زاڭسىز سىياقى العاندارعا قاتىستى قولدانىلاتىن جازا كۇشەيەدى. انتيكور قىلمىستىق كودەكسكە وسىنداي وزگەرىس ەنگىزۋدى ۇسىنىپ وتىر، دەپ حابارلايدى Ulysmedia.kz.

«ءىرi مولشەردە سىياقى الۋمەن بايلانىستى نە قورقىتىپ الۋمەن ۇشتاسقان ءىس-ارەكەتتەر – مۇلكى تاركىلەنىپ نەمەسە ونسىز، بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان 3 جىلعا دەيىنگى مەرزىمگە ايىرا وتىرىپ، 3 000 اەك-كە (10 350 000 تەڭگەگە) دەيiن ايىپپۇل سالۋعا نە سول مولشەردە تۇزەۋ جۇمىستارىنا نە 800 ساعاتقا دەيىنگى مەرزىمگە قوعامدىق جۇمىستارعا تارتۋعا نە 3 جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى»، - دەلىنگەن اشىق نقا پورتالىندا جاريالانعان قىلمىستىق كودەكستىڭ جاڭا رەداكتسياسىندا.

ايتا كەتەيىك، قولدانىستاعى زاڭ شەڭبەرىندە مۇنداي ارەكەت جاساعاندارعا ەڭ قاتال جازا رەتىندە 2 جىلعا سوتتاۋ، وسى مەرزىمگە باس بوستاندىعىن شەكتەۋ نەمەسە 6 ملن 900 مىڭ تەڭگە ايىپپۇل سالۋ شارالارى قولدانىلادى. سونداي-اق كىنالى دەپ تانىلعان ادام سوت شەشىمىمەن 600 ساعاتقا قوعامدىق جۇمىستارعا تارتىلادى. ەندى زاڭسىز سىياقى العاندارعا 3 جىلعا باس بوستاندىعىنان ايىرۋ، 10 ملن تەڭگەدەن اسا ايىپپۇل سالۋ جانە 3 جىلعا جىلعا بوستاندىعىن شەكتەۋ جازاسى قولدانىلماق.

قۇجات 17 شىلدەگە دەيىن كوپشىلىك تالقىلاۋدا بولادى.

Abai.kz