الماتىدا بىرقاتار كوشە جىلۋ جەلىلەرىن قالپىنا كەلتىرۋ ءۇشىن 3 ايعا جابىلادى.

«الماتى جىلۋ جۇيەسى» كاسىپورنىنىڭ مالىمەتىنشە، 2023 جىلدىڭ 29 مامىر مەن 30 تامىز ارالىعىندا المالى اۋدانىنداعى بوگەنباي باتىر كوشەسى (بايتۇرسىنوۆ كوشەسىنەن ناۋرىزباي باتىر كوشەسىنە دەيىن اۋلا ىشىلىك اۋماق بويىنشا) جابىلادى.

جەتىسۋ اۋدانىندا 31 مامىردان 1 تامىزعا دەيىن راسكوۆ كوشەسىنىڭ بويى ( ەسەنوۆ كوشەسىنەن كولپاكوۆسكي كوشەسىنە دەيىن ودان ءارى №143 مەكتەپ-ليتسەي عيماراتىنا دەيىنگى) بولىگىندە كولىك قوزعالىسى شەكتەلەدى.

1 ماۋسىم مەن 30 تامىز ارالىعىندا شالياپين كوشەسىندە ( سولتۇستىك باعىتتا مومىشۇلى كوشەسىنەن ساين كوشەسىنە دەيىنگى اۋلا ىشىلىك اۋماق بويىنشا) جول جابىلادى.

«ەنگىزىلگەن شەكتەۋلەر اتالعان كوشە سەگمەنتتەرىنىڭ ءجۇرىس بولىگىنىڭ استىندا وتەتىن قۇبىرلاردى قايتا قۇرۋ ءۇشىن قاجەت. جەرگىلىكتى تۇرعىندارعا قولايلى جاعدايدى ساقتاۋ ءۇشىن ۇيلەرگە ىستىق سۋ ۋاقىتشا سحەما بويىنشا بەرىلەتىن بولادى»،- دەپ حابارلادى «الماتى جىلۋ جەلىلەرى» جشس ءباسپاسوز قىزمەتى.

كومپانيا كەلتىرىلگەن قولايسىزدىق ءۇشىن الماتىلىقتاردان كەشىرىم سۇرايدى.

سونىمەن قاتار، جۇرگىزۋشىلەرگە جول ءجۇرۋ باعىتىن الدىن الا جوسپارلاۋعا كەڭەس بەردى.

Abai.kz