«ماسكەۋ اباي وبلىسىنداعى ءورتتى ءسوندىرۋ جۇمىستارىنا ودكب-نى تارتۋ بويىنشا يمانعالي تاسماعامبەتوۆتى جاعالاي باستادى. ەگەر قازاقستان رەسەي مچس-ءىن شاقىرسا، كرەملگە باستىسى وسى جۇمىستى ودكب «سوۋسىمەن» وتكىزۋ قاجەت بولىپ تۇر»، - دەپ جازادى DALA INSIDE.

وزىنە ودكب-نىڭ ىشىندە جۇيەقۇراۋشى مەملەكەت دەگەن ستاتۋس جاساتىپ العان رەسەي، وسى ارقىلى قازاقستاندى تولىق وزىنە قارىزدار ەتپەك. قاڭتار وقيعاسى كەزىندە الماتىعا كەلگەن ودكب ەندى قازاقستاننىڭ شىعىسىنداعى ءورتتى ءسوندىرىپ بەرسە، وندا توقاەۆ ءۇشىن بەلگورودتى قورعاۋعا كونتينگەنت جىبەرۋدەن باس تارتۋ وتە قيىن بولاتىنى انىق.

تاسماعامبەتوۆ ودكب-نىڭ اسكەري ۇيىم ەكەنىن ايتىپ، مۇنداي ۇسىنىستاردان مۇمكىندىگىنشە قورعانىپ وتىر. مچس بارسا، ول گۋمانيتارلى ميسسيا، قازاقستان دا رەسەي ءورتىن سوندىرۋگە بارا الادى دەگەن پوزيتسيادا.

بىراق، كرەمل قايتسە دە قازاقستاندى وسى سوعىسقا ارالاستىرۋدى كوزدەپ وتىر. تۇپكى ماقسات - بىزگە سانكتسيا سالدىرۋ. سوندا ءبىز رەسەي مەن قىتايعا بايلانىپ قالاتىن بولامىز.

ءورت ءبىز ءۇشىن جاعدايدى قيىنداتا ءتۇستى. مانەۆر اياسى تار. ەگەر جاڭبىر جاۋىپ، ماسەلەنى ءوز كۇشىمىزبەن شەشسەك، وندا ءبىر قاۋىپتىڭ بەتى قايتادى. بولماي بارا جاتسا، تاشكەنتكە تەلەفون شالاتىن سياقتىمىز. ميرزيەەۆ بىزگە كومەكتەسۋگە دايىن وتىر.

Abai.kz