مەملەكەت باسشىسىنىڭ ايتۋىنشا، بيلىك "ەكونوميكالىق جانە تۋريستىك ورتالىققا" اينالاتىن "يننوۆاتسيالىق قالا" تۇرعىزعىسى كەلەدى.

اسمان قالاسىن سالۋداعى باستى ماقسات - قىرعىزستاندا ءتۋريزمدى دامىتۋ جانە ەلدىڭ ينۆەستيتسيالىق مۇمكىندىگىن ارتتىرۋ. پرەزيدەنتتىڭ پىكىرىنشە، مۇنداي جوبا ەلدىڭ تۋريستىك جانە ينۆەستيتسيالىق الەۋمەتىن ارتتىرادى.

"اسمان قالاسى شىعىس پەن باتىستى، سولتۇستىك پەن وڭتۇستىكتى جالعايتىن قارجى حابىنا اينالادى! قۇمتور ەل ەكونوميكاسىن العا جىلجىتسا، وسى قالا مەن "تامچى" ارنايى ەكونوميكالىق ايماعى ەلىمىزدىڭ ەكونوميكالىق لوكوموتيۆىنە اينالادى" دەيدى جاپاروۆ.

پرەزيدەنتتىڭ ايتۋىنشا، قالا جوباسىن دايىنداۋعا جانە ونىڭ قۇرىلىسىن باستاۋعا بيۋدجەتتەن ءبىر تيىن دا جۇمسالعان جوق. شەتەل ينۆەستورلارى وسىنداي ءىرى جوبانى جۇزەگە اسىرۋعا قىزىعىپ وتىر.

مالىمەتتەرگە قاراعاندا، اسمان قالاسىن سالۋعا 20 ملرد دوللار جۇمسالادى. العاش ينۆەستور - Promise Land كورەي كومپانياسى جاڭا قالا قۇرىلىسىن باستايدى. ينۆەستور بۇل جوباعا 1 ملرد دوللار قۇيۋعا دايىن.

اسمان قالاسى 4 مىڭ گەكتار جەردە بوي كوتەرەدى. جاڭا قالاسىندا 500-700 مىڭ ادام تۇرادى. اسمان ىستىقكولدىڭ سولتۇستىك جاعالاۋىندا، تورۋ-ايعىر اۋىلى مەن چىرپىقتى اۋىلى اراسىندا ورنالاسادى.

Abai.kz