10-11 ماۋسىمدا العاش رەت استانا قالاسىندا NOMAD MMA ارالاس جەكپە-جەكتەن قازاقستان رەسپۋبليكاسىنىڭ كۋبوگى وتەدى. تۋرنيرگە قازاقستاننىڭ تۇكپىر-تۇكپىرىنەن 12 جانە ودان جوعارى جاس ساناتتارى بويىنشا ۇزدىك اتاعىنا تالاساتىن سپورتشىلار قاتىسادى دەپ كۇتىلۋدە.

قازاقستاندىق سپورت ءتۇرى NOMAD MMA حالىقارالىق كەڭىستىكتە قارقىن دامۋدا. بۇگىنگى تاڭدا قازاقستاندىق سپورت تۇرىنەن NOMAD MMA دۇنيەجۇزىلىك فەدەراتسياسى قۇرامىنا 22 مەملەكەت كىرەدى: قازاقستان، قىرعىزستان، وزبەكستان، رەسەي، تاجىكستان، ۋكراينا، وڭتۇستىك كورەيا، گەرمانيا، يزرايل، سەربيا، الجير، پاكىستان، يران، ءۇندىستان، اۋعانستان، بانگلادەش، بەلارۋس، ءازىربايجان، مىسىر، زيمبابۆە، نيگەريا، تۇركىمەنستان.

ءوز كەزەگىندە رەسپۋبليكالىق فەدەراتسيانىڭ وكىلدىكتەرى ەلىمىزدىڭ بارلىق ايماقتارىندا جاساقتالعان. قۇرىلىمعا 157 جاتتىقتىرۋشى، 13 مىڭنان استام سپورتشى كىرەدى.

بيىلعى جىلى ايماقتىق وكىلدىك ەلوردامەن تولىقتىرىلدى – الداعى ءتۋرنيردىڭ يەسى بولىپ تابىلاتىن استانا قالاسىنداعى NOMAD MMA فەدەراتسياسى قۇرىلدى.

«استانا فەدەراتسياسى الدا كوپ جۇمىس كۇتىپ تۇرعان جاس ۇيىم، بىراق ءبىزدىڭ كوماندادا ۇلكەن تاجىريبە مەن قاجەتتى قۇزىرەت بار جانە ءبىز الدىمىزعا ءورشىل ماقساتتار قويامىز. جاستارىمىز اراسىندا سپورتپەن، ونىڭ ىشىندە جەكپە-جەكپەن شۇعىلداناتىندار سانىنىڭ ارتىپ كەلە جاتقانىنا وتە قۋانىشتىمىن! ءبىز اۋقىمدى شارا وتكىزىپ، قازاقستاندىق NOMAD MMA سپورتىنىڭ بارلىق سۇلۋلىعىن كورسەتكىمىز كەلەدى»، - دەدى استانا قالاسى بويىنشا NOMAD MMA فەدەراتسياسىنىڭ پرەزيدەنتى ءىلياس ەسماعۇل

«NOMAD MMA تولىق كونتاكتىلى جەكپە-جەك سپورت ءتۇرى بولعانىنا قاراماستان، ونى دامىتۋداعى باستى ماقساتتارىمىزدىڭ ءبىرى سپورتشىلاردىڭ، اسىرەسە جاس سپورتشىلاردىڭ قاۋىپسىزدىگىن بارىنشا قامتاماسىز ەتۋ، سوندىقتان ەرەجەلەر مەن جابدىقتار جۇيەسى ەڭ تومەن جاراقات كورسەتكىشتىرىنە كوزدەلگەن ۆەكتورىمەن ەسكەرىلگەن. ارينە، ءبىز تۇركى جاۋىنگەرلەرىنىڭ كونە داستۇرلەرى مەن قازىرگى الەم بەينەلەرىن ۇشتاستىرىپ، رۋحاني مادەني قۇندىلىقتاردى، وتانشىلدىق سەزىمىن وياتىپ، ەلىمىزدىڭ رۋحى مەن ءتانى مىقتى ازاماتتاردى تاربيەلەۋ ءۇشىن سپورتشىلاردى جان-جاقتى دامىتۋعا ۇمتىلامىز.

ارينە، مۇنداي جارىستاردا، قاتال باسەكەلەستىك ارقىلى ءبىز حالىقارالىق تۋرنيرلەردە ەلىمىزدىڭ ەڭ مىقتى وكىلدەرىنەن قۇرالعان كوماندا جاساقتايمىز، وندا ءبىز قازاقستاندىق سپورتشىلاردىڭ جوعارى دەڭگەيىن كورسەتىپ قانا قويماي، جالپى العاندا قازاقستاندىق برەندىمىزدى الەمگە تانىتامىز»، - دەدى رەسپۋبليكالىق NOMAD مما فەدەراتسياسىنىڭ ۆيتسە-پرەزيدەنتى يۋري بەليانين.

Abai.kz