QS World University Ranking الەمدەگى ەڭ ۇزدىك ۋنيۆەرسيتەتتەردىڭ مەرەيتويلىق 20-شى رەيتينگىن جاريالادى. جاھاندىق رەيتينگكە قازاقستاننىڭ 9 قالاسىنان 21 جوعارى وقۋ ورنى ەندى.

ىرىكتەۋگە الەمنىڭ 2 963 جوعارى وقۋ ورنى قاتىستى، ونىڭ ىشىندە 104 ەلدەن 1 499-ى ۇزدىكتەر رەيتينگىنە كىردى، سونداي-اق قازاقستاننىڭ 21 جوو (2022 جىلى – 16).

رەيتينگتەگى قازاقستاندىق جوعارى وقۋ ورىندارىنىڭ سانى وتكەن جىلدىڭ سايكەس كورسەتكىشىمەن سالىستىرعاندا بەس ەسە (+31,25 %) جانە 2021 جىلعى ينستيتۋتسيونالدىق رەيتينگتەگى ەلىمىزدىڭ ۋنيۆەرسيتەتتەر سانىمەن سالىستىرعاندا ەكى ەسەگە ارتتى.

رەيتينگتىڭ گەوگرافياسى كەڭەيدى، ەندى وعان قازاقستاننىڭ 9 قالاسىنان كەلگەن جوو-لار قاتىسادى، بۇل دا قازاقستاندىق جوعارى ءبىلىم ءۇشىن ماڭىزدى جەتىستىك بولىپ تابىلادى. وتكەن جىلى رەيتينگتە ەلىمىزدىڭ التى قالاسى ۇسىنىلدى

سونىمەن قاتار، الەمنىڭ ۇزدىك ۋنيۆەرسيتەتتەرىنىڭ QS World University Rankings رەيتينگىنە العاش رەت 5 قازاقستاندىق جوو كىردى: داۋلەت سەرىكباەۆ اتىنداعى شىعىس قازاقستان ۋنيۆەرسيتەتى (901-950 ورىن), نارحوز ۋنيۆەرسيتەتى (1201-1400 ورىن), سۇلەيمان دەميرەل اتىنداعى ۋنيۆەرسيتەت (1201-1400 ورىن), قورقىت اتا اتىنداعى قىزىلوردا ۋنيۆەرسيتەتى (1201-1400 ورىن), م. ح. دۋلاتي اتىنداعى تاراز وڭىرلىك ۋنيۆەرسيتەتى (1201-1400 ورىن).

رەسەي، شىعىس ەۋروپا جانە ورتالىق ازيا بويىنشا بريتاندىق QS كومپانياسىنىڭ وڭىرلىك ديرەكتورى سەرگەي حريستوليۋبوۆ اتاپ وتكەندەي، سوڭعى 20 جىل ىشىندە QS WUR الەمدەگى ۇزدىك ۋنيۆەرسيتەتتەر رەيتينگىنىڭ ادىستەمەسى ايتارلىقتاي وزگەرىسسىز بولىپ كەلدى: كەز كەلگەن وزگەرىستەر ينديكاتورلاردىڭ قۇرامىن وزگەرتۋدەن گورى قولدانىستاعى ادىستەردى نەمەسە پروتسەستەردى جاقسارتۋ بولدى.

«ءبىزدىڭ فلاگماندىق رەيتينگىمىزدىڭ 20-شى مەرەيتويلىق شىعارىلىمى الدىڭعى جىلداردان ايتارلىقتاي ەرەكشەلەنەتىن جاڭا ادىستەمەگە نەگىزدەلگەن، سوندىقتان ءبىز قاتاڭ تۇردە بۇرىن جاريالانعان رەيتينگتەردىڭ ناتيجەلەرىمەن كەز كەلگەن سالىستىرۋدى پايدالانباۋدى ۇسىنامىز»، - دەپ اتاپ ءوتتى سەرگەي حريستوليۋبوۆ.

قازىرگى رەيتينگتىڭ ەرەكشەلىگى – 9 ينديكاتوردان تۇراتىن رەيتينگ ادىسناماسىنداعى ايتارلىقتاي وزگەرىستەر.

