قر توتەنشە جاعدايلار مينيسترلىگى اباي وبلىسىندا ورمان ورتىنە بايلانىستى 277 ادامنىڭ ەۆاكۋاتسيالانعانىن مالىمدەدى. جالىنمەن كۇرەسكە وزگە وڭىرلەردەن ماماندار مەن تەحنيكالار جىبەرىلە باستادى، دەپ حابارلايدى Azattyq Ruhy.

ۆەدومستۆونىڭ ءباسپاسوز قىزمەتى ءمالىم ەتكەندەي، ءورتتىڭ جالپى اۋماعى 1500 گەكتاردى قۇرايدى. ورمان القابىندا قۇرعاق ءشوپ جانىپ جاتىر.

«ەلدىمەكەندەرگە تونگەن قاۋىپكە بايلانىستى بەرەزوۆكا شيپاجايى مەن بەرەزوۆكا پودحوزىنان 277 ادام ءوز بەتىنشە تۋىستارىنا ەۆاكۋاتسيالاندى. بەرەزوۆكا شيپاجايى مەن بەرەزوۆكا پودحوزىندا 15 ادامنان تۇراتىن قىزمەتكەرلەر كەزەكشىلىك ۇيىمداستىردى»، - دەلىنگەن حابارلامادا.

ورمان ءورتىن سوندىرۋگە بارلىعى 100 تەحنيكا (ونىڭ ىشىندە 1 ءورت پويىزى) جانە 2 تىكۇشاق، سونداي-اق 402 ادام جۇمىلدىرىلدى. قوسىمشا استانا قالاسى، پاۆلودار جانە قاراعاندى وبلىستارىنىڭ توتەنشە جاعدايلار دەپارتامەنتتەرىنەن 133 ادام مەن 26 تەحنيكا جىبەرىلگەن. «قازاۆيسپاس» اق-نىڭ مي-8 تىكۇشاعى (ەكيپاجى 4 ادام) دا اتسالىسۋدا. ءبىر تاۋلىكتە 2 تىكۇشاقپەن بارلىعى 59 157,5 توننا سۋ توگىلدى.

«ءورت ورنىنا ۆيتسە-مينيستر مارات كۇلدىكوۆ كەلىپ جەتتى. كوماندالىق-شتابتىق ماشينا (كشم) جۇمىس جاساپ جاتىر. سونداي-اق داعدارىس ورتالىقتارىندا تجم مەن اباي وبلىسىنىڭ تجد جەدەل شتابتارى جۇمىس ىستەيدى. سەنىم تەلەفونى اشىق»، - دەلىنگەن تجم حابارلاماسىندا.

«قازگيدرومەت«دەرەكتەرى بويىنشا 24-26 مامىردا اباي وبلىسىنىڭ بورودۋليحا اۋدانىندا ەكپىنى 15-20 م/س دەيىن جەل سوعادى.

Abai.kz