسىن كۇشەيتۋ، پەداگوگ ماماندىعىنىڭ تارتىمدىلىعىن ارتتىرۋ بويىنشا ۇلكەن جۇمىس جۇرگىزۋدە»، - دەدى التاي كولگىنوۆ.

اتالعان ماسەلەلەردى جۇيەلى شەشۋ ءۇشىن بيىل ەكى ماڭىزدى تۇجىرىمداما قابىلدانعان: ءبىرىنشىسى – مەكتەپكە دەيىنگى، ورتا، تەحنيكالىق جانە كاسىپتىك وقىتۋدى دامىتۋ تۇجىرىمداماسى; ەكىنشىسى – جوعارى ءبىلىم مەن عىلىمنىڭ دامۋى.

پرەزيدەنت تاپسىرماسىمەن «جايلى مەكتەپ» ۇلتتىق جوبالار، جايلى مەكتەپتەر ازىرلەنگەن.

«ورىن تاپشىلىعى پروبلەمالارىن شەشۋ ءۇشىن 2026 جىلعا دەيىن 1,5 ملن وقۋشى ورنىن اشۋدى جوسپارلاپ وتىرمىز. ولاردىڭ ءبىر بولىگى «جايلى مەكتەپ ۇلتتىق جوباسى بويىنشا سالىنادى. باسقا بولىگى ينفراقۇرىلىمدى دامىتۋ قورى ارقىلى تولەنەدى. ناۋرىز ايىندا بۇكىل ەل بويىنشا 72 مەكتەپتىڭ قۇرىلىسىنا قولداۋ كورسەتتىك. سونداي-اق قولجەتىمدى ينتەرنەت جوباسى ىسكە اسىپ جاتىر. ۇزدىك پەداگوگتاردى تارتۋ بويىنشا ارنايى باعدارلاما ەنگىزىلدى، ءبىلىم بەرۋدە مىڭ كوشباسشى دايارلاۋ باعدارلاماسى قالىپتاسۋدا. 2025 جىلعا دەيىن شاعىن قالالاردا، اۋدان ورتالىقتارىندا جانە اۋىلداردا 5 مىڭ مەكتەپ جاڭعىرتىلادى. روبوتوتەحنيكا، حيميا، بيولوگيا، فيزيكا، ستەم بويىنشا 7 مىڭ زاماناۋي مەكتەپ كابينەتى اشىلادى. بۇل، ارينە، ءبىلىم ساپاسىن جاقسارتادى. جاتاقحاناداعى ورىن تاپشىلىعى ماسەلەسى 2025 جىلعا دەيىن جىل سايىن 10 مىڭ ورىندى ەنگىزۋ جولىمەن شەشىلىپ جاتىر»، - دەپ ءتۇسىندىردى التاي كولگىنوۆ.

ايتا كەتەيىك، ەلوردادا «ءبىلىمدى ۇرپاق – ءبىلىمدى ەل» كونفەرەنتسياسى باستالدى. بۇل شارانى «قازاقستان حالقىنا» قورى ۇيىمداستىرعان.

جيىن قوردىڭ ىسكە اسىرىپ جاتقان قايىرىمدىلىق باعدارلامالارىن تانىستىرۋ جانە تالقىلاۋ، ءتيىمدى باستامالاردى ايقىنداۋ، قازاقستاننىڭ ءبىلىم بەرۋ جۇيەسىن ودان ءارى دامىتۋدى قاراستىرۋ ديالوگ الاڭىنا اينالماق.

Abai.kz