2023 جىلى جوعارى وقۋ ورىندارىنىڭ عىلىمومەتريالىق ينديكاتورلارىنا قويىلاتىن تالاپتاردى كۇشەيتەتىن 3 جاڭا ينديكاتور قوسىلدى: International Research Network (1 عالىمعا ارنالعان جاريالانىمنىڭ ۇلەسى جانە Scopus ءبىر قىزمەتكەرگە بەس جىلدىق كەزەڭدە يندەكستەگەن نولدىك ەمەس دايەكسوزدەرى بار ء(وزىن-ءوزى دايەكسوزدەۋدى قوسپاعاندا) شەتەلدىك ارىپتەستەرمەن بىرلەسە شىعارعان جاريالانىمدار سانى); Employments outcomes ء(بىر قىزمەتكەرگە شاققانداعى تۇلەكتەردى جۇمىسقا ورنالاستىرۋ جانە كورنەكتى تۇلەكتەردىڭ سانى); Sustainability (SDG شەڭبەرىندەگى زەرتتەۋ).

ءۇش جاڭا ينديكاتوردىڭ ەنگىزىلۋى «وقىتۋشىلار مەن ستۋدەنتتەر سانىنىڭ اراقاتىناسى» ينديكاتورىنىڭ سالماعىنىڭ (20%-دان 10%-عا دەيىن) تومەندەۋىنە الىپ كەلدى، ول بويىنشا قازاقستان مەن ءوڭىردىڭ باسقا ەلدەرىنىڭ جوعارى وقۋ ورىندارى بارىنشا جوعارى ناتيجەلەر كورسەتتى.

سونىمەن قاتار جوعارى رەيتينگتى عىلىمي جۋرنالداردا جاريالانىمدارى بار قازاقستاندىق وقىتۋشىلار مەن عالىمداردىڭ ۇلەسى ءالى دە تومەن. Clarivate Analitics دەرەكتەرى بويىنشا قازاقستان الەمدە 83 ورىندا تۇر. سونداي-اق، قازاقستاندىق اۆتورلاردىڭ ءبىر باسىلىمىنا دايەكسوزدەر سانى سياقتى عىلىمومەتريالىق كورسەتكىش تومەن بولىپ قالۋدا. بۇل اسپەكتىلەر الەمدىك رەيتينگتەردەگى جوعارى وقۋ ورىندارىنىڭ رەيتينگىنە ايتارلىقتاي اسەر ەتەدى.

قازاقستاندىق جوعارى وقۋ ورىندارىن رەيتينگتەردە ىلگەرىلەتۋدىڭ نەگىزگى مىندەتى جوعارى دايەكسوز كەلتىرىلگەن عىلىمي جۋرنالداردا قاتىسۋدى ارتتىرۋ جانە حالىقارالىق عىلىمي ىنتىماقتاستىقتارعا بەلسەندى قاتىسۋ بولىپ تابىلادى.

مينيسترلىك جوعارى وقۋ ورىندارىنىڭ عىلىمي-زەرتتەۋ قىزمەتىنىڭ ناتيجەلىلىگىن ارتتىرۋ بويىنشا ناقتى قادامدار جاساۋدا. ماسەلەن، 2023 جىلى قر پرەزيدەنتىنىڭ جانىنان عىلىم جانە تەحنولوگيالار جونىندەگى ۇلتتىق كەڭەس قۇرىلدى. "عىلىم جانە تەحنولوگيالىق ساياسات تۋرالى" جاڭا زاڭ ازىرلەنۋدە. وقىتۋشىلار مەن عالىمداردىڭ جاريالانىمدىق بەلسەندىلىگىن ارتتىرۋ جانە ىنتالاندىرۋ ءۇشىن قازاقستاندىق عىلىمي دايەكسوز يندەكسى ەنگىزىلەدى. الدىڭعى كەزەڭمەن سالىستىرعاندا عىلىمدى قارجىلاندىرۋ 3,5 ەسە ءوستى. عزتكج-عا جەكە ينۆەستيتسيالاردى تارتۋ كەزىندە سالىقتىق پرەفەرەنتسيالار كوزدەلگەن.

سونداي-اق، ەلدە زەرتتەۋ ۋنيۆەرسيتەتتەرىن قۇرۋ پروتسەسى باستالدى. 2022 جىلدىڭ سوڭىندا ۇكىمەت ءال-فارابي اتىنداعى قازۇۋ جانە ل. گۋميلەۆ اتىنداعى ەۇۋ وتاندىق جوعارى وقۋ ورىندارىن الەمدىك دەڭگەيدەگى زەرتتەۋ ۋنيۆەرسيتەتتەرىنە اينالدىرۋعا باعىتتالعان دامىتۋ باعدارلامالارىن بەكىتتى.

Abai.kz