كەشە رەسەيلىك جەكە اسكەري كومپانيا – «ۆاگنەردىڭ» قوجايىنا رف قورعانىس ءمينيسترى سەرگەي شويگۋدى جەردەن الىپ، جەرگە سالعان سۇحبات بەردى. پريگوجيننىڭ بۇل سۇحباتى – رەسەي-ۋكراينا سوعىسى باستالعالى-بەرگى ەڭ داۋلى مالىمدەمە بولدى.

ارتىنشا كوپ ۇزاماي، رەسەي اسكەرىنىڭ روستوۆ وبلىسىنداعى «ۆاگنەر» لاگەرىنە زىمىرانمەن سوققى جاسالعانى ايتىلدى.

پريگوجين: «شويگۋ روستوۆقا ارنايى كەلىپ، «ۆاگنەردىڭ» لاگەرىن زىمىرانمەن سوققىلادى. ول «ۆاگنەردىڭ» كوزىن جويماقشى. ءبىز شويگۋدەن كەك الامىز. ءبىزدىڭ روستوۆقا باراتىنىمىزدى ءبىلىپ، شوۋگا قاشىپ كەتى. ءبىزدىڭ سانىمىز 25 مىڭ. ءبىز اياعىنا دەيىن كۇرەسەمىز»، - دەپ مالىمدەدى.

وسىدان سوڭ، روستوۆ پەن ماسكەۋدەن مازا قاشتى. قوس قالادا «قامال» دەيتىن كونتر-تەررورلىق وپەراتسيا باستالدى.

رەسەي قورعانىس ءمينيسترى سەرگەي شويگۋدىڭ قوس بىردەي گەنەرالى سۋروۆيكين مەن الەكسەەۆ ارتى-ارتىنان پريگوجينگە ءھام «ۆاگنەرلىكتەرگە» ۇندەۋ جاساپ: «جىگىتتەر، ءىستى ۋشىقتىرمايىق! ءبىزدى ادەيى ارانداتىپ وتىر. اۋەلگى ماقساتىمىزدان اينىمايىق»، - دەگەن اۋاندا سويلەدى.

ال «ۆاگنەرلىك» كومانديرلەر: «ءبىز پريگوجينگە ادالمىز. اياعىنا دەيىن كەك الامىز»، - دەپ مالىمدەدى.

وسىلايشا كەشە كەشتە رەسەيدەگى سوعىس باستالعالى-بەرگى ارالىقتاعى العاشقى اسكەري توڭكەرىس اكتى باستالدى.

كەشە: رەسەي فەدەرالدى قاۋىپسىزدىك قىزمەتى: «پريگوجيننىڭ مالىمدەمەسى – رەسەي كونستيتۋتسياسىنا قايشى»، - دەپ مالىمدەمە جاسادى.

ارتىنشا رەسەي باس پروكۋراتۋراسى پريگوجيننىڭ ۇستىنەن «اسكەري بۇلىك جاساۋ» بابى بويىنشا قىلمىستىق ءىس قوزعالعانىن مالىمدەدى.

ال بۇگىن تاڭدا «ۆاگنەر» جاساعى رەسەيدىڭ روستوۆ قالاسىن، بارلىق اسكەري نىسانداردى، سونىڭ ىشىندە اۋەجايدى تولىق ءوز باقىلاۋىنا العانىن مالىمدەدى.

وسىدان سوڭ، رف قورعانىس مينيسترلىگى گەنەرالدارى پريگوجينمەن كەلىسسوزگە بارعانى بەلگىلى بولدى. الايدا كەلىسسوزدەردەن ەش ناتيجە بولعان جوق.

رەسەيدەن قۋىلعان وليگارح ميحايل حودوركوۆسكي پريگوجيندى قولدايتىنىن مالىمدەدى.

«قازىر ءبىز جۇرتقا شىندىقتى ايتىپ وتىرعان پريگوجينگە كومەكتەسۋ كەرەكپىز. ءبىزدىڭ جاۋىمىز ورتاق»، - دەپ مالىمدەدى حودوركوۆسكي.

قازىرگى ۋاقىتتا «ۆاگنەر» جاساقتارى رەسەيدىڭ روستوۆ، ۆورونەج قالالارىن باقىلاۋعا العان. باق پەن تەلەگرام ارنالارداعى اقپاراتتاردا «ۆاگنەر» جاساقتارىنىڭ كراسنودار مەن ۆولگوگرادتى بەتكە الىپ بارا جاتقانى ايتىلۋدا.

بۇگىن رەسەي پرەزيدەنتى پۋتين دە ارنايى ۇندەۋ جاسادى. ول ءوز سوزىندە پريگوجيننىڭ ارەكەتىن «ساتقىندىق» دەپ اتاپ، «رەسەيدى بولشەكتەۋگە ارەكەت ەتۋدە»، - دەپ مالىمدەدى.

«ءبىزدى جەڭىلىس پەن كاپيتۋلياتسياعا يتەرمەلەۋدە. بۇلىك باستاپ، قارۋ العانداردى قاتاڭ جازالايمىز. روستوۆتى قۇرساۋدان بوساتۋعا تاپسىرما بەرىلدى. قاتاڭ ارەكەت ەتەمىز. رەسەيدى بولشەكتەۋگە جول بەرمەيمىز. پريگوجين – جەكە باسىنىڭ قامىن ويلاعان ساتقىن. 19917 جىلعى ستسەناري قايتالانبايدى»، - دەدى پۋتين.

وسىنىڭ ءىزىن الا پريگوجين دە ارنايى مالىمدەمە جاساپ: «پۋتين قاتە تاڭداۋ جاسادى. ونىسى وزىنە زيان! ەندى ءبىزدىڭ باسقا پرەزيدەنتىمىز بولادى»، - دەدى.

Abai.kz