پرەزيدەنت تاپسىرماسىنا سايكەس اباي وبلىسىنداعى الاپات ءورت كەزىندە جاپا شەككەندەرگە جان-جاقتى قولداۋ كورسەتۋ جۇمىستارى باستالدى، دەپ حابارلايدى «حابار 24». 

قارا جامىلعان ءار وتباسى 7 ملن تەڭگە كومەك الادى، بۇدان بولەك ءار بالاعا 2 ملن تەڭگەدەن بەرىلەدى. بۇگىن سەمەيدەگى ءورت كەزىندە قازا بولعان ورمانشىلاردىڭ جانۇياسىنا پاتەر كىلتتەرى تاپسىرىلدى. جاڭا ءارى جايلى باسپانالار شاھاردىڭ قاراعايلى اۋدانىندا ورنالاسقان.

مەملەكەت باسشىسى قاسىم-جومارت توقاەۆ اباي وبلىسىنا جاساعان جۇمىس ساپارىندا ورشىگەن ءورتتى سوندىرەمىن دەپ ءومىرىن قيعاندارددىڭ وتباسىنا جان-جاقتى كومەك كورسەتۋدى تاپسىرعان. وبلىس اكىمى نۇرلان ۇرانحاەۆ ءتىلسىز جاۋمەن كۇرەسۋدە قاھارماندىقتىڭ ۇلگىسىن كورسەتكەن 15 ورمان شارۋاشىلىعى قىزمەتكەرىنىڭ تۋعان-تۋىستارىمەن كەزدەسىپ، باسپانا كىلتىن تابىس ەتتى.

«ساياتتىڭ ەڭبەگىن ەلەپ-ەسكەرىپ، ارتىندا قالعان وتباسىنا ءۇي بەرىپ جاتقان ۇكىمەتكە ريزاشىلىعىمىزدى بىلدىرەمىز. بۇل سايات ەلىن-جەرىن، وتباسىن قورعايمىن دەپ وتقا ءوز كەۋدەسىن توسەگەننەن كەيىن كورسەتىلىپ جاتقان قۇرمەت»،-دەدى ورتتە قازا تاپقان ورمانشى سايات نۇرجىگىتتىڭ اعاسى رومان نۇرجانۇلى.

Abai.kz