داۋرەن اباەۆ قازاقستاننىڭ رەسەيدەگى توتەنشە جانە وكىلەتتى ەلشىسى بولىپ تاعايىندالدى، دەپ حابارلايدى اقوردا.

«مەملەكەت باسشىسىنىڭ جارلىعىمەن داۋرەن اسكەربەكۇلى اباەۆ قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى لاۋازىمىنا تاعايىندالدى»، - دەپ جازىلعان قۇجاتتا.

داۋرەن اباەۆتىڭ ەڭبەك جولى تومەندەگىدەي جالعاسقان:

* 2001 جىلى ءال-فارابي اتىنداعى قازاق ۇلتتىق ۋنيۆەرسيتەتىن، 2006 جىلى لەيدەن ۋنيۆەرسيتەتىن تامامداعان.

* 2001 جىلدىڭ تامىزى مەن 2003 جىلدىڭ تامىزى ارالىعىندا قازاقستان رەسپۋبليكاسى سىرتقى ىستەر مينيسترلىگىنىڭ ورتالىق اپپاراتىندا جۇمىس ىستەگەن.

* 2003 جىلدىڭ مامىرى مەن 2007 جىلدىڭ مامىرى ارالىعىندا قازاقستان رەسپۋبليكاسىنىڭ ازەربايجانداعى جانە نيدەرلاند كورولدىگىندەگى ەلشىلىكتەرىندە ديپلوماتيالىق قىزمەت اتقارعان.

* 2007 جىلدىڭ مامىرى مەن 2007 جىلدىڭ جەلتوقسانى ارالىعىندا — قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى ءبولىمىنىڭ باستىعى.

* 2007 جىلدىڭ جەلتوقسانى مەن 2008 جىلدىڭ جەلتوقسانى ارالىعىندا – قازاقستان رەسپۋبليكاسى پرەزيدەنتى پروتوكولىنىڭ باس ساراپشىسى، كونسۋلتانتى.

* 2008 جىلدىڭ جەلتوقسانى مەن 2009 جىلدىڭ قازانى ارالىعىندا — قر پرەزيدەنتىنىڭ ءباسپاسوز حاتشىسىنىڭ ورىنباسارى.

* 2009 جىلدىڭ قازانىنان — قازاقستان پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.

* 2011-2016 جىلعى 6 مامىرعا دەيىن قازاقستان پرەزيدەنتىنىڭ ءباسپاسوز حاتشىسى، كەڭەسشىسى قىزمەتىن اتقارعان.

* 2016 جىلدىڭ مامىرى مەن 2019 جىلدىڭ اقپان ارالىعىندا – قر اقپارات جانە كوممۋنيكاتسيالار ءمينيسترى.

* 2019 جىلدىڭ اقپانى مەن 2020 جىلدىڭ مامىرى ارالىعىندا – قازاقستان رەسپۋبليكاسى اقپارات جانە قوعامدىق دامۋ ءمينيسترى.

* 2020 جىلدىڭ 4 مامىرىنان باستاپ قازاقستان رەسپۋبليكاسى پرەزيدەنت جارلىعىمەن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى قىزمەتىنە تاعايىندالدى.

* 2022 جىلى 11 قاڭتاردا قر مادەنيەت جانە سپورت ءمينيسترى بولىپ تاعايىندالدى.

* 2023 جىلدىڭ ناۋرىزىندا تمد باس حاتشىسىنىڭ ورىنباسارى بولدى.

داۋرەن اباەۆ 2021 جىلى «ۇڭگىردەگى ۇلتشىلدىق» دەگەن سوزىمەن قازاق قوعامىنىڭ نارازىلىعىن تۋدىرعان. سول جىلدارى بەلسەندى قۋات احمەتوۆ باستاعان ازاماتتار ەرىكتى «ءتىل پاترۋلدەرىن» قۇرىپ، دۇكەندەر مەن مەملەكەتتىك مەكەمەلەردىڭ قىزمەتكەرلەرىنەن «قازاق ءتىلىن قانشالىقتى بىلەتىندەرىن» تەكسەرگەن.

ال سول ۋاقىتتا قر قازاقستان پرەزيدەنتى اكىمشىلىگى جەتەكشىسىنىڭ ورىنباسارى بولىپ جۇرگەن داۋرەن اباەۆ بەلسەندىلەردىڭ بۇل ارەكەتتەرىن ايىپتاي سويلەپ، مەملەكەتتىك مەكەمە قىزمەتكەرلەرى مەن دۇكەن ساتۋشىلارىنان قازاق تىلىندە قىزمەت كورسەتۋدى تالاپ ەتكەن ارەكەتتى «ۇڭگىردەگى ۇلتشىلدىق» دەپ باعالاعان.

Abai.kz