استانا. 29 تامىز. قازتاگ – ۇقك توراعاسى گەنەرال-لەيتەنانت امانگەلدى شابدارباەۆ «الما-اتا  ينفو» گازەتىنىڭ سوتتالعان باس رەداكتورى رامازان ەسىرگەپوۆتىڭ سانالى تۇردە زاڭدى بۇزىپ، سول ءۇشىن جاۋاپكەرشىلىككە تارتىلعانىنا سەنىمدى. بۇل ماسەلەگە قاتىستى ول ارنايى مالىمدەمە جاساپ، ونى سەنبى كۇنى ۇقك-ءنىڭ ءباسپاسوز-قىزمەتى تاراتتى.

«رامازان ەسىرگەپوۆكە قاتىستى ۇلتتىق قاۋىپسىزدىك كوميتەتىنە كەلىپ تۇسكەن ۇندەۋگە بايلانىستى قر ۇقك توراعاسى مىنانى مالىمدەيدى: ءبىر دە ءبىر لاۋازىمدى ادام، ونىڭ ىشىندە قر ۇقك توراعاسى، قايسىبىر قىلمىستىق ىسكە ارالاسىپ، ءىستى تەرگەپ جاتقان تەرگەۋشىلەرگە نۇسقاۋ بەرىپ، اسىرەسە سوت پروتسەسىنىڭ بارىسىنا ىقپال ەتە المايدى»،- دەپ اتاپ وتىلگەن حابارلامادا.

«مەن، ارناۋلى مەملەكەتتىك ورگاننىڭ جەتەكشىسى رەتىندە، ءوزىمنىڭ جەكە باسىمنىڭ مۇددەسى  نەمەسە كورپوراتيۆتىك مۇددە ءۇشىن تەرگەۋگە قانداي دا ءبىر ادىسپەن ىقپال ەتۋگە، ارالاسۋعا جانە تەرگەۋ ارەكەتتەرىن رەتتەۋگە بارعان ەمەسپىن»،- دەگەن ا.شابدارباەۆ.

استانا. 29 تامىز. قازتاگ – ۇقك توراعاسى گەنەرال-لەيتەنانت امانگەلدى شابدارباەۆ «الما-اتا  ينفو» گازەتىنىڭ سوتتالعان باس رەداكتورى رامازان ەسىرگەپوۆتىڭ سانالى تۇردە زاڭدى بۇزىپ، سول ءۇشىن جاۋاپكەرشىلىككە تارتىلعانىنا سەنىمدى. بۇل ماسەلەگە قاتىستى ول ارنايى مالىمدەمە جاساپ، ونى سەنبى كۇنى ۇقك-ءنىڭ ءباسپاسوز-قىزمەتى تاراتتى.

«رامازان ەسىرگەپوۆكە قاتىستى ۇلتتىق قاۋىپسىزدىك كوميتەتىنە كەلىپ تۇسكەن ۇندەۋگە بايلانىستى قر ۇقك توراعاسى مىنانى مالىمدەيدى: ءبىر دە ءبىر لاۋازىمدى ادام، ونىڭ ىشىندە قر ۇقك توراعاسى، قايسىبىر قىلمىستىق ىسكە ارالاسىپ، ءىستى تەرگەپ جاتقان تەرگەۋشىلەرگە نۇسقاۋ بەرىپ، اسىرەسە سوت پروتسەسىنىڭ بارىسىنا ىقپال ەتە المايدى»،- دەپ اتاپ وتىلگەن حابارلامادا.

«مەن، ارناۋلى مەملەكەتتىك ورگاننىڭ جەتەكشىسى رەتىندە، ءوزىمنىڭ جەكە باسىمنىڭ مۇددەسى  نەمەسە كورپوراتيۆتىك مۇددە ءۇشىن تەرگەۋگە قانداي دا ءبىر ادىسپەن ىقپال ەتۋگە، ارالاسۋعا جانە تەرگەۋ ارەكەتتەرىن رەتتەۋگە بارعان ەمەسپىن»،- دەگەن ا.شابدارباەۆ.

ر.ەسىرگەپوۆكە قاتىستى قىلمىستىق ىسكە كەلسەك، ارناۋلى قىزمەت باسشىسىندا «ونى ەرەكشە باقىلاۋعا الۋعا ەشقانداي نيەتى دە، نەگىزى دە بولماعان». «بۇل ادام سانالى تۇردە زاڭدى بۇزىپ، جاۋاپكەرشىلىككە تارتىلدى. ونىڭ كىناسىنىڭ بار-جوقتىعىن ۇقك توراعاسى ەمەس، ءادىلسوت انىقتادى. ەسىرگەپوۆتىڭ تاراپىنان زاڭ بۇزىلۋىنا بايلانىستى  تەرگەۋ دالەلدەر جينادى. سوت ونى ۇكىم شىعارۋ ءۇشىن جەتكىلىكتى دەپ تاپتى. تەرگەۋ پروكۋراتۋرا ورگاندارىنىڭ قاداعالاۋىمەن جۇرگىزىلدى»،- دەپ اتاپ وتىلگەن مالىمدەمەدە.

