قازاقستان 2023 جىلدىڭ سوڭىنا دەيىن وزبەكستان جانە قىرعىزستانمەن سىرداريا باسسەينىندەگى سۋ-ەنەرگەتيكالىق رەسۋرستاردى پايدالانۋ بويىنشا كەلىسىمگە وزگەرىستەر ەنگىزبەك. بۇل جونىندە Gazeta.uz باسىلىمى جازدى. 

بۇل قازاقستاننىڭ 2023-2029 جىلدارعا سۋ رەسۋرستارىن باسقارۋ جۇيەسىن ءوندىرۋ كونتسەپتسياسىندا قاراستىرىلعان.

1998 جىلى ناۋرىز ايىندا بىشكەكتە قابىلدانعان قۇجاتقا سايكەس، نارىن-سىرداريا وزەنىنەن وندىرىلگەن ەلەكتر ەنەرگياسىنىڭ قىرعىزستاننىڭ قاجەتتىلىگىنەن اسقان بولىگى وزبەكستان مەن قازاقستانعا بەرىلەدى. ونىڭ ورنىنا قىرعىزستان ەنەرگەتيكالىق رەسۋرستاردى (كومىر، گاز، مازۋت، ەلەكتر ەنەرگياسى), سونىمەن بىرگە باسقا ونىمدەردى الادى.

سۋ قويمانىڭ جۇمىس رەجيمى، ەلەكتر ەنەرگياسىنىڭ اعىمىنىڭ كولەمى جانە ونى جەتكىزۋ جىل سايىن ۇكىمەتارالىق كەلىسىممەن بەكىتىلەدى.

بۇل ارادا جەلتوقسان ايىنا دەيىن قازاقستان وزبەكستاننىڭ ۇكىمەتىمەن ترانسشەكارالىق سۋ نىساندارىن بىرلەسىپ باسقارۋ جانە پايدالانۋ بويىنشا كەلىسىمگە قول قويۋ جوسپارلانىپ جاتىر.

كونتسەپتسيادا سۋدىڭ ءتيىمسىز پايدالانۋدان بولەك سىرداريانىڭ ەكولوگيالىق جاعدايى بۇزىلىپ جاتقانى ايتىلعان. قۇجاتتا سىرداريانىڭ ترانزيتتىك اعىمىمەن وزبەكستاننىڭ ايماعىنان مۇناي ونىمدەرى، فەنولدار جانە ازوت قوسپالارى سەكىلدى بىلعاۋشى زاتتار كوپ كولەمدە كەلىپ جاتقانى ايتىلعان.

وسىعان بايلانىستى قازاقستان سىرداريانىڭ ءتۇبىن تازالاپ، وزەندى قالپىنا كەلتىرۋدى كوزدەيدى.

فوتو: اشىق دەرەككوزدەن

Abai.kz