كۇدىكتىلەر "جاسى مەن دەنساۋلىعىنا بايلانىستى" ۇيقاماققا الىنعان. ولاردىڭ سانى ايتىلمايدى.

"2023 جىلعى 1 شىلدەدە ولاردىڭ ارەكەتتەرى قىلمىستىق كودەكستىڭ 292-بابىنىڭ 3-بولىگى بويىنشا سارالانعان ("ابايسىزدا ەكى جانە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ")" دەپ جازىلعان حابارلامادا. تەرگەۋ جالعاسىپ جاتىر.

باس پروكۋراتۋرانىڭ ايتۋىنشا، ءورت سەبەبىنە قاتىستى بارلىق بولجام قاراستىرىلىپ جاتىر. اراسىندا قاساقانا ورتەۋ، تابيعاتتا اقاۋلى تەحنيكانى پايدالانۋ، نايزاعاي رازريادى بار.

اباي وبلىسىنداعى ورتتەن 15 ادام قازا بولعان. 14-ءى – "سەمەي ورمانى" جاڭا ءشۇلبى بولىمشەسىنىڭ 14 قىزمەتكەرى جانە جەرگىلىكتى تراكتورشى.

ماۋسىم ورتاسىندا ءورت اۋماعى 60 مىڭ گەكتاردان استام ەكەنى ايتىلدى. ورمانشىلاردىڭ تۋىستارى جاقىندارىن ءورت سوندىرۋگە ءتيىستى تەحنيكاسىز جىبەرگەنىن ايتقان.

اباي وبلىسىندا ءورت جالعاسىپ جاتقان تۇستا پرەزيدەنت قاسىم-جومارت توقاەۆ يۋري ءيليندى توتەنشە جاعداي ءمينيسترى قىزمەتىنەن بوساتقان. كەيىن بيلىك اباي وبلىسىنداعى ورتكە بايلانىستى يلينگە قاتىستى تەكسەرۋ جۇمىستارى باستالعانىن حابارلاعان. بۇعان قوسا، باس پروكۋراتۋرا يلين، ەكولوگيا ءمينيسترى زۋلفيا سۇلەيمەنوۆا، اباي وبلىسىنىڭ اكىمى نۇرلان ۇرانحاەۆ ءورت ءىسى بويىنشا قىلمىستىق ىستە تەرگەلەتىنىن ايتقان.

Abai.kz