قارجى ءمينيسترى ەرۇلان جاماۋباەۆ قازاقستان كومپانيالارى رەسەيگە دروندار مەن ميكروچيپتەردى تاسىمالدادى دەگەن اقپاراتقا قاتىستى پىكىر ءبىلدىردى. 

بۇقارالىق اقپارات قۇرالدارى قازاقستاندىق كومپانيالار رەسەيگە قىتايدىڭ دروندارى مەن باتىس ميكروچيپتەرىن جىبەرەدى دەگەن بولجام ايتتى، بۇل ماسكەۋدىڭ سانكتسيالاردى اينالىپ وتۋىنە مۇمكىندىك بەرەدى. جۋرناليستەر كۋلۋاردا بۇل تۋرالى قارجى ءمينيسترى ەرۇلان جاماۋباەۆتان پىكىر ءبىلدىرۋىن سۇرادى.

"الدىڭعى ايدا اقش-تان، ەۋروپادان ارنايى دەلەگاتسيا كەلگەن بولاتىن. ءبىز دەلەگاتسيامەن كەلىسسوزدەر جۇرگىزدىك. ەگەر قانداي دا ءبىر قاۋىپ تونەتىن تاۋارلار سول جاققا وتەتىن بولسا، ولار بىزگە ءتىزىم بەرەدى. سول ءتىزىمدى ءبىز دۇرىستاپ، مۇقيات قارايتىن بولامىز. بىزدىڭ ماقساتىمىز - سانكتسيالانعان تاۋارلارعا جول بەرمەۋ. ەگەر سانكتسيالانعان تاۋارلاردى انىقتاساق، ارينە، ءتيىس شارالار قولدانامىز. بىزدە ءتيىس كەلىسىم بار، ەگەر سول كەلىسىم بويىنشا بىزگە اقپارات تۇسسە، ونداي تاۋارلاردى جىبەرمەيمىز. جالپى كەز كەلگەن كاسىپكەردى ۇستاپ، ونى قانداي دا ءبىر ءتارتىپ بۇزۋشى رەتىندە قاراستىرا المايمىز عوي. ناقتى ءسىز ايتىپ وتىرعان كومپانيا بويىنشا اقپاراتتى تەكسەرەيىك", - دەدى ول.

جاماۋباەۆ كۇدىكتى كومپانيالاردىڭ تىزىمىندە جۋرناليستەر ايتقان كومپانيالارى جوعىن اتاپ ءوتتى.

"ولار بەرگەن اقپارات ىشىندە ءسىز ايتقان كومپانيا بولعان جوق. قازىر ءبىز قوسىمشا تاۋەكەلدى باسقارۋ جۇيەسىن قوسامىز، ەگەر سونداي مۇمكىندىك كەتسە، وعان جول بەرمەيمىز. بىزدە مىڭداعان كاسىپكەر بار، ولاردىڭ دەكلاراتسياسىن تەكسەرۋ كەرەك، مۇمكىن ولار باسقا تاۋار دەپ كورسەتكەن شىعار", - دەدى مينيستر.

Abai.kz