«جاۋاپكەرشىلىكپەن مالىمدەيمىن: پروكۋراتۋرا ورگاندارىنىڭ تەكسەرۋى مەن ىشكى قىزمەتتىك تەكسەرۋ بارىسىندا ۇقك جامبىل وبلىسى بويىنشا دەپارتامەنتى قىزمەتكەرلەرى تاراپىنان زاڭ مەن ءادىلسوتتى «اۋىستىرىپ قويۋ» ارەكەتى انىقتالعان جوق. قۇپيا دەرەكتەردىڭ جاريا بولۋىنا قاتىسى بار ۇقك دەپارتامەنتىنىڭ قىزمەتكەرى ب.جانۇزاقوۆ تا 9 جىلعا باس بوستاندىعىنان ايرىلدى»،- دەپ حابارلادى ۇقك باسشىسى.

ونىڭ پىكىرىنشە، «جاريالانعان قۇجاتتاردىڭ قۇپيالىق گريفىن وزگەرتۋ سوت قابىلداعان شەشىمگە ىقپال ەتە المايدى. اسىرەسە، بۇل «مەملەكەتتىك قۇپيالار تۋرالى» قر زاڭىنىڭ تالاپتارىنا سايكەس مۇمكىن ەمەس». «ەگەر ەسىرگەپوۆ ۇكىمگە نارازى بولسا، وندا وعان شاعىمدانۋدىڭ ءتارتىبى زاڭمەن بەلگىلەنگەن»،- دەپ اتاپ ءوتتى ا.شابدارباەۆ.

بۇدان بۇرىن حابارلانعانىنداي، 8 تامىزدا تاراز قالالىق №2 سوتىنىڭ شەشىمىمەن «الما-اتا ينفو» گازەتىنىڭ باس رەداكتورى ر.ەسىرگەپوۆ جازاسىن جالپى رەجيمدەگى كولونيادا وتەۋ تارتىبىمەن ءۇش جىلعا باس بوستاندىعىنان ايرىلعان. وعان، سونىمەن بىرگە، ەكى جىلعا دەيىن باسپاگەرلىك جانە جۋرناليستىك قىزمەتپەن اينالىسۋعا تيىم سالىنعان. سونىمەن بىرگە، بۇل ءىستىڭ وزە فيگۋرانتتارى دا ءتۇرلى مەرزىمدەرگە باس بوستاندىعىنان ايرىلدى. تارازدىق كاسىپكەر سۇلتان ماحمادوۆ قر قك 172-بابىنىڭ 1-بولىمىمەن مۇلكىن تاركىلەپ، جازاسىن جالپى رەجيمدەگى كولونيادا وتەۋ تارتىبىمەن 7 جىلعا باس بوستاندىعىنان ايرىلدى. وسى ىسكە قاتىستى ءوتىپ جاتقان س.ماحمادوۆ كۇزەتىنىڭ باسشىسى ەرلان ساندىباەۆ مال-مۇلكى تاركىلەنىپ، 8 جىلعا باس بوستاندىعىنان ايرىلدى. س.ماحمادوۆ كاسىپورنىنىڭ كۇزەتشىسى ۆاديم سينياۆسكي ءبىر جىلدىق شارتتى سىناق مەزگىلىمەن ەكى جىلعا باس بوستاندىعىنان ايرىلدى.

ەستەرىڭىزگە سالا كەتسەك، 6 قاڭتاردا ر.ەسىرگەپوۆتى ۇقك جامبىل وبلىسى بويىنشا دەپارتامەنتىنىڭ قىزمەتكەرلەرى تۇتقىندادى. وعان قاتىستى قر قىلمىستىق كودەكسىنىڭ ەكى بابى بويىنشا – «مەملەكەتتىك قۇپياسى بار دەرەكتەردى زاڭسىز جيناۋ جانە تاراتۋ» جانە «قىزمەت بابىن اسىرا پايدالانۋ» ايىپ تاعىلدى. بۇعان سەبەپ بولعان «الما-اتا ينفو» گازەتىنىڭ 2008 جىلعى 21 قاراشاداعى سانىندا «كتو ۋپراۆلياەت ناشەي سترانوي: پرەزيدەنت يلي كنب؟» دەگەن ماقالانىڭ باسىلۋى. وندا ۇقك جامبىل وبلىسى بويىنشا دەپارتامەنتى باستىعىنىڭ قىزمەتتىك حاتى جاريالانعان. ارناۋلى قىزمەت وكىلدەرىنىڭ باعالاۋى بويىنشا، بۇل حات قۇپيا قۇجاتتاردىڭ قاتارىنا جاتادى. قۇقىققورعاۋشىلار بۇل ءىستىڭ ساياسي نەگىزى بار دەپ ەسەسپتەيدى.

ر.ەسىرگەپوۆتىڭ ءىسى بويىنشا سوت تىڭداۋلارى تارازدا جابىق تۇردە ءوتتى.

«الما-اتا ينفو» گازەتىنىڭ باس رەداكتورى ر.ەسىرگەپوۆتى قورعاۋ جونىندەگى شتاب ۇكىم شىققان سوڭ قر ۇقك الماتى دەپارتامەنتىنىڭ الدىندا نارازىلىق اكتسياسىن وتكىزدى.