مەملەكەت باسشىسى تۇركىستاندا وتكەن ۇلتتىق قۇرىلتايدا الداعى ەكى جىل ىشىندە شەكارالىق اۋماقتار: قاتونقاراعاي، مارقاكول، ماقانشى اۋداندارىنىڭ قايتا قالپىنا كەلتىرىلەتىنىن ايتتى.

««امانات» پارتياسى بىرقاتار شەكارالاس اۋداندى قالپىنا كەلتىرۋ تۋرالى باستاما كوتەرگەنىن بىلەسىزدەر. ۇكىمەت مەنىڭ تاپسىرماممەن بۇل ماسەلەنى پىسىقتادى. مەن سوعان سايكەس قاتون-قاراعاي، مارقاكول جانە ماقانشى اۋداندارىن قالپىنا كەلتىرۋ تۋرالى نەگىزگى شەشىمدى قابىلدادىم. ارينە، بۇعان ارنايى دايىندىق كەرەك. قاجەتتى ەسەپ-قيسابىن جاساپ، قاراجاتىمىزعا، بيۋدجەتتىڭ مۇمكىندىگىنە قاراۋىمىز كەرەك. ءتيىستى جۇمىستىڭ ءبارىن بيىل اياقتاپ، الداعى ەكى جىلدىڭ ىشىندە وسى ءۇش اۋداندى قالپىنا كەلتىرە باستايمىز»، - دەدى پرەزيدەنت.

وسى رەتتە ءماجىلىس دەپۋتاتى ەرلان سايىروۆ ءۇش اۋداننىڭ حالقىن قۇتتىقتادى.

«بۇگىن بۇكىل تۇركى دۇنيەسىنە قاسيەتتى تۇركىستان قالاسىندا ۇلتتىق قۇرىلتاي ءوتتى. قۇرىلتايدا پرەزيدەنت قاسىم-جومارت توقاەۆ شەكارالىق اۋماقتار ماسەلەسىن قوزعادى. شەكارالىق اۋماقتا ورنالاسقان قاتونقاراعاي، مارقاكول، ماقانشى ايماقتارى قايتا قالپىنا كەلتىرىلەتىن بولدى. بۇل حالىقتىڭ كوكەيىندە جۇرگەن كۇپتى ماسەلە ەدى. بۇگىن پرەزيدەنت ماسەلەنىڭ نۇكتەسىن قويىپ، وسى اۋدانداردىڭ اشىلاتىنىن مالىمدەدى. بۇل - الماعايىپ كەزەڭدە قازاقستاننىڭ تەرريتوريالىق تۇتاستىعىن نىعايتۋعا باعىتتالعان ەڭ نەگىزگى ءىس-ارەكەت بولىپ تابىلادى. سوندىقتان «امانات» پارتياسىنىڭ اتىنان قاتونقاراعاي، مارقاكول، ماقانشى اۋداندارىنىڭ حالقىن شىن جۇرەكتەن قۇتتىقتايمىن»،-دەدى ءماجىلىس دەپۋتاتى ەرلان سايىروۆ.

Abai.kz